أن احلق في السماء هو حلمي

[حلم شاعر]

السلام عليكم والرحم والاكرام
كيف الاحوال خاوتي ان شاء الله بخير ^^

انا طالبة في التانوية العام الجاي ان شاء الله باك شعبة الرياضيات
مستواي الدراسي لباس بيه
كي كنت اول تانوي حكاتلي اختي عن اخو صديقتها الي تخصص طيران وسخفت عليها من داك الوقت
ومن بعد عدت دايم نحوس على اخبار تخصص الطيران في الجزائر بكل شغف ونسأل عليه (لحد اني صرت اتفرج غير على افلام الطيارين ) المهم كل يوم يزبد شغفي ليها ولما ناقشت الموضوع مع ابي قال لي ان ماكانش مستقبل لهذا التخصص في الجزائر خاصة انك فتاة
من تم احبطت بمعنى الكلمة ندمت اصلا علاه راني نكمل في قرايتي ومستواي الدراسي انخفض وماعادتش عندي رغبة اني نقرى وكل الي نهدر معاه على هادي الهدرة نفس الكلمة يعاودهالي الصراحة احبطت


فقط ارد السؤال ان كان هاد الكلام صحيح ولا لا
واللي يعرف اي واحد في هاد المجال ممكن يتصل بيه ويجاوبني بليز
وتاني سمعت ان المعدل 14 فقط

[boyka 1993]

السلام عليكم

اختي في الجزائر لا يوجد تخصص تكوين طيارين مدنيين بل هناك الطيران العسكري فقط اما بخصوص جامعة البليدة فهي تقوم بتكوين

مهندسي و ميكانيكي الطائرات و ليس قيادة الطائرات . و لكن يوجد دول في الخارج تقوم بتكوين طيارين و طبعا الدراسة على حسابك

الخاص

[ملامح خجولة.]

سلام
عزيزتي موفقة في دراستك انا ايضا شعبة رياضيات وسنة جوزت الباك
واش راح نقولك صراحة طيران معدل مابين 13 و14 خاصة اننا شعبة رياضيات
وصراحة حسب ماسمعت صعيبة شوي ++مافيهاش تكوين خاص يعني مش حاجة حنا كي نقولو طيران حاطينها بلي نولو طيارين وهكا بصح لا وكيما قالو طيران عسكري ماكانش مدني
بالتوفيق

[zikou3]

في هاذي البلاد كاين مهندس طيران فقط مكانش طيار

نحيها من بالك ومرحبا معي

تحطمت كل احلامي راني غير نرقد نقول وش راني ندير مع حياتي

لقيت طريقة مي نقرا في أوكسفورد 300 مليون للعام انا منين جيني

صعيبة خلاص راني ميت روحيا

بقا الجسد برك لوكان كشما يجيني حادث والله راضي بيه خلاص كرهت

افريقيااااااااا

[حية بذكر الله]

اعجبني العنوان ذكرني بمقولة ناروتو ان اكون الشهاب هذا هو حلمي ههه

يا اختي لا تقلقي الايمان بالقضاء و القدر هذا هو الحل

صحيح كما قيل لك لا يوجد طيران مدني بل عسكري

لكن لا تكرهوا شيئا عسى ان يكون خيرا لكم فلا ربما ستجدين ما هو افضل

وفقنا الله لما يرضى

بالتوفيق لك

[حلم شاعر]

المشاركة الأصلية كتبت بواسطة zikou3

في هاذي البلاد كاين مهندس طيران فقط مكانش طيار

نحيها من بالك ومرحبا معي

تحطمت كل احلامي راني غير نرقد نقول وش راني ندير مع حياتي

لقيت طريقة مي نقرا في أوكسفورد 300 مليون للعام انا منين جيني

صعيبة خلاص راني ميت روحيا

بقا الجسد برك لوكان كشما يجيني حادث والله راضي بيه خلاص كرهت

افريقيااااااااا

شكرا على الرد انا تاني حوس على ارخس وحدة لقيتها في فلوريدا 7 شهر بـ304 مليون ربي يعين برك

[hassiba m]

oukhti makanch tayar madani kayn 3askari fi tafrawi wa hata li yrouhou tayar 3askari machi kaml ywalou tyar gher lawal li yrouhou tyar

[موتي ولا دمعة أمي]

وفقك الله لما يرضى ويحب
في بلادنا كلش صعيب ولكن لاشيء مستحيل

[hassiba m]

المشاركة الأصلية كتبت بواسطة nassi la classe

وفقك الله لما يرضى ويحب
في بلادنا كلش صعيب ولكن لاشيء مستحيل

makanch haja s3ba li ybdl majhoud yl9a wa koul wahd ydi wach katblou rabi wa rabi ywaf9koum

[~~حـكـيـم~~]

انا مهتم بهذا الموضوع منذ اكثر من 5 سنوات وبحثت وجمعت الكثير من المعلومات واتشرف كثيرا باخباركم ببعضها

اولا الطيران المدني يدرس في الجزائر في مدرسة خاصة في باتنة ولكن السعر اغلى من دراسته في المعاهد الغربية

ثانيا حذاري من كذبة الطيران العسكري لان الذي يدخل يخبرونه بانه سيصبح طيار ولكن الحقيقة هي انك بعد ان تمضي على

العقد الذي يلزمك بقضاء 25 سنة في الجيش سيتم منحك تخصص مكانيك طيران وليس تخصص طيار

لانه وباختصار هناك حوالي 50 واحد كل سنة يتم اختيارهم لكي يصبحوا طيارين

اتعرفون ماذا تعني كلمة 50 ... تعني باختصار بانه سيكون هناك حرب بين الجنرالات وما تلاهم من ضباط و اصحاب النفوذ الكبير

والسياسيون في اعلى السلطة لكي يلتحق ابنائهم بهذا التخصص فاين ابناء المواطنين البسطاء من هذه الحرب

[~~حـكـيـم~~]

للاشارة فقط هل تتذكرون الطائرة العسكرية التي سقطت في ام البواقي مؤخرا

الطيار الذي كان يقودها رحمة الله عليه وعلى باقي الضحايا هل تعرفون من يكون



قائد الطائرة من عائلة بن بوزيد يحمل رتبة رائد
و هو ابن اخ الوزير الاسبق للتربية و كدلك عمه الجنرال
ع/المجيد بن بوزيد قائد الدرك الوطني للناحية العسكرية
الاولى و والده جنرال متقاعد

يمكنكم البحث في الانترنت والتاكد من ذلك

طبعا انا اريد الاشارة الا ان الدخول الى هذا التخصص صعب جدا
و لا اقصد اي شيئ من ذكر اصول هذا الطيار لانه ميت الان ربي يرحموا
و اصلا يوجد قوانين في الجيش تنص على اعطاء الاولوية لمن لديهم اقارب اصحاب رتب عالية واقدمية كبيرة في الجيش لان هذا يساعدهم في عملهم

[soleild'Algérie]

Bonjour ma soeur, si vous aimez cette spécialité et puisque vous êtes une fille purquoi vous ne serez pas une hotesse de l'air et ça nécessite un diplôme de français et d'anglais (langues essentielles) et vous devez faire faire un contact avec les responsables d'Air Algérie surleur page Face-book ou cherchez la sur internet et ils vont vous aider et vont t'aider et dire comment vous accéder à cette spécialité et bon courage.

[biba190003901f666d3e]

kayna formation fi tinis okhti maytihlek lmoral ma walo lazmek bac +2 math wla phisique formation machi ghalya thebi nmedlek num ta3hom wsakssihom wla sit bonne courage