حلويات نجاح ابني في شهادة الابتدائي......مرحبا بكم

ام ظافر · 2014-06-18, 15:59

السلام عليكم
حبيت تشاركوني فرحتي بوليدي ......نجح في شهادة الابتدائي بتقدير امتياز
تفضلو بسم الله

مقروض الكوشة منقوش بشكل وردة
قاطو الاساور بلابات فيلو مزين بكرام شانتيي

قاطو القنافذ
https://www.djelfa.info/vb/showthread.php?t=536757
قاطو ما يطيبش مزين بطريقة
الاخت طوما بطريقة الرسم على القلاصاج
صابلي بذوق البرتقال للاخت فايزة
https://www.djelfa.info/vb/showthread.php?t=1482732
غريبية بالحمص الي يتحمص ويترحى رقيق
كاستال
الرفيس التونسي

[IMG][url=https://up./][/url[/IMG]
[IMG][/IMG]
[IMG][/IMG]

[IMG]https://cdn./i_f080edb7701.jpg[/IMG

للاخوات الي طلبو الوصفات تفضلوا واسمحولي على التاخير
المقروض .....3كيلات دقيق متوسط وكيلة فرينة وخميرة كميائية واحدة وملح ومغرف سكرعادي وكيلة سمن ماشي ذايبة هكذاك كي المرهم وكاس تاي زيت نخدم الخليط كامل مليييييييييح حتى تحسي كل حبة دقيق تشربت ليدام مليح وخليه يبات ليلة ومن غد بليه بماء فيه ماء الزهر واجمعي عجينتك وشكليها عادي مثل اي مقروض محشي بالغرس وكل حبة انقشيها بالنقاش بشكل وردة

قاطو الاساور........بعجينة الفيلو سبق للاخت ام كوثر وضعت طريقة صنع لابات فيلو بالتفصيل وطريقة تشكيل حلوى الاساور باستعمال قضيب وتلفيها عليه بعد ما تكوني طليتيها بالسمن وتكمشي القطعة وتسحبيها من القضيب وتلفيها بشكل اسورة وطيبيها ومن بعد تعسليها وتحطي وسطها كرام شانتيي وتزينيها حسب الرغبة

القنافذ........... 5بيض+نصف كاس زيت +نصف كاس عسل ثقيل +نصف كاس سكر عادي +نصف كاس كاكاو +2خميرة +2كاس فرينة تقريبا تكون مثل المسكوتة وطيبيها وتقطعيها بكاس التاي الى دوائر ثم تحلي كل دائرة من الوسط وتحشيها بالكريمة وتطليها بيها ايضا وترمدي الحبة في بواقي القاطو بعد ما تكوني دشدشتيه بيدك
الكريمة هي 300غ زبدة +نصف كاس سكر رطب +نصف كاس عسل +مغرف نيسكافي ذايبة وطلعيها واذا ما تماسكتش زيدي السكر رطب حتى تتماسك

الكاستال ......500غ كاوكاو محمص ومرحي متوسط +500غ سكر عادي +200غ فرينة +نصف لترابيض البيض يعني بين 12 الى 14 بيضة حسب الحجم وفاني
خلطي البياض مع السكر جيدا ثم ضيفي الكاوكاو والفرينة والفاني واقسمي الخليط على زوج بالتساوي في زوج بلاوات عليهم ورق الطهي ضروري وطيبيهم
لما يبردو غير شوي قطعي الحاشية كامل وحطي بين الطبقتين الكريمة وفوقهم وذري فتات الحواشي وعليهم السكر رطب
الكريمة هي 200غ زبدة +8ملاعق كبيرة سكر رطب +صفار بيضة+ فاني

الصابلي ...............للاخت فايزة وضعت رابط مباشر له

الغريبية ................كيلة سمن ماشي ذايب +كاس تاي زيت +كيلة ناقصة شوي سكر رطب مغربل نخدمهم ملييييييييييييح +فرينة محمصة غير تنشف فقط ما يتغيرش لونها وباردة ومغربلة ونصف كيلة حمص محمص ملييح ومرحي وشوي فاني وملح ونخدم عادي ولكن مباشرة في الاكياس الورقية ونطيبهم فيها

الرفيس التونسي ........نحمص الدقيق ملييييييييييييييييح ونضيفلو غرس منقي ولكن ماشي مرحي وشوي ملح وزبدة ونصف كاس حليب وكيلة كاوكاو محمص ومرحي ونعرك بكف يديا مليح مليح ونشكلها حسب الرغبة

متمنية · 2014-06-18, 16:03

الله يبارك ...والله يجعل كلشى مبروووك وعقوبة لشهادات العليا وتفرحى بيه وبولادك كاملين

mira la belle fraise · 2014-06-18, 16:08

ربي يبارك مبروك عليكم هاد الفرحة لعقوبة لنجاحات اخرئ

ام ظافر · 2014-06-18, 16:15

[IMG][/IMG]

[IMG][/IMG]

[IMG][/IMG]

touta :) · 2014-06-18, 16:17

mabrouuuuuuuuuuuuk

ام ظافر · 2014-06-18, 16:18

[IMG][/IMG]

[IMG][/IMG]

ام ظافر · 2014-06-18, 16:21

[IMG][/IMG]

[IMG][/IMG]

[IMG][/IMG]

louli2007 · 2014-06-18, 16:22

alf alf mabrouk inchallah ki taffarhi bih f najahat okhra

ام ظافر · 2014-06-18, 16:23

[IMG][/IMG]

ام رشدى · 2014-06-18, 16:25

اللللللللللللللللللف مبروك والحمدلله كي فرجك ربي ولعقوبة لشهادة العالية انشاء الله ممكن تحطيلنا الوصفات ادا ممكن

manels · 2014-06-18, 16:34

الله يبارك هايلين هذا ابتدائي درتيلو هكذا مالا كون باك كون ابداع اكثر

الله يبارك المزيد من النجاحات

انا ماما جبت الماجستير وجامي دارتلي قاطو هههههههههههههههههههههههههه

fati13 · 2014-06-18, 16:37

الله يبااااااااارك والف الف الف مبرووووووووووووووووك لابنك لعقوبة لشهادات الاخرى والتخرج ان شاء الله

ام ظافر · 2014-06-18, 16:41

اقتباس:

المشاركة الأصلية كتبت بواسطة ام رشدى

اللللللللللللللللللف مبروك والحمدلله كي فرجك ربي ولعقوبة لشهادة العالية انشاء الله ممكن تحطيلنا الوصفات ادا ممكن

الله يفرحك بحبابك
معظم الوصفات من منتدانا الغالي غير نتهنى نحط الروابط المباشرة والوصفات كامل لانو تحميل الصور اخذ مني وقت كبير

اقتباس:

المشاركة الأصلية كتبت بواسطة manels

الله يبارك هايلين هذا ابتدائي درتيلو هكذا مالا كون باك كون ابداع اكثر

الله يبارك المزيد من النجاحات

انا ماما جبت الماجستير وجامي دارتلي قاطو هههههههههههههههههههههههههه

ولانها اول فرحة ليه حبيت نشجعو
لوكان باك كنت عملتلو ما عملت ماماه لما نجحت في الباك

حتى الزغاريد ما كانش

islam1aya · 2014-06-18, 17:09

ام ضافر مبروك عليهعقوبة للدراسات العليا
حلويات في القمة يعطيك الصحة

charolize · 2014-06-18, 17:16

ماشاء الله ممكن الوصفات
ربي يعطيك ما تتمناي دنيا واخرة حنونتي مبروك نجاح ومزيد من الافراح