ارجو الرد من اصحاب الخبرة

[ام سوهيل]

السلام عليكم ورحمة الله وبراكتة

اخواني اخاواتي المعليمين ربي يجزيكم ويستركم ويوفقكم في حياتكم

انا ولدي يقرة السنة التانية ئبتدائى

والمعدل الي تحسل عليه في هد الفصل هو 7 فاصل 25 وانا بي صراحة مكنتش راضية على هاد النتيجة لانه فاهم مشاء الله عليه لكن الاخطاء في الكتابة هي الي ضيعته

وحتى المعلم حضره في الملاحضة وقاله حداري من اخفاقك في الغة العربية

تحصل على 4 نقاط فاصل

اما في الفرد تحصل على 8 فاصل 25

ارجوكم قولولي انتيجة مليحة ولى مكان مكان وش تنصحوني وكيفاش انعلمه يكتب بلا اخطاء املائية ارجوكم جوبوني ربي يجازيكم

[ام عرفات]

السلام عليك اختي الكريمة
انا مثلك ابني يقرى السنة الثانية و نفس المشكل كنت نعاني منو وليت نديرلو املاء في الدار و الغلطة الي يديرها نعاودهالو من الغد نشوف الا تحسن ولا لا
خاصة التاء المربوطة و المفتوحة وال و التنوين كي نقولو مثلا خاصة فوفها فتحتين يكتبها خاصتن
وليت نركز على التنوين
انت كل يوم ديريلو املاء جملة تكفيه
انا وليدي جاب الرياضيات 6 والباقي 10 و9 و الرسم 6
بصح مازال ما عطاولهمش المعدل
يا ريت نبقاو على اتصال نحكيو على ولادنا واش طاولهم تمارين او واجبات او.....

[ام سوهيل]

شكر اختي برك الله فيك وربي ينجح اولادنا

حتا انا انعاني من نفس المشكل ولله غير ساعدتيني بزاف جزاك الله خير

يعطيك الصحة واي سوال انا في الخدمة

[طاوس71]

السلام عليكم قبل الاملاء يجب أن يقرأ جيدا الكلمات التي تملى عليه لأن الاملاء في السنة الثانية تكون عن طريق المنظور.شكرا.

[ام سوهيل]

المشاركة الأصلية كتبت بواسطة طاوس71

السلام عليكم قبل الاملاء يجب أن يقرأ جيدا الكلمات التي تملى عليه لأن الاملاء في السنة الثانية تكون عن طريق المنظور.شكرا.

شكرا اختي يرك الله فيك

[نورالدين سطيف]

المشاركة الأصلية كتبت بواسطة ام عرفات

السلام عليك اختي الكريمة
انا مثلك ابني يقرى السنة الثانية و نفس المشكل كنت نعاني منو وليت نديرلو املاء في الدار و الغلطة الي يديرها نعاودهالو من الغد نشوف الا تحسن ولا لا
خاصة التاء المربوطة و المفتوحة وال و التنوين كي نقولو مثلا خاصة فوفها فتحتين يكتبها خاصتن
وليت نركز على التنوين
انت كل يوم ديريلو املاء جملة تكفيه
انا وليدي جاب الرياضيات 6 والباقي 10 و9 و الرسم 6
بصح مازال ما عطاولهمش المعدل
يا ريت نبقاو على اتصال نحكيو على ولادنا واش طاولهم تمارين او واجبات او.....

https://www.djelfa.info/vb/showthread...61980&page=224

هنا أمهات التلاميذ والسياتذة تجدين ضالتك

[محمد 10محمد]

وحتى المعلم حدره في الملاحضة وقاله حذاري من اخفاقك في الغة العربية
كيف و لماذا حدره....التلميذ بعث للمدرسة ليتعلم ..المعلم هو من يشخص و يعالج...
على اي اساس احذر التلميذ...
الاصح ان تكون الملاحظة للمعلم ...حذاري ان يخفق تلميذك في اللغة ..

[swan black]

المشاركة الأصلية كتبت بواسطة محمد 10محمد

وحتى المعلم حدره في الملاحضة وقاله حذاري من اخفاقك في الغة العربية
كيف و لماذا حدره....التلميذ بعث للمدرسة ليتعلم ..المعلم هو من يشخص و يعالج...
على اي اساس احذر التلميذ...
الاصح ان تكون الملاحظة للمعلم ...حذاري ان يخفق تلميذك في اللغة ..

السلام عليكم معك حق يا اخي الملاحظة تكون للمعلم و أنا اقول هذا الكلام عن تجربة شخصية ادرس سنة ثانية و لدي 3 معيدين و الحمد لله هم في تحسن مستمر على الرغم من ان معلمتهم السابقة حذرتني و قطعت الأمل منهم و هذا الصباح أريتها كراس أحد التلاميذ المعيدين و كيف تحسنن في الخط و الإملاء و القراءة و الله لم تصدق بانه نفس التلميذ الذي كانت تدرسه و الحمذ لله هذه أمانة في رقابنا حسابها عسييييييير جدا
و الله هو الموفق angel