كروكي رولي من مطبخي بالصور

[sara queen]

السلام عليكم و رحمة الله

هي وصفة سهلة و اقتصادية و عندها شهرة كبييييرة عندنا نتمنى تنال اعجابكم بلا ما نطول عليكم اتفضلو
المقادير:
6حبات بيض كبار
2كيسان سكر عادي
نص كاس سكر رطب
2كاس زيت
2علب ياوورت من الافضل ذوق فراولة او ليمون
2مغارف كبار كاكاو ''أسود""
مغرف عطر القهوة او نيسكافي
مغرف كبيرة فاني
زاست ليمون او برتقال
4 شكاير خميرة
فرينة حسب الحاجة


التزيين:
1-معجون مشمش , جوز الهند , كاوكاو محمص مرحي,
2- 500غ شيكولا بيضاء , فنجال حليب خاثر , ملون ابيض , ملعقة كبيرة لافاني , قليل من الشيكولا السوداء
التحضير:
باستعمال باتور او بيتران نضرب البيض و السكر مليييييييح



منبعد نزيد الزيت و الياوورت والخميرة و السكر الرطب و الزاست و لافاني ثم نقسم الخليط الى اثنين واحد اكثر من الثاني الجزء الصغير نزيدلو كاكاو و عطر القهوة و نلم بالفرينة نتحصل على عجينة طرية نوعا ما



و نزيد نلم الجزء الابيض بالفرينة حتى الحصول على عجينة طرية أيضا



نغطيها و نخليها تريح شوية



ثم نقسمها بحيث وزن البيضا ضعف وزن السوداء انا سنيواتيي كبار علابيها قطعتهم كبار شوية
ندهن السنيوة بالزيت و نبدا نحل فوق بلاستيك باش تسهل علينا المهمة و نحطهم فوق بعضاهم و نزيد نحل ملييح و نروليها نديرها فالسنيوة و نقرصو شوية برك








ندخلها في فرن متوسط نار من الاسفل حوالي عشر دقايق و نشعل من فوق حتى طيب باش تتاكدو قطعو جزء من الطرف و شوفو اذا لقيتوه نشف نحيوه و اذا مازال خليوه يزيد شوية و خرجوووه
ادا تحبو تزينوه بالمعجون ديروه وهو سخون و ادا بالشيكولا خلوه يبرد تماما



بالنسبة لتحضير الشيكولا نذوبوها فوق حمام مائي على نار قليلة حتى تذوب مليح و نزيدو الحليب بالشوية مع الملون و لافاني ونحرك مليح حتى تولي تلمع , نحط الحلوى فوق شبك و نطليها بالشيكولا و نزين بخطوط من الشيكولا السوداء

و هاذي النتيجة النهائية
بالمعجون


و بالشيكولا



نتمنى يعجبكم اخواتي و تطبقوووه

ملاحظة : هاد المقادير تعملك اكثر من 70 حبة

نتمنى نكون وفقت فالشرح


دعوة خير تكفيني اخواتي

~~~~~~~~~~~~~~~~~~~~~~~~~~~~~~~~~~~~~~~~~~

[أم أولادي*]

بارك الله فيك

[أم سيرين3]

السلام عليكم
بارك الله فيك أختي سارة يبان بنيييين وهش نجربو إن شاء الله في أقرب وقت وربي يرزقك من خير الدنيا والأخرة.

[ادرارية]

بارك الله فيك أختي سارة ان شاء الله نجربها في ميزان حسناتك

[بشرى2008]

روووووووووووووووووووووووووووووووووووووعة

[michkcha]

ما شاء الله يعطيك الصحة

ما شاااااااااااااااااااااااااااااااااااااااء الله روووووووووووووعة روووووعة ويستاهل التطبيق يسلمووووووووووووووووووووو

[زهره نرجس]

يعطيك الصحه

[أم مبين]

بارك الله فيك وجزاك خيرا

[سعيدة8888]

الف شكر اختي
حبيت نسقسيك كي نشعل غير 10 دقايق ثم نشعل من فوق مايبقاش عجين من داخل ؟ سيرتو انا عندي الكوشة تم تم تحمر من فوق

[idron0]

يعطيك الصحة حبيبتي

[ريتاج تيارتية]

بارك الله فيك حبيبتي على الوصفة مشكوورة يبان يخرج روعة جزاك الله كل خير ان شاء الله عن قريب نجربه

[أم ريمة*]

بارك الله فيك سارة على الوصفة وربى يعطيك ما تتمناى

[sara queen]

بارك الله فيكن اخواتي مشكورات ع الدعاء آآآآمييين يارب و لكن بالمثل ان شاء الله
نورتووونييي

~~~~~~~~~~~~

[ام هاديل وياسين]

بارك الله فيكي