عروستنا في المطبخ

[titi119]

براك الله فيك طريقة جيدة لتنظيف المطبخ

[انا حبة سكر]

شكرا لكم
جميعا راني تبعت من الصفحة الاولى الى غاية الاخيرة
حبيت نقلكم جزاكم الله كل خير
انا عرسي فالربيع عطيتوني افكار بزااف ولكن بعد ما يخلص الكونجي نتاعي
كيفاه راح ندير
يعني نعتمد الى نتعشاوه نتغداوه معا العلم انو نخدم في مكان بعيد عالعمل معاناها كيفاه ندير ندير عشاء بالزايد باه يتغدي يعني نبدا نوكلو الصابح من ثاني شهر زواج ؟ ممكن تعطيني افكار اخري

[ملك الجزائريه]

موضوع اكثر من رااااااااااااااااااااااااااااااااائع

يارب يجعله في ميزان حسناتكم

نصائح رائعة وانا متابعه معاكم

باذن الله

[منهاج]

السلام عليكم

بارك الله فيكم على الموضووع بزاف مهم انا راني مخطوبة ما عنديش مشكل مع الطبخ لكن كي غادي نسكن مع العائلة

شية صعيبة كل واحد طبع في الاكل

[قطيطوشة]

اكيد مفيد ننتظر طريقة القدور المحروقة والاكل الملتصق وطاولة الطعام والبوتاجي ..الخ ههههههههه

[أمي قرة عيني]

السلام عليكن سيداتي
و الله موضوعك رائع جدا يا أختي زهور الفل . أنا متزوجة حديثا و أتقن الطبخ و لكني أسكن مع عائلة زوجي يعني أحيانا فقط وين ندخل نطيبلهم و لكن نطيب وش ياكلو هوما برك مسكين زوجي مزال مفرحش بطيابي و لا تفنني فيه ربي يرزقنا بيت مستقل و نطبق نصائحك
ســـــــلام

[ام نسمة]

المشاركة الأصلية كتبت بواسطة أمي قرة عيني

السلام عليكن سيداتي
و الله موضوعك رائع جدا يا أختي زهور الفل . أنا متزوجة حديثا و أتقن الطبخ و لكني أسكن مع عائلة زوجي يعني أحيانا فقط وين ندخل نطيبلهم و لكن نطيب وش ياكلو هوما برك مسكين زوجي مزال مفرحش بطيابي و لا تفنني فيه ربي يرزقنا بيت مستقل و نطبق نصائحك
ســـــــلام

مرحبا ربي يفرحك بيت مستقل ان شاء الله ومع هذ كوني متابعة لما يطرح في الموضوع ستستفدين منه كثيرا

[ريم الفلى]

واش راكم يا عرايس؟
ان شاء الله برك متكونوش درتو كارثة مطبخية لكن اذا درتو متخافو منبيعكمش ههههه
اليوم جبتلكم اكثر الطرق فاعلية في تنظيف القدور واواني التيفال المحروقة مسكينة بفعل عرايس طول نهار وهموما هاكدا
وفي الاخير يحوسو اوانيهم تصبح لامعة ونضيفة كيما كانت في سابق عهدها هههههههه متزعفوش كاين اللي تتحرق مواعنها بلا متتلها بروحها ممكن تكون لاهيا مع التنضيف او اي شيء اخر

اولا تضل الوقاية خير من الف علاج حتى لا تتحترق الطنجرة تاعك من جراء التقلية اللي قلنا اذا حبيتي اكلك يجي بنين لازم تمدي للتقلية حقها لازمك توقفي مع الطنجرة تاعك ومتخليهاش وتروحي لمكان اخر وتعسيها كي تكون رايحة تنشف لازمك تزيدي الماء السخون
واذا مرقتي وكان عندك بطبيعة الحال اشغال اخرى شعلي ساعة الكويزينيار باش تفكرك انو الطبخة جاهزة اوكي


اما اذا صار واحترقت فعلا
جربي هذه النصائح المجربة واللي جابت نتيجة مبهرة
اولا: التنظيف بالخل
الأشياء اللي تحتاجينها:
كاس خل.
ملعقة اكل بيكربونات الصودا.
كاس الماء «أو على حسب حجم الإناء المحروق».
حبل تاع المواعن يكون خشين شويا او هادا



الطريقة:
نغمر الجزء السفلي المحروق من الاناء بطبقة من المياه تغطيه
يضاف الخل للماء ويرفع الإناء على النار ليغلى.
يرفع الإناء من على النار وتضاف بيكربونات الصودا للمزيج داخل الإناء.
يفرغ الإناء وينظف كالمعتاد، إذا لزم الأمر يضاف المزيد من بيكربونات الصودا دون الماء يعني ذري على المكان المحروق وحكيه جيدا.
إذا كان هناك أي آثار عنيدة لا تتجاوب مع الحك، يمزج القليل من بيكربونات الصودا وبضع قطرات من الماء لتكّون معجون، يترك المعجون على الآثار العنيدة لفترة من الوقت ثم عودى لتنظيفها من جديد.
وهذه بعض النصائح لكي تزيلي اثار الحروق وتحافظي على مواعنك


استخدمي الماء والملح ..على القدر المحترق واتركيه لمدة خمس دقائق..ثم اغسليه
اسهل طريقة لازالة الصدأ من القدور او قوالب الفرن او السنيوات، استخدمي البطاطا الفاسدة حكي بيها اماكن الحرق خاصة من الخارج ثم اغسلي القدر بالماء والصابون عادي
اذا حبيتي تجنبي التصاق الاكل بالسينية اوالقدور..عليك وضع الملح عليها ثم اغسلها كالمعتاد مثلا لتجنب التصاق الحليب كي تفيضيه مع الصباح ديري كمية من الملح في الطاوة وخليها 5 دقايق وحكيها عادي بالماء والصابون

ان وضع الزيت على الصينيه حتى ولو كان القليل منه .. يسبب ظهور الصد أ السريع لها ..فتجنبي ذلك.
لقدور التيفال ضعي ملح وخل وامسحيها بهما فهو اسرع طريقة لازالة الاحتراق منها
وممكن ايضاً استخدام الليمون والملح ثم ازيليه بفوطة مبلولة ونشفيها جيداً



احد الطرق السهلة لتنطيف القدور المحترقة اتبعي مايلي:
*خذي قدر اكبر من القدر المتسخ المحترق وضعيهما داخل بعضهما البعض .
*ضعي ملعقتين بكربونات صودا في ماء ساخن واتركيها حتى تبدأ تخف درجة الاتساخ .
*ضعي ماء عليه واستخدمي لا لافات وينظف بالماء والصابون
والان للتخلص من الروائح الزكية الناتجة عن احتراق الطعام



فتح النوافذ لمدة 3 ساعات على الاقلللتخلص من الهواء المكربن واذا كان البرد سور رايحة تتكونجلاي ههههههههه
واذا محليتيش رايحة تدي من عند الميسيو ههههه
ديري معطرات الجو او البخور
او غلي قشور اليمون او التشينة او المعدنوس لفترة رايحة تروح الرائحة وتتحصلي على رائحة منعشة
او استخدام نبات الخزامى او زيت الخزامى المركز
وهادو كامل بعد تهوية المنزل طبعا
وهكدا ريحة تدي وربي يدوم الفرحة ههههه
وهادو افكار لتعطير المطبخ
ضعي قطعة فحم في الرف الاوسط للثلاجة حتى تتخلصي من الروائح غير المرغوب فيها


للتخلص من رائحة التوابل من المطحنة الكهربائية ارحي فيها شويا خبز يابس او روز

وللتخفيف من رائحة غلي الشوفلور او الكرنب حطي معاها قطهة خبز
احرصي دائما على وضع الازهار الطبيعية وان لم توجد على الاقل اشري الزيوت المركزة مثلا زيت الخزامى وحطي منو بعض القطرات على الازهار الجافة راهي تنباع في اي محل للديكور او الاواني المنزلية خصوصا على طاولة الاكل حتى تمد رائحة جميلة

وفي الاخير ارجو الافادة للجميع

تقبلو مروري
ولا تنسوني بالدعاء

[ام نسمة]

بارك الله فيك ريم ربي يحفظك ويوفقك هكذ ديما ابقي هنا

[سميحة 01]

[ريم الفلى]

المشاركة الأصلية كتبت بواسطة انا حبة سكر

شكرا لكم
جميعا راني تبعت من الصفحة الاولى الى غاية الاخيرة
حبيت نقلكم جزاكم الله كل خير
انا عرسي فالربيع عطيتوني افكار بزااف ولكن بعد ما يخلص الكونجي نتاعي
كيفاه راح ندير
يعني نعتمد الى نتعشاوه نتغداوه معا العلم انو نخدم في مكان بعيد عالعمل معاناها كيفاه ندير ندير عشاء بالزايد باه يتغدي يعني نبدا نوكلو الصابح من ثاني شهر زواج ؟ ممكن تعطيني افكار اخري

انا من راي الشخصي لازمك تتعبي شويا باش متوكليش لراجلك الصابح من 2 شهر زواج
يعني عودي روحك تحضري في العشاء 2 اطباق دائما واحد اتعشاو بيه والثاني خبيه في الكونجيلاتور غدوا من ذاك اشري برك الخبز وسخني وكولو بالصحة والهنا وابعدي تماما على بالك فكرة اللي تتعشاوه تتغداوه هادا رايح يكون سبب من اسباب المشاكل في المستقبل
وحضري الاطباق الجانبية في لي ويك اند مثلا العجينة المورقة حضريها وخبيها ولما تحبي تبدلي خرجيها وشكليها متديش بزاف وقت والسلطة نقيها واغسليها في الليل وفي النهار كي تجي ديريلها لفينيقرات برك
وكاشما نزيد نلقى افكار ممكن نفيدك انا ضرك راني خدامة نروح برك نتكسل ههههههههه وماما تخدم كلش بصح يادرا كيفاش ندير كون نتخطب على كل حال ادعولي بالزوج الصالح غير باش نتهنى من مشاكل الخدمة برك وان شاء الله يفيدوك البنات المتزوجات الخدامات وربي يقويك باش تتلهاي بالدار والراجل والخدمة

[انا حبة سكر]

المشاركة الأصلية كتبت بواسطة ريم الفلى

انا من راي الشخصي لازمك تتعبي شويا باش متوكليش لراجلك الصابح من 2 شهر زواج
يعني عودي روحك تحضري في العشاء 2 اطباق دائما واحد اتعشاو بيه والثاني خبيه في الكونجيلاتور غدوا من ذاك اشري برك الخبز وسخني وكولو بالصحة والهنا وابعدي تماما على بالك فكرة اللي تتعشاوه تتغداوه هادا رايح يكون سبب من اسباب المشاكل في المستقبل
وحضري الاطباق الجانبية في لي ويك اند مثلا العجينة المورقة حضريها وخبيها ولما تحبي تبدلي خرجيها وشكليها متديش بزاف وقت والسلطة نقيها واغسليها في الليل وفي النهار كي تجي ديريلها لفينيقرات برك
وكاشما نزيد نلقى افكار ممكن نفيدك انا ضرك راني خدامة نروح برك نتكسل ههههههههه وماما تخدم كلش بصح يادرا كيفاش ندير كون نتخطب على كل حال ادعولي بالزوج الصالح غير باش نتهنى من مشاكل الخدمة برك وان شاء الله يفيدوك البنات المتزوجات الخدامات وربي يقويك باش تتلهاي بالدار والراجل والخدمة

شفتي لازمنتعب بصح نتعود تعرفي واش راني ندير راني بديت في دار بابا دالتي ديتها بنهار الخدمة راني نوض ندير الكسرة بكري + ننصب حاجة تلحق 7ونص نكون طابلي لغداء راني ندرب
وانتي يارب يرزقك بالزوج الصالح عاجلا غير اجل

[MERIEM SETIF-2-]

موضوعك رائع حبيتي بارك الله فيك و جزاك كل خير

[-رودينا-]

بقالي شهر على عرسي ان شاء الله راني غير نجري مي هكا ومازلني نضرب طلة عليكم وعلى النت كاش جديد
ادعوووووولي
تفضلو معايا عجبتني هادي الفكرة

وهادي للاطفال نسكن معهم لازم نطيبلهم حاجة ليهم باش يحبو طاطا رودينا ههههههههههههههه ومعاهم سي السيد اااكيد

لي عودة ان شاء الله

[-رودينا-]

المرة لي فاتت قولتلكم على فكرة كيفاش نديرو الكيل ديال الكسكس * الطعام * باش يجينا سواسوا على حسب افراد العايلة يعني نحسبو لكل فرد فنجان تاع قهوة وحليب ولا بلالوش
هادي المرة نضيف باش الكسكس يجي مليح مش يابس ولا معجن نديرو نفس كيل الكسكس ماء يعني
5 افراد = 5 فناجن طعام ب 5 فناجن ماء يجي هاااااايل مشرب مليح وفي عبرو