ماهو تفسير تأخر نتائج المسابقات؟؟ أبدي رأيك لأنه يهمنا

kikikiki28 · 2009-02-08, 18:38

السلام عليكم و رحمة الله تعالى و بركاته
اللهم صلي على الحبيب سيدنا محمد خاتم النبيين
اخواني اعضاء المنتدى العزيز مرحبا بكم....
أود في موضوعي هذا التعرف على الاسباب التي لاحضناها فيما يخص التأخر في الاعلان عن نتائج المسابقات بصفة عامة و هل هاذا بالشيء المعتاد و يجب علينا عدم القلق لأن هذه هي الاجراآت العادية التي تسير بها المسابقات ؟؟؟
أم هناك تفسير آخر لهذه الضاهرة ؟
اتمنى ان تكون هناك مشاركات من الاخوة و جزاكم الله
و السلام عليكم و رحمة الله تعالى و بركاته

intell22 · 2009-02-09, 15:02

كلما زاد التأخر زاد التخلاط و البيروقراطية ...كل المسابقات راهي في المزاد العلني ......لكن أحنا ولاد الشعب ننتظر في قضاء الله يعني التنصيب من عند الله هو الرازق .....................خليو إيمانكم بربي قوي .....و ماعليش دوام الحال من المحال ...رايحين للقبور و التراب ثم لا معريفة و لا هم يحزنون يا سعد لي داولو )حقو ويطالب بع أمام الله تعالـــــــــــــــــــــــــى ثم يتكشف ذوي الأقنعة ....كرهولنا حياتنا .....و يقولك روح تفوطي ....ياخي تمهبيل ....
و تحياتي لكل الجامعيين الإطارات لي في الشوارع و المقاهي ...و مهندسات الدولة و الطبيبات لي يشتغلو مساكن في ورشات الخياطة ....
ربنا كريم ...لنا الله

مصطفى بن مسعود · 2009-02-09, 15:54

السلام عليكم ورحمة الله وبركاته يذكرني هذا بالتجربة الجلفاوية في امتحانات الماجستير الا يفترض الاقتداء بها
راني غير نقصر ، المهم يدير ربي في بالو الواحد وما يتقلقش اللي مكتوب في الجبين ما ينحوه يدين والسلام عليكم

chemsso · 2009-02-09, 16:19

التاخر يا خاوتي خاطر المسابفات كامل تروح النتائج تاعها للمديرية العامة للوظيف العمومي بالمرادية بالعاصمة...ومن تم النتائج تاع الناجحين في اي مسابقة
تروح لمفتشية الوظيف العمومي بالولاية اللي فيها المناصب...والدليل لنني اجريت مسابفة في 15مارس 2008 تاع متصرف و نجحت فيها والنتائج خرجت في نوفمبر و التنصيب خرج في ديسمبر و بديت العمل في جانفي..ولحد الساعة مازال ماسلكت حتى دورو ...زيادة عن الحقرة في العمل من رئيس المصلحة اللي راني فيها
خاطر هو شاب شعرو و طاحو سنانو و ماعندو حتى نيفو و الاجر القاعدي تاعي خير من تاعو...علابيها انا حاب ندير ضابط باه ما نظلم و ما نتظلم

kikikiki28 · 2009-02-09, 20:57

السلام عليكم و رحمة الله تعالى و بركاته
شكرا اخواني على ارائكم الصائبة و الله تزيد في الانسان الثقة بالله و الايمان به و ترتاح القلوب و تثبت الفؤاد
الرزق بيد ربي و الثقة في ربي هي الي تجيب خيرو نطلب من كل الشباب الثقة في ربي اولا ثم في النفس و هاذ السياسة ماهيش دايمة و نطلب من الاخوة لي فرج عليهم ربي بمانصب شغل و خاصة اذا كانت مناصب هامة نطلب منهم انهم ماينساوش تجربتهم و التعب الي فاتو عليه و لازم ديما يتفكرو بلي كاين ناس راهي تعاني كيما كانو هوما يعانيو في وقت فات
ربي ينجحنا و يرزقنا من خيراتو الكثيرة و ربي يصبرنا قبل كل شيء
و اتمنى ان تكون هناك مشاركات اكثر لان كل الشباب الجزائري محتاج الى المواسات و االتثبيت و اجركم على الله
و السلام عليكم و رحمة الله تعالى و بركاته

kikikiki28 · 2009-02-16, 21:12

كل هاذ التأخير لي يديروه تحسب راهم يخدمو في طيارة على جالت 10 عباد ناجحين يخليو آلاف من الناس تحرق في دمها هذا منكر والله على هاذ الوضع الناس تحرق في الفلايك و عادت ماتخافش من الموت ضرك يقولولي البعض منكم هو اصلو ميت علاه يخاف من الموت ؟؟؟؟؟
ايه ربي يفرج علينا أجمعين و ربي ينتقم من الناس لي ما تحبلناش الخير

hamidsalamandre · 2009-02-16, 23:44

rechwa mon frère bech ydiroy drahem lmohim hna nchedou fi rabi weli fiha khir rabi yjibha nchalah