مشروع مهقى انترنت

[SamaBdd]

السلام عليكم
لدي شهادة تقني في اعلام آلي وراس مالي 20 مليون واريد فتح مشروع صغير ، اعلم ان المبلغ صغير جدا لذالك اريد قرض من وكالة لونساج لتجهيز مهقى انترنت ، اعلم ان كثير سيقول ان العمل هذا انقرض ... لكن الواقع انا ارى عديد من مقاهي انترنت وعلى مدار السنة مملؤة بزبائن خصوصا اذا كان الموقع جيد ، انا وجدة مكان جيد قريب من مؤسسات تربية كذالك من مركز لشباب
الفكرة اني سافتح مقهى انترنت متعدد الخدمات مثلا الترجمة ، اجهزة بلايستيش ، طبع على ملابس ، تصليح اجهزة وتفليش اجهزة اندرويد ، صنع تطبيقات ديسك توب ...، كذالك ساحاول استعمال انترنت تدفق 20 او 50 ميغا لكي تكون سرعة كبيرة وتجلب زبائن
-ماريكم بهذا المشروع ؟
-هل وكالة لونساج ستقدم دعم لمشروع مثل هذا ؟
-ماهي الخطوات التي علي عملها للحصول على تصريح لفتح المقهى ؟
-لدي شهادة في هذا المجال فهل تساعد على تسهيل الامر ؟

[ahssen077]

lمشروعحاليا صار ليس بمشروع اصلا فيه صعوبات في الفتح لازم تتحصل على ترخيص ولاية وهدا يطلب تقريبا عام
انت ومعريفتك شهور الي كاريهم يروحو هكاك ولا اخدم انوار حتى يمدولك رخصة رخصة لكريمو مهيش بالامر السهل تجيبها لازم يكون للمحل عندو شهادة مطابقة
الا في العمارة ما يطلبوها وزيد سرعة انثرنث تجارية في سعر تختلف عن تاع الدار رغم انو سرعة نفسها اختلاف في الاسم فقط مثلا تاع دار 2ميغا تسلك عليها 2000دج اما تاع سيبار تجارية تسلك عليها 18000دج مليون و800 لشهر زيد ضعيفة خلاص تطلح ل 4 ميغا تسلك تقريبا 4 ملايين لشهر تبالي افتح محل عادي خدمات وصيانة وكتابة مدكرات احسن ادا كنت في موقع جيد اما انت تقول دخل فيها كل شيء من خدمات كل نشاط له ضريبة معينة اخدم الي تحتاج

[حواسين أمينة]

والله راح تندم على النهار اللي قررت تفتح فيه مقهى انترنت وعن خبرة وتجربة في الميدان , رخصة مزاولة النشاط وحدها تتستغرق قرابة عام لتجهز , ناهيك عن أنك قبل هذا كله يجب ان تحوز رخصة مطابقة للمحل .

[aziz korbali]

السلام عليكم
يا اخي مشروع مقهى انترنت يعتمد على المكان لي رايح تفتح فيه ادا مكان على طريق بها مشاة كثيرين راح ينجح المشروع تاعك و فيها رزق مشاء الله
و كيما قالولك الاخوة قبلي المشكل في الحصول على الرخصة اما ما قاله لك الاخ انك تخلص انترنت تجارية فهدا غير صحيح خلص 20 ميقا تخدم علامة
و ادا كنت في بلاصة مليحة غير البحوث و استخراج الاوراق و كاين شعال من حاجة ادخلك دراهم لاباس
اي سؤال انا في الخدمة اخي كوني املك مقهى انترنت منذ 6 سنوات و الحمد لله لم اندم يوما عليه

[djalal44]

السلام عليكم
أنا عملت في مقهى أنترنت ولاحظت نقص في المدخول لكن تحقق ربح لأن التكلفة قليلة والمداخيل كبيرة وإدا أردت المساعدة في تثبيت ا شبكة الريزو فأنا في الخدمة وأتكل عللى ربي

[merouanechelbeb]

اخطيك
فكرة تجاوزها الزمن

[المهاجر001]

المقهى ول وقته كثيراا مع وقت التكنولوجا . الاغلبية تستعمل الهاتقف . يمكنك عمل مكتبة مثلا و اضافة امور الطبع و البحوث معها راح يكون المدخول افضل