التلفزيون الجزائري وحصة حكايتك حكاية يستهزئون بالمعلم

[ilbak123]

المشاركة الأصلية كتبت بواسطة sarra5

3andha lha9 pask nhar kan lmo3alem b9imtoo

nhar kona srar kona nkhafo nokhorjo nela3bo bara y3oud ychofna lmo3alem

w dok wela ma3andoch 9ima

3lah??

Pask rahat hibto 9odam ltalamid w la faute machi rir ta3o mm ta3 ltalamid li machi metrabyine

عيب عليكم هذا الانحطاط الذي اوصلتم انفسكم اليه تريدون النيل ممن هو انبل منكم ويأبى الله الا ان يتم نوره
احشمي انت ومن على شاكلتك كفاكم اكل لحم اخوانكم ** اسيادكم**
ترمون الناس بالعيوب وعيوبكم تملأ ما بين الارض والسماء وكأنكم ولدتم من عهد غابر
اتقو الله في انفسكم واحذروا اعراض الناس وبكل صراحة انتم تغيرون منهم لهذا تكيلون لهم هذه القذائف وغيرتكم قاتلة نسأل الله ان يخفف عنكم
ما كبكم في النار الا حصائد السنتكم

[كلي ثقة]

كي راحت هيبة المعلم راح قدروا
بصح كي تشوف معلم في حفلة آخر الفصل ولا السنة يطمع في حبات قاطو وقرع القازوز يديهم ألدارو ويحرم منهم أطفال هم أحق من أولادو بها، وين راهي قيمتوا قدام التلاميذ وأوليائهم ؟؟؟؟؟؟؟؟؟؟؟؟
ولا معلم يطمع في القوتي أنتاع الذراري...والله عيب
حاشا مشي كل المعلمين كيما كاين بزاف من هذا النوع كاين بزاف من نوع آخر كي يعطيلوا التلميذ حبة حلوى يقولو خليهاليك ،وحتى يصرف من جيبوا باه يشري هدايا تشجعية
أما على التلفزيون فحدث ولا حرج على الانحطاط اللي راه فيه وفي انتظار وزارة الثقافة تدخل وتغلقو راني نفطر على السنافر في cn العربية مع ولادي
ما نقدروا نقولو غير الله يهدي ما خلق اختلط الحابل بالنابل

[عادل الجلفاوي]

المشاركة الأصلية كتبت بواسطة le fugitif

المعلم اهان نفسه قبل ان يهينه المجتمع انا بنفسي رايت معلمين واساتذة يفترشون كرتون في الشارع ويلعبون الدمينو وتلاميذتهم يمرون عليهم وهم يصرخون ورايت معلمين يتدافعون امام البريد كان الراتب سيهرب وترى معلم يشم امام التلاميذ وهندامه لا اراك الله وكثير من هذا

هذا ماكنت اريد ان اقوله ...بارك الله فيك صاحب الموضوع

[XicaWapa]

اولا / الشعب الجزائري تالمو التخلف بزاف ، هو نمبر وان في عدم تقبل الرأي الاخر
يعني يا تهدر كيفي ولا راك حابس وغبي و كافر
كيما البوسعادية (ما نيش راسيتس مي تغيضوني بزاف )) لي راي تقولي / كون جيتي مسلمة ؟؟
هادا سؤال ؟ وزيد هاني كافرة انت واش قضيتي ؟؟
استغفر الله
و نتاع ما نعرفش الرسول صلى الله عليه وسلم ، ربي يهديك (وخلاص
الرسول و لا الشعراء لي هدرو على المعلم ما كانوش يقصدو هاداك لي يتحرش جنسيا بالتلاميذ و يعاكس التلميذات ، و يقعب نهار كامل يدخن في الكلاسة ، و لا لالاة نهار كامل وهي تحكي بالتيليفون مع حبيب القلب ومبعد تدي 7 ملاين
و كي تنفحلو يزيدولو يدير اضراب و يخلينا بروغرام ما نكلوه
و لا اهو من الاول دخل للمنصب بالرشوة والمعريفة
يدخلو للقهوة ههههه يشرب فنجال واحد بيناتهم
هههههه
تخيلو استاد ما يعرفش يعمر الشاك ؟؟؟
ولادهم يشفوني ، البخل يا لطيف

و لي راهو يشكك في اني متفوقة ولا لالا ؟
الحمد الله ، اجتهد وزيد نصحح للاستاد (الحابسين بالتاكيد )
والحاجة الاخرى
الاستاد جايحين من نهار دخلت وهو يضربو لي في الشيتة كي عاد بابايا مسؤوول ههههه من الابتدائي ، للمتوسط ل ثانوية و ان شاء الله الجامعة تاني

(مع احترامي لاساتدتي نتاع الرياضيات والعربية و الانجليزية (المتوسطة ولو انه تنطبق عليهم بعض ما ذكرت مثل البخل

[إيمان إيمي]

السلام عليكم ورحمة الله وبركاته ..

أولا والله من المؤسف أن يعرض برنامج كهذا في التلفاز

ثانيا .. يا أخي أين هو الأستاذ الذي يستحق الاحترام الآن

لقد أهانوا انفسهم هم قبل أن يهينهم غيرهم

كلنا درسنا ونعرف حال الأساتذة .. والله كوارث

لن يغير الله ما بقوم حتى يغيروا ما بأنفسهم

أشكرك على الموضوع .. بارك الله فيك

[الواثق]

حقيقة الكثير من المعلمين هم من يهينون انفسهم .....................لكن بالنسبة للبخل او الشح ......لان اغلب الناس قاعدين يحسبو في مدخول المعلم ويقارنوه بمخروجه هههه........................وهذا سببه كذلك المعلمين اللي بهدلو رواحهم في الجرائد وكشفو كل رواتبهم هههه .......ومنحهم ههه......................

لكن هناك معلمين ماشاء الله ...............كما ان مقارنة الجيلين ليست عادلة فالجيل القديم تربى على سياسة التقشف وعدم التبذير ...........ونحن الجيل الجديد التبذير ربما هم مفرطون ونحن كذلك افرطنا في التبذير ................فلا افراط ولاتفريط .................................

كنت قديما اضحك كثيرا عن المعلمين والاساتذة وبعدما اصبحت منهم عرفت قيمة تعب بعض الاساتذة في تأدية الرسالة ومازالو على ذلك .......................

والله اعلم

[mouloudbida]

اللهم اهدينا يارب

[رميسة الجزائرية]

المعلم هو سبب وجود الاطباء والدكاترة والعلماء هو السبب في التطور فلماذا يهان

[you92cef]

اللهم لا تواخذنا بما فعل السفهاء منا
رغم اني بعيد عن اليتيمة واخواتها الى انه لفت انتباهي بعض الامور
1-بخصوص حكايتك حكاية
فوصل الحد الى الاستهزاء بملك الموت
2-في نفس البرنامج صرنا نشوف عرض ازياء وعرض مفيش بوك
3-بخصوص برنامج اخر يتكلم عن الضحك بكلمات نابية جدا جدا جدا والناس فرحانة
4- جلب ممثلين مشهورين بالاباحية وصور مخلة بالحياء وتفتح الذهن على امور غير جيدة
5-ما زالوا مصرين على الشطيح والرديح رغم انه رمضان

[هاجر78]

المعلم دايما كاينة مكانتو واجرو مع ربي سبحانو وهادي الي حكات نكتة على معلم زعما هي حاجة كبيرة قاعدة في نص الطريق تضحك فالناس ياخي حالة ياخي ربي يجيب العافية مابقات حالة بكري كانت المراة صح مراة مي درك .......... ماتلقى واش تقول يحياو شيوختنا

[رحمة من المولى]

السلام عليكم و رحمة الله تعالى و بركاته:
الذي ينعت المعلم بالبخل سواء كان تلميذا أو شخصا آخر فتأكدوا أنه لم يبخل بعلمه على تلاميذه و هذا أجمل شيء يدل على كرمه
و إن كانوا بقصدون بخله من الناحية المادية "المال"فهل تريدون أن يضع راتبه بين أيديكم حتى تنعتوه بالكريم و المعطاء،هل بقية العمال من قطاع الصحة و الأمن و غيرهم يتصدقون براتبهم شهريا حتى لم تلصقوا بهم هذه الصفة
سؤال الاستاذ عن دخول راتبه أم لا لأن كل القطاعات لهم يوم محدد لا يتغير في صب الراتب كيوم 18 مثلا للقطاع العسكري أما قطاع التربية لا يوم لهم المهم هو أن تنتظر من 11 فما فوق قد تصل حتى ال 20 أحيانا فها هذا ذنب المعلم إذا سأل عن حقه؟
جلوس المعلم في المقاهي لا يدل على الحط من قيمته بل العكس يدل على تواضعه و كثير من الأولياء من عرف سلوكات ابنه أو ابنته من خلال المقهى عند التقائه بأحد المعلمين فجأة فالكثير منهم لا يعرف مستوى ابنه.وإذا لم يدخل المقهى نعتوه بالمتكبر " واش حاسب روحو"
هذه الحصة التي تتمادى على المعلم و دوره في تكوين رجال الجزائر هي حصة ترفيهية حقيقة لأننا نضحك من كل قلوبنا على ما آل إليه مستوى برامجنا مقارنة مع القنوات الأخرى رحم الله تعالى أيام المفتش الطاهر و بوبقرة و,,و, مكانش عندهم الإمكانيات بصح خلاونا لحد الان نتفرجو أعمالهم و نفتخر بها.
انا أستاذة في التعليم الثانوي إن كنت بخيلة كما يرى البعض في الأساتذة فإني لم أبخل يوما على تلاميذي من جميع النواحي يكفيني فخرا دموعهم الممزوجة بطعم النجاح في شهادة البكالوريا . قولوا عنا ما شئتم يا كرماء و اسخروا منا كما يحلو لكم في حصصكم فحق لكم لأن هذا ما وصلتم إليه من تقدم,
معلمون و أساتذة نفتخر بما نقدمه لكم يا تلاميذ و لأبنائكم يا أصحاب النكت و الضحك في الشهر الفضيل

صح فطووووووووووووووووركم

[سارة البوسعادية]

المشاركة الأصلية كتبت بواسطة xicawapa

اولا / الشعب الجزائري تالمو التخلف بزاف ، هو نمبر وان في عدم تقبل الرأي الاخر

المشاركة الأصلية كتبت بواسطة xicawapa

يعني يا تهدر كيفي ولا راك حابس وغبي و كافر
كيما البوسعادية (ما نيش راسيتس مي تغيضوني بزاف )) لي راي تقولي / كون جيتي مسلمة ؟؟
هادا سؤال ؟ وزيد هاني كافرة انت واش قضيتي ؟؟
استغفر الله
و نتاع ما نعرفش الرسول صلى الله عليه وسلم ، ربي يهديك (وخلاص
الرسول و لا الشعراء لي هدرو على المعلم ما كانوش يقصدو هاداك لي يتحرش جنسيا بالتلاميذ و يعاكس التلميذات ، و يقعب نهار كامل يدخن في الكلاسة ، و لا لالاة نهار كامل وهي تحكي بالتيليفون مع حبيب القلب ومبعد تدي 7 ملاين
و كي تنفحلو يزيدولو يدير اضراب و يخلينا بروغرام ما نكلوه
و لا اهو من الاول دخل للمنصب بالرشوة والمعريفة
يدخلو للقهوة ههههه يشرب فنجال واحد بيناتهم
هههههه
تخيلو استاد ما يعرفش يعمر الشاك ؟؟؟
ولادهم يشفوني ، البخل يا لطيف

و لي راهو يشكك في اني متفوقة ولا لالا ؟
الحمد الله ، اجتهد وزيد نصحح للاستاد (الحابسين بالتاكيد )
والحاجة الاخرى
الاستاد جايحين من نهار دخلت وهو يضربو لي في الشيتة كي عاد بابايا مسؤوول ههههه من الابتدائي ، للمتوسط ل ثانوية و ان شاء الله الجامعة تاني

(مع احترامي لاساتدتي نتاع الرياضيات والعربية و الانجليزية (المتوسطة ولو انه تنطبق عليهم بعض ما ذكرت مثل البخل

يااو انتي الي تغيضي يا المتفوقة يلي كاتبة اقامتك مدريد واسبانيا وحابة تعيشي تماك يابنت قسنطينة افتخري بكونك جزائرية

وماناش ناسيين فضائحك ومواضيعك المتعفنة بافكار الغرب وكلامك عن الجنس يا المتفوقة وبنت المسؤووول الي مراباكيش

جاية تهدري على المعلم والاستاذ ومالغري وش يكون اخر وحدة تهدر عليه انتي روحي عالجي روحك

وتفكري مواضيعك المحذوفة تعرفي روحك وشكون انتي

[siphaxs93]

تلك الحصة عار يجب ايقافها

[youcef salah]

يا أساتذتنا الكرام .... نحن بشر مثل باقي الناس نتعرض للنقد ونتعرض للكلام ونصبح على كل لسان فقط لأن الأساتذة والمعلمين هم الأكثر عددا من باقي القطاعات ولأنهم يدرسون الأطفال فإن اغلب النكت ينتجها الأطفال وتكون موجهة للمعلم باعتبار ان المعلم خصم في نظر الصغير

من يقول ان البخل صفة من صفات المعلمين شخص لا يفكر لأن المعلم إنسان هو ابي وأبيك أخي واخيك وجارنا وجاركم .... لو كان المعلمين كلهم إخوة لقلنا البخل وراثة ولكن المعلمين والساتذة من كل بيت

ملاحظة أخيرة : المجتمع يتحدث عن أكثر الناس قيمة اجتماعية وينتقدهم ويضعهم تحت المجهر بينما لا يهتم لأمر المجانين والمختلين عقليا فهم يتجولون في الشوارع عراة ولا أحد يقيمهم ولا أحد يقول عنهم كلمة واحدة
وأكثر البشر تعرضا للأذى الأنبياء وأنتم ورثتهم فلا تهتموا وواصلوا مهمتكم ولا تتزحزحوا

[XicaWapa]

المشاركة الأصلية كتبت بواسطة سارة البوسعادية

يااو انتي الي تغيضي يا المتفوقة يلي كاتبة اقامتك مدريد واسبانيا وحابة تعيشي تماك يابنت قسنطينة افتخري بكونك جزائرية

وماناش ناسيين فضائحك ومواضيعك المتعفنة بافكار الغرب وكلامك عن الجنس يا المتفوقة وبنت المسؤووول الي مراباكيش

جاية تهدري على المعلم والاستاذ ومالغري وش يكون اخر وحدة تهدر عليه انتي روحي عالجي روحك

وتفكري مواضيعك المحذوفة تعرفي روحك وشكون انتي

لا للجهوية
انا بنت قسنطينة ، بصح نروح لغران بيا "براود واي اسبانيول في مدريد ، اسبانيا علابيها كاتبة هكا ووين راه المشكل ..؟؟

زيد نفتخر بلي جزايرية ولا لالا ... عندك مشكل تاني .؟؟
والقومية هادي ما عندها حتى معنى
نتاع
انا جزائري وافتخر ، انا قبائلي وافتخروانا عربي ، انا بوسعادية وافتخر ههههههه

وحنا نحكيو في بلاسة وانتي في بلاسة

ربي يهديك هادا ما نقولك