***طريقة غسل المصران***

[ام حمزة22]

السلام علبكم ورحمة الله تعالى وبركاته

عيدكم مبارك وكل عام وانتم بالف خير
اخواتي الكريمات بعد ما وضعت موضوع المرقاز وهدا الرابطhttps://www.djelfa.info/vb/showthread...post3994381496

حبيت نقدملكم طريقة غسل المصران
ما كنتش حابة نحطو في موصوع واحد مع المرقاز لمراعات شعور القلوب الضعيفة مثل بنتي
وانا نقي فالمصران هربتلي من المطبخ وقالتلي عمري ما راح نزيد نضوق المرقاز
حتى الصور ما حبتش تعاوني وتصور لي اامراحل
لاكن بعد ماطاب المرقاز قعدت هي الاولى على الطاولة
ما قدرتش تقاوم الرائحة المنبعتة من المرقاز


المهم بعد ما نفرغ مليح المصران من الفضلات( اعزكم الله )
ناخد المصران ونعمرو بالماء باش نضمن نضافته
بعد ما نضفو مليح من الداخل والخارج نقلبو بواسطت ملعقة خشب او اي شيئ يسهللنا العملية
نقلب المصران ونكرطو بالسكين حتى ننزعلو تلك المادة لي لاسقة فيه
من بعد نعاود نغسلو مليح من برا ومن الداخل ونعمر فيه الماء لضمان نضافته


هنا شاهدو الفرق بعد ما غسلنا المصران لي غسلتها من الداخل تبان بيضاء على التانية
وفي هاد الصورة ولي بعدها تبين كيفية قلب المصران

هنا الصورة تبين كيف نكرط المصران بدون ما نجرحو او نقطعو
هنا راه يبان المصران النضيف والغير النضيف والفرق راه باين
وهنا بعد ما نضفوه كليا نزيد نعمر فيه الماء باه نضمن مليح نضافته

ان شاء الله الشرح يكون مفهوم ومفيد
تحياتي للجميع