الملتقى التشاوري لمتأهلات مسابقة رمضان الكبرى

[أم ضياء عبد الرحيم]

المشاركة الأصلية كتبت بواسطة مياسم الصمت

واش بيكم هذا بري ان شاء الله ما كان والو

المهم تكون عندكم الرغبة في التحدي والابداع

والصفحة هذي وضعناها للتشاور بينكم وان شاء الله رانا هنا لأي استفسار او شرح او مساعدة حتى

بالنسبة للكروشي ما نيش حقيقة نشوف فيه حاجة صعبة

المهم ان الواحدة تعرف الأساسيات والباقي سهل

طبعا حتى الورشات راهي موجودة وانا عن نفسي سأكون موجودة للمساعدة رغم تغيبي لكثرة الانشغال

لانه هناك ايضا مسابقات في قسم الاسرة والمجتمع في شهر رمضان ونكون مضغوطة شوية

لكن نحاول التواجد معكن قدر الامكان ان شاء الله

تعرفوا يا البنات نقولكم شيء

انا ربما عندي فكرة في الخياطة يعني نص نص نخيط حوايج خفاف

لكن تصدقوا أو ل قندورة خيطتها كانت عبارة عن تحدي ونالت الاعجاب طبعا لم تكن متقنه كفاية لكن كاول بداية كانت شيء كبير بالنسبة لي

في اسبوع اشريت ما شينة الخياطة وبديت نتعلم

وفي نفس الاسبوع خيطت قندورة

فقطت تكون الارادة

لكن ما قلتوا لي يا الحراير مشكون عندها الماشينة في الدار


حتى النماذج التي ستقترح للخياطة يمكن الحصول على الباترون من المواقع المختلفة وتوضعوها هنا وتتشاوروا فيها

وكل واحدة تفهم اختها في اللي ما فهمته حتى وان كانت ستنجز عمل آخر


ان شاء الله مع أول رمضان سيطرح التحدي الاول

بالتوفيق

شكرا ليك اختي مياسم بالنسبة للكروشي انا حتى الاساسيات منعرفهمش و الخياطة عندها مدة منين بديت نتعلم و من بعد حبست لاني هنا ما عنديش مشينة راني مستعدت نعاون بالشيء الي نقدر عليه

[مياسم الصمت]

المشاركة الأصلية كتبت بواسطة om aya

سلام لبنات
وشراكم مدايرين وش هاد الخوف ياو ماكاااان والو ما تخافووووش راكم قدها وقدود ما ديروشالسبة بانكم ماتعرفوش الخياطة وباقي الاشغال هادي الفرصة باه تكتاشفو مواهبكم ونمدلكم مثال انا كنت صفر عالشمال صفر عاليمين في هذه الاشغال وبفضل الله ثم بفضل مسابقة مثل هادي نتاع حبيبتي فيفي تعلمت بزاااف صوالح مثلا لي بول ماجيك في نهاااار فهمتو وطلعت زوج نابات ومن قبل كنت نشوف بالعين برك والتزيين بشرائط الساتان نفس الشيئ يعني باختصاااار يالله توكلو والله وحضروا نفسكم وبركاونا من السبايب مدام تاهلتو معنتها راكم للخير نتاع لمخير وما نزيدش نسمع كلمة خفت راهي جاتكم فرصة ليا وليكم باه نتعلموا وننجحوا اذن لازم المثابرة والا علاه اسموا تحدي نتحدوا الكسل نتحدوقلة الخبرة نتحدو جهلنا لبعض الفنون
اذن قولوا باسم الله واحسنوا الظن بالله وبقدراتكم

المشاركة الأصلية كتبت بواسطة om aya

جيادا راكي كشفت روحك جاسوسة مبتدئة ههههه لانك فيقتي روحك ضرك نجهز قسم الخياطة باليات مضادة للجوسسة ههه

شكرا اختي لتشجيعك للمتنافسات

رمضان مبارك

[عطرالذهب]

شكرا مياسم الصمت على الشروحات
حبيت نسالك برك كي تقولي الخياطة خيطتي اول قندورة مبتدئة يعني كي نحط حاجة مخيطتها انا وحاجة مخيطتها سطايفية اكيييد قندورة سطايفية هي راح تكون اتقن واجمل
فهميني تعيشي وتحملي غلاضتي وطولي بالك معايا

[fifiarch]

مساء الخير وكيف حالكم

معليش جيت نتدخل شوي

يا بنات لا تخفن فاكيد انتن مبدعات في مجال والاخريات في مجالات اخرى

لكن ممكن مع التحدي تتكتشفن اشياء انتم ماكنتو تعرفو انكم مبدعات فيها كيما قالت ام اية

ثقن بانفسكن وبقريقكن وان شاء الله راح تكونو متميزات

راح تكون منافسة قوية من الجميع وراح تبهرونا بابداعاتكن

واكيد المشرفات والعضوات هنا لمساندتكن ومد يد العون

بالتوفيق ورمضانكن كريم

[مياسم الصمت]

المشاركة الأصلية كتبت بواسطة parfumdor1

شكرا مياسم الصمت على الشروحات
حبيت نسالك برك كي تقولي الخياطة خيطتي اول قندورة مبتدئة يعني كي نحط حاجة مخيطتها انا وحاجة مخيطتها سطايفية اكيييد قندورة سطايفية هي راح تكون اتقن واجمل
فهميني تعيشي وتحملي غلاضتي وطولي بالك معايا

شوفي اختي

اكيد التجربة والخبرة والممارسة عندها دور

لكن حبيت نوضح لك شيء

او اهم شيء

لما تكون عندك ملكة الاتقان بمعني حبك انك نخدمي خدمة وتتقنيها

طبعا في اي عمل فني كروشي خياطة او حتى حلويات


اكيد رايحة تحاولي مجهودك انك تتقنيها ربما تستغرق وقت اكبر

مثلا اذا تكلمت على سطايفية ربما هي في ربع ساعة تعمل رقبة تاع قندورة لانها عندها خبرة اكسبتها سرعة الممارسة


لكن بالمقابل عندها اهم شيء ملكة الاتقان الذي ياتي من حب العمل

وانت تشوفي انه هناك خياطات قدم لكن لا تتقن خياطتها وقد تكون واحدة اقل خبرة وتتقن

يعني الزمن ليس معيار دائم للحكم على الاتقان


نفس الشيء القاطو مثلا اختصاصك

الا ترين ان هناك من النساء من ليس لديها الصبر على انها تبقى مع حبة القاطو وتتفنن فيها واخرى العكس

مع انهمه ربات بيوت وعندهم خبرة في الطبخ

وانت على اي حال

اذا كانت سطايفية تأخذ ربع ساعة في رقبة قندورة انت خذي ساعتين

وزيد حاجة اخرى المبتدئات فيالخياطة الكثير من التركيب يستعملوا اليد الابرة والخيط ومن بعد تجوز المشينة

اعملي انت بيدك ابرة وخيط

رايحة تصعب لك
اكيد لا ما كاش اللي ما تعرف تخيط بالابرة

ومن بعد استعملي الماشينة

حاجة اخرى يعني في رأيك هل التفاصيل الدقيقة للخياطة رايحة تظهر في الصور اكيد لا الشكل العام فقط


المهم قولي لي انت عندك ماشينة تعرفي تمشيها وترقعي بها بعض الملابس ام لا

ارجو فقط انكم تتفقوا تتلاقوا في وقت واحد حتى تتفهموا وتشجعوا بعضكم وتطرحوا معارفكم

[نهال13]

مساء الحير لبنات نتمنالكم التوفيق قي هذه المسابقة ورمضان كريم

[أم ضياء عبد الرحيم]

صباح الخير على الكل
عطر راني نستنى فيك اختي راني هنا نهار كامل غير في الليل ما نقدرش نطول بزاف ياريت نتواصلو مع بعض و نتعارفوا اكثر هكذا نعرف كيفاه نتقاسموا المهام
بسمة من السبت مادخلتش يعني مازال ماشفتش الموضوع

[أم ضياء عبد الرحيم]

صباح الخير اختي عطر راني فرحانة بالرسالة انتاعك اول رسالة استلمها في المنتدى كيما قلتي ان شاء الله تكون بسمة تعرف الخياطة

شوفي انا نقدر نتعلم شوية اعمال فنية كيما العجينة الكيميائية و الخرز راني نشوف في الورشات و لعلاه لعشية نخرج نشري شوية حوايج من الخيط و الخرز و العجينة الكيميائية لاني في رمضان مانقدرش نخرج اما بالنسبة للكروشي ما نعرفش و الخياطة عندي فكرة صغيرة لكن المشكل الخياطة تحتاج مستلزمات كثيرة و انا معنديش ان شاء الله تكون بسمة عندها مشينة
واش رايك نشري حوايج الخرز و العجينة و نبدى نتعلم من الورشات و قوليلي واش لازم نحضر و نشري
و سامحيلي ما رديتش برسالة خاصة لاني معنديش عدد كبير من المشاركات كي نحب نبعثلك صور نبعثهم مع الاخت مياسم
و هي تحولهم ليك و لبسمة

[عطرالذهب]

انا ثاني عندي سلة نتاع ماكرامي خدمتها على قناة سميرة ضرك نحطهالك تشوفيها وتعطيني رايك

[عطرالذهب]

جيادا نروح نسوج سوجة في الدار ونطيب غدايا وبعد الظهر نتلاقو لاااااااازم

[أم ضياء عبد الرحيم]

اوكي راني هنا نخدم في شغل الدار و نطل على المنتدى من بعد ان شاء الله سلام

[مياسم الصمت]

السلام عليكم ورحمة الله وبركاته

شوفوا يا البنات أنا أقترح عليكم انكم تنتظروا أولا الاعلان عن التحدي

ما فيه داعي تخسروا درهمكم

قد تكون المستلزمات التي تشترونها لا يتطلبها التحدي

وبخصوص الخياطة

ان شاء الله تكون غير مكلفة بالنسبة ليكم

طبعا جاي العيد ان شاء الله أهي مناسبة تلبسوا من خياطة يديكم

وحتى النماذج المقترحة يمكن انك تعمليها لطفلة صغيرة تأخذ اقل من القماش

يمكن مثلا يكون تجديد القديم

ياك الخزانة تاعنا مليانة بالألبسة اللي ما نلبسوها او نملوا منها رغم انها جديدة

فهمتوني البنات

يعني ماشي بالضرورة انك تخسري روحك


اعتبروها انكم تتعلموا في الخياطة وكمرحلة تعليمية استعملي ما هو متوفر عندك


بالنسبة للرسائل التي ليست لديها خاصية الارسال ترسل لي فقط الرسالة وانا نبعثها لمن تريد حتى اسهل عليكن الامر


لكن بالمقابل هناك امور تعرضونها هنا للنقاش اظن افضل حتى تأخذوا الأفكار وتتناقشوا حتى مع غيركن

بالتوفيق

[عطرالذهب]

جياداصح غداك
راني جيت ولقيت نصائحالمشرفة مياسم الصمت ربي يؤجرها خير عن تعبها معانا
وفعلا كيما قالت مادام ماشفناش التحدي وعلاش خسارة الدراهم
نسيت نقوللك بللي نعرف ثاني غرزة السموكس وخدمت الفتلة في شورتي ونعرف نطرز بالبوان دوكروا ....هاكي تشوفي كل مرة نتفكر حاجة
صدقيني قلة ثقتي بالنفس هي اللي خلاتني اول مانسمع كلمة مسابقة يتفاصى كلش من مخي وان شاءالله بفضل مثل هذه المسابقات نسترجع شوي من هاذ الثقة

[أم ضياء عبد الرحيم]

اختي مياسم شكرا ليك على النصائح
عطور يسلمك و سامحيلي ما دخلتش بكري
راكي خرجتي معلمة ما شاء الله عليك ما نخافش عليك
البوان دوكروا حتى انا خدمتو بكري يعني نعرف شوية و كيما قلتي كي سمعنا بالمسابقة راحلنا كلش

[ام حمزة22]

سلااااام
مبرووووووك للمتاهلات النجاح
بالتوفيييييييييييق
تفضلو باروك النجاح