لكل من اجتاز بكالوريا 2010 حوصلة اخيرة

[CANON 1000]

السلام عليكم وحمة الله وبركاته اما بعد
فتحت هذه النافذة للتحدث والدردشة قليلا حول مواضيع البكالوريا لهذه السنة وفي كل الشعب
ففي شعبة العلوم الطبيعة والحياة
مثلا
ابدا بسم الله اليوم الاول الخوف طبعا من طبيعة الاسئلة لكن كيما انصحتكم قمت باختيار موضوع المقالات فكان سهل بحمد الله والاسئلة في متناول الجميع
يخي ديما يسهلوا الادب باش يقولوا الباك هذا العام مدوه والاسئلة الاجبارية سهلة كذلك
المهم في المساء جاءت الانجليزية واش نقولك مواضيع لا باس بها يعني خاصة واني ماش مليحة في الانجيلزية
اليوم الثاني جاءت الرياضيات الموضوع الثاني صعب للغاية الموضوع الاول ديما اخطاء في حساب المميز ربي يستر فقط
لانني لم اطلع على التصحيح بعد
في المساء جاءت التاريخ والجغرافيا طبعا المواضيع المعتادة مثل حركة الامتياز كنت متاكدة بلي جي هذا العام + وم ا
غدا جاءت العلوم حقيقة انا قلت كون ما نخدمش في العلوم غير نروح نروح والعام الجاي نعاود وخلاص يخي برحمة ربي جاءت الخلية والطاقة و النبا العصبي والهرموني كيما توقعت ايضا وكما اطلعتكم ايضا قلتلكم ركزوا على هذه المواضيع
المهم في المساء الفرنسية سهلة ايضا الموضوع الاول جاء على الصحة والتغذية يعني في متناول الجميع اما الثاني فلم افهم اصلا عن ماذا يتكلم لذلك لم اركز عليه جيدا المهم كل حسب رايه في المواضيع
الكارثة جاتني في الفيوياء مواضيع طويلة يعني حبوا يمكروا هذا العام حسبنا الله ونعم الوكيل الواحد باش يخلص موضوع 6 ساعات وياربي يكمل
بالنسبة للفلسفة انا خيرت المقال ايضا لانه يمدوا عليه النقاط الامة وارتباطها بماضيها جاني ساهل وما نعرف

في رايي هذه السنة في المتناول لي ركز ملبيح
ما انا عندي الخلعة فعلبالي ربي يجيبها في الصواب هذا العام