عروستنا في المطبخ

[آمِيْرَتُه]

من فضلكم حطونا وصفات خاصة بالشرق خاصة ولاية عنابة

[sarra minette]

بارك الله فيكم اخواتي ليوووووم دخلت من صفحة1 حتى الاخيرة انا هذا العام تخرجت و تخطبت لقيت روحيي ouuuuuuut
لمزية نتومة ربي يعتيكم واش في قلوبكم احبكم في الله

[mima-86]

يعطيك الصحة و جزاك الله خيرا انشاء الله.. عندي ملاحظة فقط على مشروبات الطاقة اللي ذكرتيها في الاخير الرجاء الابتعاد عنها كل البعد لانها قد تعطيك طاقة و نشاط و لكن بمجرد التوقف عنها يرتد مفعولها غلى الجسم كما انه ثبت ان الاستهلاك الدائم لــred bull يسبب العقم و أحسن منشط للجسم الزنجبيل و العسل و كل المقويات التي تباع في الصيدليات تحتوي على العسل و الزنجبيل و الجنسينغ

[غزة في عيوني]

شكرااااا ريم الفلي الله يعطيك الصحة نصائح في القمة

[ماريام]

المسؤولية صعيبة حنونتي ممكن تقوليلي واش لازم تتوفر عليه الكوزينة من اول يوم راني بداري وحدي وكيفاه نتعامل مع اهل زوجي يعني وقتاش نعرضهم

[walidg2inst]

نشكر جميع من ساهم في إثراء هذه المواضيع دمتم وفيين للمنتدى

[pomaria_aindefla]

شكرا على المجهود اليوم و أنا أتصفح النت وجدت هدا الموقع الدي يعلمنا كيفية الطي بشكل صغير و الحفاظ على الأكل و يتطرق أيضا للحمام
https://www.foxymega.it/fr/organize/choisissez-un-accessoire.php

[ريم الفلى]

واش راكم يا حلوات
؟؟؟
اليوم وبعد الاستفسار اللي لقيتو في الموضوع حول الاواني المطبخية
حبيت ندير هادا الموضوع واللي راهو رايح يكون شامل باذن الله
اولا راني نحكي على عروس رايحة من ليلتها لدارها وحدها
نبداو بالاشياء الضرورية واللي يلزم على الراجل يوجدهم قبل ما تجي مرتو للدار
1- الثلاجة

2- الطباخة

3- الميكو-اوند هذا ممكن تاجليه لمنبعد

4- كاين اللي يديرو تاني الغسالة في المطبخ

اذن اذا خرجتي مع راجلك خيري معاه هاد لحوايج واذا لالا لازمك تولهيه باش يشريهم ومن الاحسن يكونو من نفس الماركة ونفس اللون
نجيو ضرك للحوايج لخرين
1- الكوكوت

2- القدر العادية

3- مجموعة من المقلاة على الاقل 2 مقلاة

4- يستحسن تكون وحدة تيفال مع مرامط تاني على الاقل 2 باحجام مختلفة كبيرة وصغيرة

5- مجموعة صحون اشري طقم فاخر خليه للضيوم وطباسا عادية للاستعمال اليومي

وهادي للاستعمال اليومي

مجموعة ملاعق صغيرة للقهوة وكبيرة للطعام وفراشط وسكاكين وملاعق خشبية لاعداد الطعام و اخرى لحمله




كأوس للماء واخرى للمشروبات وفناجين القهوة والحليب وكاسات للشاي




حاملة الاواني

السكرية والصفاية تاع الحليب وابريق القهوة ابريق الحليب والشاي




سلة وحامل الخبز "الطبق"

علب البهارات

حامل المناديل الورقية

قوالب الفرن المستطيل المربع الدائري اشكال ضرورية والاخرى مع الوقت تشريها




الحلال لفرد العجين

الخلاط الكهرابائي

البراميكسور

العجانة
الروبو:

سلة تنشيف الخضار والسلطة

اداة تقشير البطاطا واداة فرم الثوم ومحكة البصل

اداة عصر الليمون او البرتقال:

طاجين المطلوع

طاجين الكسرة:
قصعة العجين

كشما نسيت فكروني ياخي فجل من لا ينسى

[Latifa91]

شكرا شكرا شكرا كي تفكرتينا وحطيتينا في بالك انا متزوجة جديدة عندي 3 اشهر زواج بنسبة لطبخ انا نتبخ ك العادة قالتلي عزوجتي الطبيخ تاعك خاصاتو حاجة بصح ما فهمتش وا خصها انا ما نستعملش الفلفل الحار كي نطبخ هل هوا اللي خاص جاوبوني و شكرا

[عائشة1]

موضوعك قيم للغاية
لقد بحثت كثيرا وحاولت جمع معلومات من هنا وهناك حتى وجدت ما كتبته
لقد اراحتني كلماتك وافكارك
لازال في بالي اسئلة كثيرة

لي امنية ان تكون هذه الافكار مشروع كتاب وصدقيني سيكون الطلب كثيرا عليه
تحياتي

[meriem hanin]

ربي يبارك فيكم
و يجازيكم خير على كل حرف راكم تكتبو فيه و تفيدونا بالافكار و الله من صمصووووووووووووووووومة قلبي نشكركم و نحبكم
خاصة خاصة سميحة و زهرة الفل و فلة

[ماريام]

يعطيك الصحة حبيبتي راني نجري مرة هنا ومرة لهيه ماعرفتش واش لازمني خلاااااااااص سورتو كي عدت من نهاري بداري راكي نحيتي عليا هم كبير ربي يبعد عليك كل الهموم مدابيك حنونة كون تزيدي تقوليلنا واش لازم يكون فالدار من عجائن متلا والبهارات ,,,,,,,,,,,,,,الخ ربي يعيشك حنونة

[ماريام]

واااااااااااااااع مارديتيش عليا مادابيك كون تمديلنا موني تاع السمانة الاولى يعني واش نطيبو فيها والله الشورة هلكتنا وزيد التخمام بلييييييييييييييييز

[sara eco]

موضوع في القمة وفكرة جد رائعة

دائما مميزة غاليتي

شكرا على الموضوع

[ام نسمة]

بنات انا اسفة جدا ماشفت ردودكم الا الان والله عندي ظروف كي نكون مرتاحة راح افيدكم بكل اللي اقدر عليه