حلوة البسبوسة

انوشة حنان · 2013-03-05, 14:51

[ :dj_17:حلوة البسبوسة[
المقادير
4 بيضات. كاس زيت . كاس سكر كاس حليب . 3 خمارة حلوة . 3 كيسان سميد . 4 مغارف كبار فرينة لفاني.
نشعل الفرن على درجة حرارة 360 درجة
طريقة التحضير
نخلط البيض السكر مليح مليح ولفاني بالخلاط اليدوي حتى يبياض الخليط مث نزيد الزيت بالشوية ونخلط مليح وبعدها نضيف الحليب ونخلط دائما
نضيف السميد الدي نكون خلطناه مع الفرينة والخمارة ونخلط جيدا
بعدها نجهز سنيوة طولها 30 سم وعرضها 20 سم ندهنها بالزيت مليح
ثم نضع الخليط بداخلها
ننقص من حرارة الفرن الى 180 درجة
ونضع السنيوة بداخلها
نتركها تطيب بلا مانفتح عليها حتى تطلع مليح مليح
وتحمار من فوق شوية
في الوقت اللي تطيب فيه الحلوة نجهز الشاربات الي نسقي بيها الحلوة
انا استعمل العسيلة العادية
اخد كاس عسيلة ونصف ونيد عليه الماع مقدار 2 كيسان ونخلط مليح ونديروا فوق النار يغلي لمدة 10 دقائق
ننزعه ونتركه يبرد مليح
بعد خروج الحلوة من الفرن نسقيها مباشرة بالشاربات الباردة
ونتركها تتشرب مليح لمدة 2 ساعة على الاقل
ونرشها بلزموند افلي
بعد دالك نقطعها مربعات ونضعها داخل الكيسات
وادا كان عندك حبات كرز نقسمها على اثنان ونديرها من فوق
و شهية طيبة من كل قلبي
اتمنى ان يكون موضوعي قد اعجبكم
مع العلم هته اول مشاركة لي
فارجو ان تشجعوني[]

ليلى المرشدة · 2013-03-05, 14:53

عزيزتي مرحبا بك عضوة

basmala farah · 2013-03-05, 15:03

الله يبارك بسبوسة هايلة

sarah.. · 2013-03-05, 15:47

نفس طريقتي
مشكورة اختي بارك الله فيك
عندي مدة طويلة ماعملتهاش لانو لقيت وصفة اخرى باللوز تجي ابن واحلى
مرحبااا بيك معانا

kakinova · 2013-03-05, 15:53

اممممممممممممممممم يعطيك الصحة

راكي غالطة في صورة البسبوسة هادي لي خرجتلي

الصورة ما خرجتليش عاودي حطيها

ريتاج تيارتية · 2013-03-05, 15:53

انا نخدمها هكا بصح ندير2كيسان سميد متوسط مش 3 كيسان شكراااااا

ام ملاك. · 2013-03-05, 19:03

مابانوش الصور عاودي طلعيهم

لبنى2010 · 2013-03-06, 13:35

تبان مليحة بصح زيديلنا الصورة و اهلا بك معنا في منتدانا

minoucha2008 · 2013-03-06, 13:40

يا عزيزتي انوشة حنان اين الصور بارك الله فيكييييييييييييييييي

أم نورين · 2013-03-06, 13:45

شكرا لك والله هايلة لانها نفس طريقتي فقط تاخد كمية اكبر من العسيلة

انوشة حنان · 2013-03-06, 14:16

مساء الخيرات
شكرا لكم عن كل الردود الجميلة والمشجعة
انا هته اول مشاركة لي بالمنتدى
مع العلم بانني اتابع كل مواضيعه المميزة باستمرار
واجرب كل ما يعجبني دائما
اما بخصوص الصور
فارجو المعدرة
لاني لا اعرف كيفية ارسال الصور
لكن اعدكم بانني في اقرب وقت ستكون كل حلوياتي مرفوقة بالصور
وشكرا والف شكر مرة اخرى على تشجيعاتكم
وانتظروا مني كل شيء جديد
المخلصة دائما لكم حنان [/center]

ملكة في المنفى · 2015-05-09, 21:55

روووووووووووووووووووعة

warda 07 · 2015-05-10, 11:54

ما شاء الله

مشاهدة نتائج الإستطلاع: رايكم بحلوتي
جيدة	7	58.33%
حسنة	4	33.33%
متوسطة	1	8.33%
إستطلاع متعدد الإختيارات. المصوتون: 12. أنت لم تصوت في هذا الإستطلاع