نطرطق بوتاية نتاع الغاز على عجوزتي

[نسائم الهدى]

يا لهوي!!!!!!!!

قرعة غاز ضربة وحدة؟؟؟؟؟؟؟؟؟

هدي تعتبر ارهابية سامحيني مي عندها شخصية عنيييييييييفة عنيفة

انا عجوزتي البارح جات تطيح قريب حبس قلبي

لاقيتها و طاحت فوقي و ظهري راه مريض قريب كملت على جد جدو

مي الحمد لله خرجتلنا سالامات

حتى نترتق عليها قرعة غااااااااز؟؟؟؟؟

لا حول ولا قوة الا بالله مي انا مبدئي انه

// كيما انا نحب زوجة اخي تتهلا في ماما و ما تردلهاش الهدرة انا لازم نتهلا في عجوزتي و نسكت و ما نردلهاش الهدرة //

و زيد كيما اخي ما يحبش على ماما

زوجي ما يحبش على يماه صح؟؟؟

و قبل ما نجي لدارو قالي ::: بيني و بين اهلي ما تدخليش حتى لو شفتيهم يقطعوني طراف ما دخلكش لا بيني و بين والديا لا بيني و بين خاوتي و بابا و يما ما ترديلهمش الهدرة و حتى و يغلطو فيك تسامحيهم و تعامليهم مليح ---

و الحمد لله راني في نعمة

مي 11 سنة و قرعة غاز؟؟؟

راني حابة نعرف شي واحد

ماماها كي دايرة؟؟؟

سلام

[إكليل]

المشاركة الأصلية كتبت بواسطة nilly

شكرا خيتي
مادفعني لكتابة الموضوع هي جارتي وصديقتي بنفس الوقت وعمرها 78 سنة ومسكينة مزالها تجري على روحها تطيب وتشري قشها وحتى كي تمرض تطيب وحدها ومسكينة من شدة المرض تقوم وتطيب . وعمدها زوج كناين واحدة ساكنة ببيت عجوزتها لهي جارتي والبيت باسم العجوزة وهادي متمدلهاش حتى مورسو نتاع خبز
وعندها كنة الكبيرة ساكنة وحدها فيلا كبيرة ومرفهين بزاف جامي تطل عليها وهي قريبة بصح والو ماتطل ما والو حتى مرة حاكتلي هاد العجوزة وقالت بلي راحت عندها تدق فالباب شفتها منالبالكون وقالتلها ستناي درك نجي نفتحلك الباب عجوزة مسكينة ستانت حتى شبعت ورجعت لدارها وثم ثم شافت اهلها جايين وفتحت لهم الباب برحب وسعة
وهاد العجوزة ارملة شهيد كامل درهمها مدتهم لولادها وكناينها يشريو دهب ولابسة والقش نتاع دار بدرهم عجوزتهم لميشفهمش وعلبالك علاه يكرهوها اخطر الكنة الكبيرة قاتلها مدلي الكرني ليا وحدي وتحرمي كنتك صغيرة من دراهم والكنة الصغيرة طلبت كارني ليها وحدها هههههههههه وشكون ليفريها
والمشكل ولداها ماشي برك يكرهوها وين يرحوا يهدروا عليها لانه نساهن يوزو بودانهم كل واحدة تقول لراجلها بلي تحبك خوك كتر منك ﻻلغيرة نتاع الكناين
وسقسيت مرة بنت ولدها واش راهي جداتك قاتلي علة ام امهى قتلها لالا جداتك الاخرى قاتلي سمحيلي عندي جدة واحدة شوووووووووك
قتلها ارواحي تعيشي معايا معززة مكرمة حاجة متخصك والكرني مديه لدار العجازة يستفداو منه ولا لدار الايتام وانتي رواحي عندي ولداك ميستهلوش دراهم هدو رفسوا على نعمة بصح هي محبتش لانها شادة على العادات نتاع بكري ومتحبش ناس يهدروا على ولادها ولا يجبدهم بسوء رغم كل شي تحبهم وتموت عليهم
واش تستناي من ناس يعرفوا يديرو غير الفرائض من صوم وصلاة واقلاع عن المحرمات اما الاخلاق فحدثث ولا حرج قالولك كاين شفاعة اد حبينا نقتلوا ونسرقوا فالاخر راح ندخلوا الجنة سيب افساد المسلمين هي شفاعة

ربي يكون في عون هذي العجوز المسكينة عقوق الوالدين اكبر معصية فلقد جعلها الله بعد الشرك به مباشرة و من يظن نفسه أن صلاته ستنجيه من العذاب فهيهات هيهات .

ففي الإسلام يوجد ديوان العبادات و هي التي بيننا و بين خالقنا و قد يغفرها الله تعالى لنا.
و يوجد ديوان المعاملات و هي التي بيننا و بين الناس قد لا تغفر إلا إذا سامحك صاحب الحق أو من ظلمته . فلا يظن احد أن بقيامه الليل و صيامه النهار سيغفر له ما بينا و بين الناس.

[KARIO]

العجوز في بلاصة الام هذه اكبر كذبة كذبناها و صدقناها، عمر العجوز متحبك كيما بنتها، الام وحدها و مكانش كيفها، اللي تتهلي في عجوزتها ربي يجازيها و لكن هذا احسان من عندها مشي واجب، و اذا راني غالطة جيبيلي دليل واحد من الشريعة، عكس الام، الام فرض و واجب و عمري مكنت راح نخلي بنت الناس تقوم بامي و انا حية، و اذا ربي رزقني نشاءالله بناتي يقومو بيا، الله يسهل على بنات الناس، المشكلة عندنا نحن الجزائريين ليعامل زوجته و اهلها معاملة حسنة يتسمى جايح
ارتقوا.......!

[احلام منال]

يعطيه الصحة هدى مش هدرة كتتزوجى وتلى كنة تماك نشوف واش تديرى للعجوزة انتاعك الهدرة ساهلة ادا راك حابة تتزوجى ماتستعملش هدى الاسليب وتطعنى فى الغاشى ماتحطتش فى بلاصتهم بش تبنى مليحة وفاهمة يا فقو

[l'espoire de la vie]

واش تقولو في عجوز تحط زوجة ابنها بين عينيها و حاجة ماتعجب من خدمة كنتها اما بناتها بوه .....انا نعاني من هذا المشكل ندخل نرتب غرفتها او غرفة سلافي دزلي العسة .........الخ
...........كيفاش الكنة متكرهش او حتي زوجها تدور عليه وزيد يستهزاو من اصلها واش جابت معاها هذا مايستاهلو العجايز لكيما هاك

[زينب 83]

المشاركة الأصلية كتبت بواسطة farfou

ا و وانا اجيبك بدوري بتسؤال عن شخصيتك انت التي تسمح لك ان تتركي امك نعم امك التي شافت المر باش كبرتي واصبحت تتحدثي عن" الشخصيات انتاع الرجال" في يد زوجة اخيك تحن عليها اذا هداها ربي اين هي كرامتك ..............انا لا اقول ان العجوز تروح تسكن عند بنتها ولكن كيما عندها حق في ولدها كدلك بنتها تسال فيها وممكن اكثر لانه البنت كيما يقولو حنينة ......لكن للاسف بعض البنات ينساو الخير نتاع يماهم ويستناو في بنت غيرهم باش ترفدلهم يماهم يا حيف يا حيف عليكم هاذي امي اللي رباتني وكبرتني والله ما نخليها في يد وحدة تدير فيها مزية على وجه ربي ولا تقولي لي هذا واجبها فانا اقول لك هذه امك امك امك الا تعرفين هذه الكلمة العظيمة وتطرحين الموضوع لتحملي الولد كامل المسؤلية ...............وانت اين دورك .........ام انك ستقولين كما قالت لي سلفتي عديمة الاخلاق: "ارفدي برك يما انا المهم ضميري مرتاح" بئس الضمير وبئس الاخلاق وبئس الدنيا التي جعلتها تفرط في امها ............................................. والان امها عند ربها ومازالت تضن نفسها بطلة.......يا حسرتاه على الدنيا تجعلك حتى تنسى من حملتك يوما في بطنها وهنا على وهن.............الله اكبر اشبعي من امك اليوم قبل ان تصبحي تحلمين برائحتها غدا ولا تنتظري اي مزية من احد لا مرت خوك ولا اي احد اخر فاليوم امامك وغدا يعلم ربي؟؟؟ وتصبحوا على ما فعلتم نادمين

أعجبني ردك كثيرا ، حفظ الله امهاتنا

[زينب 83]

غاليتي

خدمة المراة لأهل زوجها غير واجبة عليها شرعا ، يعني خدمتهم تكون من باب المروءة و الطيبة فقط ، خدمتهم و الاعتناء بهم من واجب أبنائهم ذكورا كانوا او إناثا ، فهي ليست مجبرة نهائيا على الاعتناء بهم

سبحان كيف يرمي الرجل او المراة واجباتهم نحو والديهم على من ليست لهم صلة بهم ، كيف يفرضون على الكنة واجباً هو في الأصل واجبهم ،



لكن ،،،،،،،،،،

هذا لا يعني ان تتخلى الكنة عن كل إنسانيتها ، فلتحاول قدر المستطاع الإحسان لوالدي زوجها ابتغاء وجه الله ، و تبتعد تماماً عن تحريض الزوج على والديه ، بل بالعكس تعينه على طاعتهما و الإحسان إليهما لانه مهما كان هم في مقام والديها و لو لم يكونا كذلك

[soumay12]

المراة هي المشكلة الكبرى وكل المسؤولية تةقع عليها هي

وكي جهنم معمرة بالنساء ماش باطل

امراة تخاف ربي وبنت ناس ومتربية مستحيل

تقبل على روحها هذا الشيء حتى لو كان راجلها ميحافش ربي رايحة تعمل هي باصلها

وكلشي لوجه الله

فخرجوا الراجل من الموضوع

فكلشي بيد المراة

وما جزاء الاحسان الا الحسان على طوال ولا قصار

[زينة نور]

ربي يهدي ماخلق
حسبي الله ونعم الوكيل

[albert walid]

العفسة راهي كامل بدراهم لو امر الولد عندها دراهم وخلصة الكل يمشي يقولها قعدي عندنا
والولد كي تكون يماه عنده يقولك انا نبزر وخوتي مو معاونيني بالدراهم وهادي بداية القصة لا اكثر ولا اقل وثاني كين امهات سامحهم الله غيرين عرايسهم ويديرولهم وتنكيل بكل وقت
ليس حالات معممة الله يهدي ماخلق

[foudad]

hada sujet tahader 3lih wahda metzewdja fel hwana pas toi psk ma3labalek bwalou.....loukan tetfahem la3djouz wel kena bliss yedkhol lel djena ok

[oumhadjer]

allahoma idj3almna mena elmohtadine

[baalache]

السلام وعليكم عندك الحق ونزيدلك اكثر ولات في الدار يحبو البنت اكثر من الولد لانو الولد غادي تجي وحدة تديه بينما البنت تجيبلهم النسيب حتى لدار عن نفسي الوالدين متوفيين و انا شخصيتي لا تسمح بالدعان وحط النيف يعني لوكان عاشت الوالدة الله يرحمها لن اقبل حتى بان ترد لها كلمة واحدة والا سيصبح الامر كل واحد يقادر امو

[baalache]

الكناين غضبو عليك انا نوجه سؤال هل خدمة الزوج لنسابو واجب يعني ادا ما عجبوكش والديه حتى هو امك ماشي فرض عليه

[OUMZIAD]

صح اختي كلامك معقول ادا كانو اهل زوجها بحاجة ليها و هي قادرة علاش لا لا للحسنة وتأجر عليه , ولكن كاين عائلات لحاجة لمليحة للبنات او كي يطيحو الوالدين يقولو مرت الابن هي لي ترفد اما بناتهم فعندهم مسؤولياتهم علاه مرت الابن معندها حتى مسؤولية في العادي يتعاونو ويربحو الاجر , انا كنت حاطتهم فوق راسي و اهلي منديرلهمش كيما نديرلهم او كي مرض ابني قالو لابنهم طلقها و عاود حياتك مع العلم مدرت والو اذن اختي لا يصح ان نعمم