عروستنا في المطبخ

[ريم الفلى]

واش لبنات واش راكم؟

توحشتكم بزاف




وانتوما؟

اليوم جبتلكم بعض النصاح اللي ممكن تكونو تعرفوها لكن على قول رسولنا الكريم ذكر فإن الذكرى تنفع المؤمنين

باسم الله:

بعد القلي بالزيت اغسلي الكويزينيار تاعك بمسحوق التنضيف وامسحيها بالجورنال خاطر هو يخليها تلمع.


لتنضيف السجادات "لي تابي" نكنسوهم بفرشات مبللة قليلا بالماء لازالة التراب والاوساخ الصغيرة ثم نمرر عليها قطعة قماش قطنية مبللة بالماء والخل لان الخل يعيد للالوان بريقها.

للتخلص من النمل في المطبخ نر بعض الفلفل الاسود في مكان تجمع النمل فنلاحظ انه يختفي فورا ولا يعود ابدا وان عاد اعيدي نفس الكرة وامسحي البوتاجي بعد مدة بلاكي تنسايه بالفلفل لكحل تاعو هههه.
.
للتخلص من الفأران يوزع نبات البابونج في اماكن متفرقة فتهرب الفآران لان رائحته نفاذة وخانقة بالنسبة لها.

لتنضيف الاواني المعدنية غير الفضية مثلا السكاكين والمغارف والفراشط نديرو شويا من غاسول الاواني في الماء به بعض القطرات من الخل ويرفع على نار هادئة ويترك يغلي لمدة ربع ساعة وتترك حتى تبرد وتشليها جيدا تولي تلمع ووووااااااااو.

لادخال شمعة خشينة في شمعدان ضيق دخليها في ماء سخون خمس دقايق ودخليها تولي طرية تدخل تم تم.

قبل ما تمضي لمواس ديريهم يغلو في الماء خمس دقايق ونشفيها وامسحيها من بعد مضيها.

باش تولي الاواني الزجاجية تلمع نغسلوها بماء فاتر مذاب فيه ملح رطب ونشلوها مليح ونخلوها تنشف وحدها.

لتنضيف سيراميك المطبخ يذاب القليل من الليمون والقليل من الخل الابيض في الماء الدافي ويمسح به السيراميك.

للمحافضة على قوة تبريد الثلاجة ننزع الفيش لمدة 10 دقائق كل عشرة ايام.

لكي لا يسود الموز بعد تقطيعه رشيه فورا بالسكر الرطب وقطرات من عصير الليمون.

عند سلق البيض يستحسن اضافة ملعقة خل الى الماء باش متخرجش محتويات البيضة اذا تكسرت القشرة تاعها.

عند غسل الخضروات اضيفي ملعقة خل واخرى ملح لقتل الجراثيم العالقة بها.

لتحتفضي بالبطاطا بيضاء اللون في الثلاجة ديريها في اكياس بلاستيكية محكمة الغلق وبدون ملح.


لتنضيف قطعة ثياب احمرت عند الكي امسحي مكان الاحمرار بخليط من كاس ماء وملعقة ماء الاكسجين يباع في الصيدليات.


عند غسل الكؤوس قد يحدث ان تلتصق ببعضها لذا حاولي ملا الكاس الداخلي بالماء البارد والداخلي بالماء الساخن وانتظري بعض الوقت فيسهل فصلها.


عند الاستعانة بكتاب طبخ او ورقة في اعداد طبق طعام معين ضعي الكتاب داخل غلاف بلاستيكي شفاف حتى تحافضي على الكتاب من بقع الزيت او خلافه.

نورمالمو تكفي هاد النصائح لنهار اليوم ولا واش قال؟


لا تنسوني بالدعاء "أمانة"
آه نسيت باش نقولك سيدتي لازمك تحتفضي ببعض مواد الاسعافات الاوليه في المطبخ
مثلا حجرة تاع الشب باش كون تتجرجي حطيها مباشرة غلى الجرح رايح يحبس الدم ميسيلش
واليك قائمة صغيرة لازم ديما في الكوزينة اوكي؟
قطعة اش معقم
رباط شاش "سبارادرا"
ماء الاكسجين
مرهم للحروق
كحول طبي لتعقيم الجروح
مسكن للالم
قطن طبي
باااااااااااااااي

[oum ayyoub]

oukhti zohor elfoul allah ya3tik essaha mawdou3 dil kamma hatta ngoul l oukhti tchoufou lianaha mokbila 3ala ezzawaj inchlh
rabbi yanawrak oukhti

[ام نسمة]

اهلا عرا يسنا الحلوات اليوم راح اعطيكم نصائح في ادارة الوقت وقت الشدائد ههههههه اقصد العزومات خاصة الكبيرة
ادارة الوقت يشكل للبعض ازمة في ادارته خاصة لما يكون داخل المطبخ



قبل ان تتصلو بالضيوف وتدعوهم لحضور وليمة غذاء او عشاء لبيتكم عليك فعل الاتي
1- احسبي عدد الافراد المدعوين وعلى هذا الاساس اعملي ترتيباتك ودائما حطي احتمال قدوم شخص اضافي او اثنين
2-شوفي صالونك واعملي جيدا على تنفيذ طلة مميزة من تنسيق اطقم الاطباق والكاسات والديكورات ومناديل ....الخ قبل ماتجبدي والو فقط قرري ماذا راح تحطين فقط وبعدها اكتبي لا ئحة الاكل اللي راح تقدميه واكتبي بجنب اللي تاخذ منك وقت وجهد مثلا راح تقدمي مقبلات بالعجينة المورقة اكتبي على جنب عجينة مورق لانو يجب ان تكون جاهزة قبل بيوم ماشي في نفس اليوم مستحيل تلحقي تعمليها وتجهزي باقي الاكل
3-ادعي ضيوفك قبل يومين باش تأكدي العرضة وتتأكدي ان ضيوفك راح يجو وماعندهمش ارتباطات اخرى
والان خلاص عرضتي وكملتي اول شي بالطبع هو تنظيف للصالون والبيت وووووو انا تركيزي على عملك في المطبخ
1-نظفي المطبخ جيدا ورتبيه وجبدي كل ماتحتاجيه من البلاكارات وضعيه في متناول يدك
-** اكتبي لا ئحة بكل المشتريات والمواد اللتي تحتاجينها من اجل العزومة واشتريها قبل بوقت كافي
2-لما تكون عندك الليل وغدا الوليمة في تلك الليلة اجبدي طقم الاطباق وضعيه في المطبخ في مكان بعيد عن ابخرة الطهو وتكوني مسحتيه او غسلتيه بالطبع وجبدي الشراشف والسرابيت وطويهم وجهزي كل شيئ للتقديم سنيوات وو..الخ واذا مطبخك ضيق خوذيهم للغرف الاقرب للمطبخ وخليها مغلوقة
3-للسلطة توجد تحضيرات غلي البيض وغلي الشمندر حتى الماسيدوان قطعيها في الليل يعني راح توفري الوقت وتوفري الكانون تاع الكوشة لطبخ شي اخر اذا كنت راح تحطي سلطة فلفل لازم يكون جاهز ومشوي بوقت حتى ديكور السلط فكري فيه يعني يوم العزيمة يبقى عليك التنفيذ مش التفكير والتنفيذ راح تحصلي تاع الصح اذا كنتي راح تعملي ازهار بالشمندر جهزيهم في الليل والسلطة اغسليها يعني اقصد اوراق الخس وقبل النوم امسحي فرنك مليح وغلفيه بالمنيوم وجهزي خضر الحساء ماشي تنقي الخضر فقط جهزيزها واحزمي الحشيش بعد ما تفرزيه مليح جهزي ايضا اللحم ومن الاحسن تتبيله في الليل وطهوه في الغد راح يكون مذاقه روعة حتى اذا كنتي راح تحطي شاي ومكسرات بعد الوليمة جهزي الاواني في الليل
اما يوم الوليمة من بعد نكلمكم عليه ...على فكرة غدا عندي ضيوف على الغذا 7 اشخاص راح حاول صور وحطلكم تشوفو والان راح نظف البيت ونوجد مواعيني وكل ما احتاج
على فكرة اكتبي كل مايجب انجازه على ورقة وحطيها امامك واعتمدي هاته الطريقة

[ام نسمة]

اليوم اليوم الثاني يعني يوم العزومة حاولي تنوضي قبل الوقت المعتاد رتبي بيتك وحطي في نفس الوقت الروز يغلي والماسيدوان تفور ومن بعد البسي وعدلي روحك لكن دون عطرررررررررررررررررر وابدي على بركة الله ودعي البسملة دوما على فمك قبل فعل اي شيئ المهم بعدما كملتي احرصي على ان تغسلي الاواني المستعملة اول باول والا راح تحصلي من بعد في المواعين هههههههه

انصبي الحساء او الشربة او الحريرة او واش راح تحضري وزيدي الطبق الرئيسي والحلو ودوما اغسلي كل اناء انتهيتي م ن استعماله فورا
ديري في بالك انو الحط يعني وقت التقديم هو احرج وقت في العزومة خصوصا لو كنتي وحدك في المطبخ لذا اذا كنتي راح تحطي على 12 بالتمام ابدي الحط على 11 ونص وهكا يدوب تحطي مع الوقت غلي الحريرة جيدا وصبيها هي اخر شي في السوبيار اتاعك راح تبقى سخونة و السلطة حظريها تاني بكري لكن دون صلصة التتبيل وحطيها في اطباق التقديم والى الثلاجة واذا كان عندك هذا النوع يكون احسن استعملي الغطاء على السلطة خصوصا لما تكوني عاملتها على شكل طورطة





ولما تتبدي تحطي ابداي بالخبز وليمون موتارد وماينواز صلصة السلطة ........الخ بعدها قدمي الاكل الرئيسي
وربي يعينك ياعروس وكي تكملي عيطي للمسيو ديريلو الطابلية وقوليلو يعاونك ههههههههههههههه نضحك بلاكو تديروها يعود يرميك من النافذة ههههههههولا يسمعك كلمة في حياتك ما تنسيهاش
حظ موفق

[تغرينية]

بارك الله فيك

[سميحة 01]

سلام عليكم لبنات شوفوا موضوعي نتاع الحلويات يمكن يفيدكم خاصة لقريب عرسهم

https://www.djelfa.info/vb/showthread.php?t=1462424

[المتألقة دوما]

بارك الله فيكم
وعلى الافكار الخلابة

[أم شهد*]

ربي يخليك ويجعلها في ميزان حسناتك

[ام ريم]

مشكورة على النصائح

[Larose Mina]

بارك الله فيكن وربي يجازيكن استفدت منكن كتيييييير الف شكرررررررررررر

[safa2808]

lمرحبا يا بنات موضوع رائع وجزاكم الله كل خير
وشكرا على جهودكم
كيما وحدا كيما انا عرس نتاعي بقالو شهر او راني مانعرف والو في المطبخ او مش رايحة نسكن وحدي انا ولعجوزة نتاعي عونوني يعطيكم صحة

[ماريام]

ماااااااااااااااااشاء الله روعة والله موضووووووووووووووووووووووووع في وقتو بارك الله فيك زهور الفل ولجميع العضوااااااات الي ساهمو بافكارهم باه يفيدونا مشكووووووووووووووووووورين جميعا

[ام ندى 87]

اختي موضوع شيق وحبيت نطلب من الاخوات يحكولنا المئازق والغلطات او اي مواقف صراولهم في اول ايم زواجهم طبعا في المطبخ
وكيفاش تجاوزوهم هكذا يتفاداو العرايس هاد المواقف

المشاركة الأصلية كتبت بواسطة سميحة 01

اختي حبيت نسئل هل نقدر نوجد هكامائده كيما فالصوره قبل ما يجو الضياف يعني يدخلو يلقاوها واجده يعني هل هاذا امر لائق بالنسبه ليا هو حل لاخطر نحشم ونرتبك كي نكون نحط قدام الضياف خاصة لي مانعفرهمش

[-رودينا-]

هلا وسهلا خياتي عندي نصيحة كي تحترق القدرة ديالك وتولي هكا
ماعليك غير تفرغي الخل عليها وهي سخونة وحدو دون اضافات وتخليها شوية وتحكي رايحة يتنحي بكل سهولة وبدون عناء
هادي الفكرة طبقتها صافي يومين اول مرة تحرقلي كيكوطا في حياتي قالتلي ختى ربي هنيها على فكرة الخل والله غير ثواني غسلتها ولات تشغل

[-رودينا-]

المشاركة الأصلية كتبت بواسطة المبتدئة

اختي موضوع شيق وحبيت نطلب من الاخوات يحكولنا المئازق والغلطات او اي مواقف صراولهم في اول ايم زواجهم طبعا في المطبخ
وكيفاش تجاوزوهم هكذا يتفاداو العرايس هاد المواقف


اختي حبيت نسئل هل نقدر نوجد هكامائده كيما فالصوره قبل ما يجو الضياف يعني يدخلو يلقاوها واجده يعني هل هاذا امر لائق بالنسبه ليا هو حل لاخطر نحشم ونرتبك كي نكون نحط قدام الضياف خاصة لي مانعفرهمش

في راي اختى الكريمة مايليقش لاخطرش الظيف يبدا يتسال من وقتاش الطابلة محطوطة الغبرة زيد اذا كاين دراري في الدار بلا مانكملك واش يديرو ياخي شواطن بسلامتهم
ممكن توجدي القاطو وتغطيه بالسيلوفان فوق طابلة منعزلة
اما السنيوة ديال القهوة وجديها من قبل وغطيها خليها في كوزينا
راكي كما انا مانحبش نسربي مي ضرك والفت مع ناس داري كي يجو انا نحط القهوة
ننصحك كي تكوني وحدك ديري بروفات ديال التسربي توالفي خلاص