عروستنا في المطبخ - الصفحة 8

fati_mohamed · 2013-10-06, 09:38

بليييييييييييييييييز سيداتي ماتركزوش على اللي يسكنو في بيت مستقل
انا رايحه نسكن مع العايلة حبيت نصاااااااااااااااااائح بخصوص المطبخ و تاني رايحة نبقى نخدم

و على العموم مشكورين على الافكار الي حطيتهم ♥

manel 123 · 2013-10-06, 10:02

هذا موضوع هايل حطيتو على جرح قلبي انا رايحة نسكن مع عجوزتي وقالولي بلي هي طباخة ماهرة وانا ايييييييه اسكتو برك راني غير كيف بديت نتعلم وراني خايفة ندير كاش حاجة متعجبهاش انصحوني كيفاش ندير معاها واش ندير باش نبان فحلة قدامها وقدام زوجي لي راني خايفة متعجبوش ماكلتي ايا ردو عليا راني نستنا

سرور12 · 2013-10-06, 11:04

موضوع رائع اختي انا ثاني قريب نتزوج وباغية نكون ربة بيت ممتازة لاتحرمونا من ابدعاتكم

اميرة البيضاء · 2013-10-06, 11:34

بارك الله فيكن على الموضوع اللي حتى حنا المتزوجات في بزاف نستفادو منه خاصة في التدابير و غادي نقولكم على تدبيرة
كي تكثري الملح في الاكل كارثة اذا اضفتي الماء يصماط امالا امسكي حبة صغيرة بطاطا و غسليها و خويها من الداخل و حطيها
في المرق و خليها شوي تطيب غادي تمتص هذاك الملح الزائد

fatimabo · 2013-10-06, 12:03

شكرا لك اختي لك العزيزة .

samira135 · 2013-10-06, 13:03

مــــــــــوضوع رآآآآآآآئـــــع خيتي زهور

ممكن تقدمولنا نصائح بخصوص العرضات اكيـــــد وحدة رايحة تسكن وحدها تعرض أهل راجلها و أكيـــــــــــــــــــد رايحة تتوتر يااااسر في هذي الحالة كيفاش تتصرف

samira135 · 2013-10-06, 13:12

ونصيـــــحة للعرايس لي رايحين يسكنو وحدهم هذون اشروهم في جهازكم مهميــــــــــن جدا باش تتفنني في طبخك

ravanaflora · 2013-10-06, 15:01

كلمة رووووعة قليلة على هذا الموضوع
والله بارك الله فيكن خاصة زهور الفل وسميحة وجميع فنانات المنتدى
وانشاء الله رايحة نشارككم بأفكار جديدة خاصة الديكور والتقديم

الأمر لي راهو شاغلني وحبيت نسقسيكم عليه انا دخلت للمطبخ صغيرة بحكم أنني أنا الكبيرة والحمد لله نعرف أساسيات معينة على الطبخ والحلويات ...والأطباق التقليدية نديرها وأنا مغمضة
ولكن عندي مدة طويلة منين بديت العمل ابتعدت تماما عن المطبخ ماعنديش وقت وثاني بيناتنا كرهت لأني دخلت المطبخ صغيرة بزاف
والان راني وليت نهاب بزاااف من الطبخ ومقبلة على الزواج قوليلي كيفاش نرجع ثقتي بنفسي ونرجع نتعلم خاصة وأن خطيبي يحب بزااف الطبخات الحديثة والخفيفة والأناقة في الطبخ

الحمد لله رايحة نسكن وحدي ولكن لابد يجوك بيت شيخك ولا ضياف اخرين كيما صحابو مثلا

ravanaflora · 2013-10-06, 15:11

حبيت نسقسيكم ثاني على العجائن لي يتباعو مثلا عجينة البيتزا والعجينة المورقة ...الخ ملاح ولا لا
لاخاطر راني معولة انشاء الله نعود نشريهم ونخدم بيهم ..راكم تعرفو عاملة ماراحش يكون عندي وقت

وعندي فكرة ممكن تفيدكم
إذا جات ماكلتك جارية بزاف وخاصة إذا راح عليك الحال وماتقدريش تعاودي ترجعيها تنشف زيديلها شوية مايزينة حليها قبل في صحن صغير وضيفيها لطبختك راح تعقد ثم ثم

سميحة 01 · 2013-10-06, 16:41

سميحة 01 · 2013-10-06, 16:52

سميحة 01 · 2013-10-06, 16:54

حبيبة زوجها · 2013-10-06, 22:26

السلام عليكم
يعطيكم الصحة زهور الفل وسميحة وكامل لبنات محبيتش نحط الرد حتى نكمل جميع الصفحات ماشاء الله
هزيت بزاف حاجات بصح هنسكن مع عايلته يعني رح تكون مختلفة شوي لكن اكيد تقاط التشابه
بارك الله فيكم راني متابعة وكشما نلقى حاجة مفيدة نحطها ان شاء الله

عطرالذهب · 2013-10-07, 08:07

صباح الخير على الجميع واسمحولي اذا تدخلت مرة وحدة ورحت والله كانت عندي ظروف وكي دخلت لقيتكم تسالوا على الوصفات انا نعطيكم البعض مثل -المثوم و- المحاشي بانواعها -البيتزا- لي قراتان- البريوش المحشي باللحم المرحي و الجبن - لابيري بالسكالوب باني- الحوت -وما تنسيش اللحم المفور- دجاجة في الكوشة محشية بالروز او معاها البطاطا - ديري الشواء في الفور وراهو لازم معاهم كامل شوي طاجين لحلو طايب من قبل كل يوم تحطي منو شوي ياخي ما يفسدش مع شوي سلاطة مشوية كيف كيف واجدة في لفريجيدار المهم اللي ما عرفتش كيفاش نطيبو حاجة من هاذوما اللي ذكرتهم تسميهالي وانا نعطيها الوصفة ولو بدون صور وكي نتفكر حوايج اخرى رايحة نكتبهملكم

عطرالذهب · 2013-10-07, 09:18