مواقف طريفة في الباكالوريا ,,,

[fayssal khebzegga]

لا رود عودة تلك الأيام و فقط ههه

[المانجيكيو]

من المواقف الطريفة التي حدثت معي في البكالوريا هي أنني نسيت لم أطبع استدعاء البكالوريا خاصتي و لما دخلت في أول مادة للإمتحان اللغة العربية لم يتنبه الاساتذة الحراس على عدم احضاري للاستدعاء حتى مرت 1 سا و 30 نصف و كنت قد انتهيت من الأجوبة قال لي الاستاذ مازحا هذه تعتبر حالة غش ههههههه

قلت له : الإستدعاء بحوزتي لكنه في الفلاش ديسك غير مطبوع اذا حبيت تشوفو جيبلي ميكرو و رواح نديرو فيها قعدة زينة و نوريهلك فضحكنا مطولا ههههههه في خارج القاعة

[خولة الخنشلية]

هههههههههههه موضوعكم هايل

انا العام الي فوت فيه كل يوم تفتشني واحدة عند الباب و توصل بلايص ميصلحش يتقاسوا تقول كاشما حطيتي ثم ... هي منين تشوفني تتوسوس باسكوا ديما نشوف فيها و نضحك و انا هذا طبع فيا نشتي نضحك .... ايا مرة نهار لانجلزية جات تفتشني قلتلها فتشي مليح بلاك تغيبلك .... و انا في نفسي قلت نخرجلها قلبها بقات غير تفتش فيا و من بعد قاتلي ايا فوتي .... و مسكينة متهناتش حتى جابتلي رئيس المركز للقسم وين كنت نفوت خرجني قالي للتفتيش بقيت نضحك كي عادتي و هو حاير . قلتلو قابلة بشرط تجي صحبتي تفتشني و هو باقي مشوكي ... قالي شكون ؟؟؟ اشرت عليها بصبعي و قلتلها ارواحي غير انت لي تفتشيني .... و المسكينة كانت ترجف كي مالقات والوا قلتلوا كان انا منكم منعولش عليها اي خاطية خلالالاص قتلها توسويس رجع حتى هو يضحك و قالي روحي ربي ينجحك .... كل منتفكر ملا محها نبقى نضحك وحدي هههه

[مروة_]

ذكرتوني في موقف حصلي العام اللي فات
بما انو ترتيب التلاميذ يكون حسب الاسماء انا طحت في كلاسة كامل بنات و كامل اسمهم مروة ونعرف معظمهم بحكم اني غيرت المتوسطات و الثانويات بزاااااف
كي دخلنا اول يوم قبل ما يوزعو المواضيع قعدت نقصر مع صحاباتي قعدنا كامل متقابلين و كانو 2 صحاباتي يضحكوا وووو حتى جات ليا المشرفة قاتلي منين تعرفوا بعض قلتلها صحابات قاتلي راني متاكدة راكم متفاهمين تغشوا و جابت 5 اساتذة وخدوخرين يعسو فينا و احنا ميتين بالضحك لانوا موقف غريييب و طريف

الحمد الله كامل جبنا الباك و ان شاء الله ربي يكون معاكم انتوتاني و تنجحوا

[لحن الحياة.]

[ابنة الاسلام]

الموقف اللي صرالي مش طريف يخلع

كي دخلنا للامتحان تع الفرنسية قالي لمراقب انت هي **** قتلو ايه قالي محتاجينك ....تخلطت عليا في لحظة اصبحت اضع كل الاحتمالات المهم كي خرجنا من القسم والجميع يحدق الي قالي الصباح في المات رسمت المنحنى ؟ قتلو ايه قالي وش هوما الالوان ..اخبرته ...قالي خلاص حبيت نتاكد بويسك ماعرفناش صاحبه بصح دوك نضموه لاوراقك.

كانت فاجعة ...وفي لحظة فقدت تركيزي خاصة انو قبل الامتحان
فات كل شيئ الحمد لله
ذكريات ياه