انا حزينة و يائسة ساعدوني ارجوكم

[مشكلتي]

من فضلكم ساعدوني انا فتاة العمر 28 سنة لدي عدة مشاكل جعلتني حزينة طوال الوقت و في اكتءاب حاد
ا
ولا ...المنزل الذي اسكن فيه اسكن مع ام و اخ لكنهم اعداء عاملوني بقسوة كبيرة و تهديدات انا اخاف منهما كثيرا خاصة منه هو فهو تاجر مخدرات يمكنه عمل اي شيء هو مزوج و مطلق انا الصغيرة في الدار دارو فيا كوارث فوق ما تتصورو من عنف و اهانة و ذل بدون اي سبب فقط كي عدت منعرفش نلبس مليح برى و نشتي نلبس المستور في الدار على عكس اخوتي اما اخواتي يوجداثنان متزوجات و عندهم مال كثير و يضالو يبدلو في الديار لكن ميعيطوليش بالاشهر ولا عام ميعيطوليش حتى يسقسيوني وشراكي حية ولا ميتة و اختي الثالثة مطلقة في سكيكدة كارية وحدها مع بنتها عشت معها 7 اشهر و كنت سعيدة ثم لكنها زعكتني من ثم و دمرتلي حياتي و قلبتني نعيش مع الام و الاخ الظالمين هذوك من نهار وليت لسطيف و انا حزينة طلبت منهم ان اعمل و نكري وحدي مخلاونيش ...كاين امل وحيد عندي هو انهم يبيعو هذي الدار و يقسموها يشريو زوج ديار الاخ يروح وحده و انا و الام نروحو وحدنا لكن هذي الام مش قابلة هذي الفكرة ...فكرت نروح

ثانيا ...انا لدي ليسانس انجليزية و خمس باكات عاودتهم على جال معدل الطب و انا اعمل الان في مختبر منذ 3 اسابيع لكن عمل اكرهه كثيرا لانه عمل يدوي شاق جدا و لازم العمل بسرعة و اللبسة لازم اكل بيضةالسلاك 3 ملاين و نصف لكن المسؤول ثم لاحظ اني لم استطع عمل الاشياء الصعبة هناك لهذا اني حاسة يحبسني في اي لحظة اصلا الكونترا مدتها 3 اشهر برك ...و زيد نتفكر خدمتي السابقة و نقارنها بهذي ندمر طول لاني كنت نخدم في ادارة ترجمة انجليزية و كان السلاك مليح و الخدمة نشتيها لكن في مرة غبت خمس ايام زعكني المدير ....و الان خفت يحبسوني من هذي الخدمة تاع المختبر و منلقى حتى وحدة اخرى ...فكرت نعاود الباك لكن معنديش الوقت باه نقرالو طول لاني نخدم اسبوع كامل خدمة متعبة و ثاني كي عدت حزينة راحتلي الارادة للدراسة طول و اصلا معدل الطب يتلاقلو دراسة طويييلة و فكرت نروح للاقامة لكن ربما ميقبلوش اللي فوق سن 28
يعني الدار نكرها و الخدمة نكرها ....و لهذا وليت حياتي كامل نكرها

ثالثا...الزواج ...اريد ان اتزوج لكي اخرج من هذيك الدار و نتهنى من هذوك الظالمينو ثاني كاي فتاة تكوين اسرة و اولاد لكن ليس لدي لا صديق و لا خاطبين يعني والو .....منين حيجيني الزوج الصالح .....برى واحد ميهدر معايا لاني رقيقة جدا و منيش انيقة في اللبسة طول مثلا نلبس حجاب ملتزم و فوقو بالطو و الخمار نلوحو برك هي لبسة كئيبة تعكس الحزن الذي بداخلي حاولت كثيرا نولي انيقة لكن افشل داءما ...و قتلي صحبتي حوسي في الفيسبوك لكن في المسنجر ملقيت حتى واحد ممكن يكون زوج صالح و ايضا كامل يطلبو صورة او مقابلة ...و انا منقدرش اصلا انا معقدة و معنديش الثقة بالنفس طول معدومة.....وفي لافامي مجابولي حتى واحد ...و لهذا اني ياءسة حاسة مش حيجيني الزوج الصالح طول عمر

و الحاجة اللي حطمتني اكثر ان لدي صديقة هي شريرة جدا و متحسش بالناس و متكبرة ...و مع كل هذا تخطبت من شخص صالح و طيب تعرفت عليه من المسنجر ثم التقت به ...علبالي ملازمش نقارن روحي بحتى وةحدة لكن رغما عني جيني افكار بللي لاه هي عندها عاءلة ام و اب و اخت حنان عليها و زيد عندها خدمة في البنك كانت تسلك 5 ملاين و حبستها و زيد عندها زوج صالح جاها بدون اي جهد ...و انا اللي طيبة معندي لا عاءلة لا خدمة تصلح لا زوج صالح .........لا مكانش عدل .............كرهت هذا الامر يحزنني جدا


ماذا افعل الان ارجوكم كرهت حياتي باتم معنى الكلمة حابة نموت نصلي و ندعي لكن متغير والو ....حزينة جدا و وحيدة و معقدة و ياءسة ...................مالا الحل ارجوكم
اريد بيت امن مياذيني فيه حتى واحد و خدمة نشتيها و زوج صالح برك هذي حقوق اصبحت احلام مستحيلة صبرت سنوات و سنوات و مجانيش الفرج

...................مالا الحل ارجوكم

[kazilo]

اولا استغفري ربك ونحي فكرة حابة نموت وقوي ايمانك بالله وثانيا تقدري تزوري طبيب نفسي ينقص عليه الوسواس لي راكي فيه وهذا عن تجربة عشتها وبفضل الطبيب خفيت شوية وزد على هذا الوزن ساهل كي ترتاح نفستك يتعدل وزنك والزوج الصالح بالدعاء يجيك وشاركي في مسابقات التوظيف واكيد راح تنجحي

[ع.عيسى]

لا يأس مع الحياة ولا حياة مع اليأس ....رددي دعاء يونس عليه السلام الى ان ياتيك الفرج

[proxy99]

هذا ابتلاء من الله تعالى و يجب قبوله و الصبر و الدعاء
اما فيما يخص المنزل فقومي بالتسجيل في الجامعة اي شعبة المهم بعيدا عن سطيف مقيمة تقبل لا يهم العمر، من تدرسين و تبتعدي عن المنزل لكن حدار من فتنة الجامعة و الاقامة الجامعية، او إتجهي نحو تخصص الشبه طبي كممرضة، يمكن التسجيل ببكالوريا قديمة و المعدل في إمكانياتك، فتجمعين بين الدراسة و العمل و الابتعاد عن المنزل.
اما فيما يخص الزواج فأنت مخطأة تماما في تحليلك، فكونك مجبة حجاب شرعي و ترفضين اجراء المقابلات و ارسال صورك ... فهذا يعكس شخصية القوية، فالشباب اصبحوا يستغلون يأس و المشاكل العائلية للبنات فصبرك يدل على قوتك.
اما فيما يخص كلامك عن صديقتك فجوابها في سورة الكهف و قصة سيدنا موسى مع سيدنا الخضر،*
و يجب عليك ان تكوني مؤمنة بقضاء الله و قدره و هناك شروط من اجل استجابة الدعاء الكثير من الناس لا يعلمها فيقول ادعى و لا يستجاب، و الله لا يرد دعاء عباده
قال رسول الله صلى الله عليه و سلم ((مَا مِنْ مُسْلِمٍ يَدْعُو بِدَعْوَةٍ لَيْسَ فِيهَا إِثْمٌ وَلَا قَطِيعَةُ رَحِمٍ، إِلَّا أَعْطَاهُ اللَّه بِهَا إِحْدَى ثَلَاثٍ إِمَّا أَنْ تُعَجَّلَ لَهُ دَعْوَتُهُ، وَإِمَّا أَنْ يَدَّخِرَهَا لَهُ فِي الْآخِرَةِ، وَإِمَّا أَنْ يَصْرِفَ عَنْهُ مِنَ السُّوءِ مِثْلَهَا))، قَالُوا: إِذًا نُكْثِرُ؟، قَالَ: ((اللَّه أَكْثَرُ)).
قومي بالتسجيل في مجالس حفظ القرآن الكريم بالمسجد ستجدين صديقات جديدات مؤمنات و هذا التطبيق خاص بالدعاء و شرحه جد مميز انصحك بتحميله.
https://play.google.com/store/apps/d...islamic.alduaa

[اسماعيل 03]

ربي يهدي أهلك ويرزقك الصبر معاهم
وأنت خلي الآخرة هي همك الأكبر أما الدنيا هاذي ماتسوى والو، نهار توقفي عند ربي باه يحاسبك مايسقسيك لا على خدمتك لا على قرايتك درتيهم ولا والو يسقسيك على العبادة والحجاب والصلاة درتيهم كيما قالك ولا والو (بغض النظر على أهمية الدراسة والعمل بالنسبة للمرأة طبعا)، إذا عرفتي علاه ربي خلقك أصلا و وش كلفك في الدنيا هاذي ترتاحي بزااااف من الخرطي والهموم هاذي تاع الدنيا لأنو وش راه يستنا فينا بعد الموت أمر عظيم وين تبان معاه هموم الدنيا.
الزواج والمال هاذو قاع مكاتيب اذا ربي قدرهم يجو يجو واذا حرمك منهم فهو ابتلاء تزيد بيه الحسنات وترفع الدرجات
كاين حديث للرسول صلى الله عليه وسلم نقولوه بالاك فيه تذكرة ليك ولينا كاملين
رواه ابن ماجه (4105) من حديث زَيْد بْن ثَابِتٍ قَالَ: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ، يَقُولُ: مَنْ كَانَتِ الدُّنْيَا هَمَّهُ، فَرَّقَ اللَّهُ عَلَيْهِ أَمْرَهُ، وَجَعَلَ فَقْرَهُ بَيْنَ عَيْنَيْهِ، وَلَمْ يَأْتِهِ مِنَ الدُّنْيَا إِلَّا مَا كُتِبَ لَهُ، وَمَنْ كَانَتِ الْآخِرَةُ نِيَّتَهُ، جَمَعَ اللَّهُ لَهُ أَمْرَهُ، وَجَعَلَ غِنَاهُ فِي قَلْبِهِ، وَأَتَتْهُ الدُّنْيَا وَهِيَ رَاغِمَةٌ .
وصححه الألباني في "سلسلة الأحاديث الصحيحة" (2 / 634).
ربي يعجلك بالزواج وكامل ابناء و بنات المسلمين

[ksaido]

كما نصحوك الاخوات يجب عليك ان تظوري طبيب نفساني واعلمي ان الكثير يحسدوك على حالك المهم طبيبك يحل لك عقدك وتحل لك كل العقد اما في مايخص الخطاب فمن حق الخاطب ان يتعرف عليك من قرب ان كان جاد واكثري من الاستغفار والدعاء

[moha23la]

الله يصلح حالك