لا يمكنني الانجاب 2

[مشكلتي]

السلام عليكم ورحمة الله تعالى وبركاته

انا صاحبة مشكلة https://www.djelfa.info/vb/showthread.php?t=1850825

للاسف وبعد قراءة ردودكم المشجعة للصدق ثم الصدق

انقلبت حياتي ( كلامكم رائع لكن مجتمعنا لا يرحم )

اولا خاطبي الذي تقدم الي الذي ظننته سيكون زوج مستقبلي رفضني فورا

قلت لوالدي ان يخبره بعد الروية الشرعية

بعد يوم واحد يا ناس جاء اخوه قال لوالدي افسخ الخطوبة

والله بيني بين نفسي كنت واثقة ان اي رجل يتقدم لي سيرفض

ليس هذا فقط

انتشر الخبر الى مكان عملي

زميلاتي في العمل اللواتي يكرهنني منذ البداية عندما سمعن الخبر بدا التحطيم النفسي

(و للاسف عملي يجبرني على البقاء معهن يعني امر محتم )

احداهن قالت ماذا ساسمي ابني الجديد ( هي حامل ) ويتناقشون وهي تقصد اهانتي بطريقة غير مباشرة

حتى نائبة المديرة كل ماتراني تحاول ذكر موضوع الانجاب عمدا ( ليس مرة بل مرات )

اذ انها في احدى المرات اقالت لانجاب والاطفال نعمة محروم منها الكثيرون

في ذاك اليوم بكيت لان كلامهن اثر في كثيرا ولحد الان لدي يومين لم اذهب للعمل

لا ادري ماذا حل بي كان شخصيتي قوية وفجاة ضعفت

كل يوم ابكي يعني التحطيم في العمل

لا زواج لا اي شيء

فعلا تحطمت نفسيا

شكرا لكل من تفاعل معي بالموضوع الاول

ربي يحفظكم ويرزقكم الذرية الصالحة

جزاكم الله خيرا

[ibtihal18]

يا اختي اولا ربي يفرج همك و كربتك و يفرحك ان شاء الله انه يهب لمن يشاء الذكور و يهب لمن يشاء اناثا و يجعل من يشاء عقيما ..................هذو صحاباتك انا نقولهم مقولة قالوها ناس بكري***ما تستعظم ما يخرج فيك اعظم *** يعني ما يضحكو عليك ما يخرج فيهم كثر منك ....................هذو اللي راهم بالحمل قادر ربي يرزقهم اولاد و كي يخلقو يحرهمهم منهم و هذا شعور اصعب من انك ما تقدريش تحملي .............ربي يهديهم على كل حال
هوني على نفسك اختي ربي كريم رحيم

[oum imane83]

والله يا ختي حتى طبيب يقدر يقولك انه مستحيل يجبك ولاد بعد الزواج لان هاد الامر بيد ربي سبحانه .... صدقيتي كاين الي مرو بنفس حالتك ودوكا راهم بازواجهم وولادهم.. ما تياسيش وماتخليش الغير يحطموك هدا ابتلاء من ربي سبحانه ..انت داوي روحك وماتفقديش الامل في رحمة ربي وربي يشافيك ان شاء الله .. وهدا الخطيب الي اتخلى عليك من اول مشكلة مايستهالش تبكي عليه.. وربي يعوضك خير منه..

صح الاولاد نعمة كبيرة ومايعرف قيمتهم الا المحروم منهم .... ربي يفرج عليك ويرزق كل منتضرة .. .

وارضاء الناس غاية لا تدرك ... على بالي بلي كلامهم ومعانيهم توجع بصح ماتشغليش نفسك بهم ... خدمي خدمتك واضحكي للدنيا تضحكلك ... والشدة في ربي سبحانه..

[ivaoran]

السلام عليكم
على ما اعتقد انك كبرت الموضوع
واعطيته اكثر من حجمه
و الاهم انك لم تقولي لنا ما هو المانع الطبي للانجاب
يعني واش قالك الطبيب
ماعندكش مبيضين ماعندكش رحم
ماعدا هاذين المشكلين و الله اعلم
كل شيء محلول
الان الطب متطور كثيرا
و هناك طرق كثيرة للتلقيح
حتى انه هناك تقنية للذين لايملكون لا بيضات ولا نطاف
انهم ياخذون من خلاياهم الرمز الجيني و يطوروه و يلقحوه ليصبح جنين
قةلي لنا ما هو المشكل و باذن الله نساعدك

و زد على ذلك كيف انتشر الخبر في مكان عملك؟؟
هذه امور شخثية و سرية
شا اداك تخبري؟؟
مكانش اللي يقول عليك مسكينة
انت لست بحاجة لنظرات الشفقة
و شاغادي تربخي كي يقولو مسكينة ماتولدش
هاراكي طحتي في بنات ال... اللي راهم يزعقو عليك

[kika85]

حبيبتي الغالية بالاكي ثم بالاكي تقطعي الامل من ربي....علاش الي راهي حامل ربي ماراهش قادر يحرمها منو??? وزيد الي راهم متزوجين وماعندهم حتى مشكل وماعندهمش اولاد كاش واحد قاللهم من قبل بلي ماراهش حيجيوكم الاولاد??? كوني قوي وخلي ثقتك بربي اقوى وديري في بالك بلي درك راه كاين كلشي يعني راه كاين التاويل باش داوي مشي كيما بكري...انا نلوم على هاد الراجل الي جا خطب وكي صارحتيه ولى يمشي ويحل في فمو ويحكي على بنات الناس قولو انا صارحتك ومشيت معاك بنيتي وانت رحت نشرت الخبر بصح كاين ربي قادر يرزقني انا بالزوج والدراري وانت الي يحرمك منهم مالقري تدي واحدة لاباس بيها نورمالو ما وافقش هو حر بصح يسكر فمو....حبيبتي بالاكي تزيدي تبكي على راجل كيما هادا ربي يعوضك بلي خير منو من غير الوالدين حتى واحد ما يسىاهل تهبطي دمعة عليه....حبيبتي سمعت بلي كاين كلينيك في العاصمة يداويو هادو الصوالح وقيل جاية في الابيار زيدي سقسي عليها وانشا الله كي اليوم نلقى موضوع تبشرينا فيه بلي تزوجتي وربي رزقك ببيبي شباب كيما انتي....خلي ربي والنبي في قلبك وروحي اخدمي وبرهنيلهم بلي هدرتو كدب مشي تزيدي تاكديها بغيابك على خدمتك والي تجبد موضوع على الدراري معليش اهدري وناقشي وعادي ما تخدميش راسك بيهم تشوفي كيفاش هوما الي يكرهو مشي انتي...طمنينا عليك وادا استحقيتي عنوان هاد الكلينيك قوليلي والله نسقسيلك ونعطيهولك....بالتوفيق يا الزينة

[houssem zizou]

المشاركة الأصلية كتبت بواسطة مشكلتي

السلام عليكم ورحمة الله تعالى وبركاته

انا صاحبة مشكلة https://www.djelfa.info/vb/showthread.php?t=1850825

للاسف وبعد قراءة ردودكم المشجعة للصدق ثم الصدق

انقلبت حياتي ( كلامكم رائع لكن مجتمعنا لا يرحم )

اولا خاطبي الذي تقدم الي الذي ظننته سيكون زوج مستقبلي رفضني فورا

قلت لوالدي ان يخبره بعد الروية الشرعية

بعد يوم واحد يا ناس جاء اخوه قال لوالدي افسخ الخطوبة

والله بيني بين نفسي كنت واثقة ان اي رجل يتقدم لي سيرفض

لا يا أختي هذا خطأ جسيم لا تعممي لانه ليس كل الرجالمن يحب المرأة التي تنجب
بل هناك من الرجال من يحب المراة التي لا تنجب لأنه لا يريد الاولاد
و اعلمي أن هذا لا يمنع من المتعة بين الزوجين

ليس هذا فقط

انتشر الخبر الى مكان عملي

زميلاتي في العمل اللواتي يكرهنني منذ البداية عندما سمعن الخبر بدا التحطيم النفسي

(و للاسف عملي يجبرني على البقاء معهن يعني امر محتم )

احداهن قالت ماذا ساسمي ابني الجديد ( هي حامل ) ويتناقشون وهي تقصد اهانتي بطريقة غير مباشرة

حتى نائبة المديرة كل ماتراني تحاول ذكر موضوع الانجاب عمدا ( ليس مرة بل مرات )

اذ انها في احدى المرات اقالت لانجاب والاطفال نعمة محروم منها الكثيرون

صدق رسول الله صلى الله عليه و سلم إذ قال فيهم: (يا معشر النساء تصدقن فإني رأيتكن أكثر اهل النار) قالت مرأة و لم يا رسول الله ؟
قال: لأنكن تكثرن اللعن و تكفرن العشير -أي الزوج-) أو كما قال صلى الله عليه و سلم
قال أهل العلم و يدخل في اللعن الكلام السيء و الله المستعان

في ذاك اليوم بكيت لان كلامهن اثر في كثيرا ولحد الان لدي يومين لم اذهب للعمل

لا ادري ماذا حل بي كان شخصيتي قوية وفجاة ضعفت

كل يوم ابكي يعني التحطيم في العمل

لا زواج لا اي شيء

فعلا تحطمت نفسيا

الزواج رزق من الله فكم من عقيمة تزوجت و كم من صحيحة لم تتزوج
فقط أصبري على أذاهم و احتسبي الأجر
و الصبر حبس النفس على ما تكره
لا تحزني و لا يهمك ما يقولون
و ادعي الله أن يفرج عنك و يرزقك رزقا طيبا
و عليك أيضا بالتوبة يقول علي ابن أبي طالب رضي الله عنه: (ما نزل بلاء إلا بذنب و لا رفع إلا بتوبة)
و قال أيضا: (لا يرجون عبد إلا ربه و لا يخافن إلا ذنبه) فالناس لا يضرون و لا ينفعون: (و لو اجتمعوا على أن يضروك بشيء لم يضروك إلا بشيء قد كتبه الله عليك)

شكرا لكل من تفاعل معي بالموضوع الاول

ربي يحفظكم ويرزقكم الذرية الصالحة

جزاكم الله خيرا

أسأل الله أن يفرج عنكم
و يرزقكم زوجا صالحا

[الصديق قروف]

متكبريش المشكل تاعك
ضرك كاين بزاف الي مرزقهمش ربي بذرية وشنهو انتي فقتي بحالتك قبل ازواج
اقتنعي ان ارزق من عند ربي

[magica]

توكلي على الله ولا تضعفي فهذا ابتلاء من الله ..والله إذا أحب عبدا ابتلاه
بخصوص زميلات العمل أكثري من قول حسبي الله ونعم الوكيل وسترين فيهم لعجب العجاب
اكثري من الاستغفار لاتملي ولا تيأسي.. لا مستحيل مع الله إذ يقل للشيء كن فيكون....
اللهم اجعل لها من كل هم فرجا ومن كل ضيق مخرجا ومن كل بلاء عافية وارزقها من حيث لاتحتسب

[ROMMEL]

ما تقلقيش روحك خلاص ارضي بنا كتبه الله لك تكوني اسعد الناس و اخطاكي من كلام البشر وزميلاتك مجرد ظواهر صوتية و ديما تفكري الآية وعسى ان تكرهوا شيئا و هو خير لكم تحسبي الاطفال نعمة صح ؟؟مايش دائما راهم نقمة الا ما رحم ربي و تأكدي ان هناك رجال يقبلون بك رغم كل شئ لان هناك من يحب الروح لا الجسد و انا منهم و انا أعي ما اقول...و مازال الرجال لي يحبو الخير للنساء مثل حالتك يقولك نتزوجها و نفرحها لعل الله يفرحني يوم القيامة الدنيا فانية و كلش يفوت و مشكلتك عندها حلول مايش حل واحد

[first first]

يااخني............ديري في بالك لاتوجد عمل غير ماجور او لن نحاسب عليه مع الله.
صدقك مع الخاطب اجره عضيم عند الله........................وربي يعوضك خير...............ثقي بدلك


بعض العباد يحبو الاخبار.........................حاولي عدم الحديث عن اسرارك الشخصية لاحد غير المقربين جدا جدا ممن يستطيعون كتم الامور.ليس لان مشكلتك خطيرة لهته الدرجة وتتطلب الستر.بل لان بعض العباد كما دكرتي ...................يلقاو انسان راضي بهمو وحاكم في ربي..................يقعدو موراه حتى ينسيوه في رحمة ربي ...............وفي قدرة ربي ...وعدل ربي سبحانو......................انت الان في لحظة ضعف...................واش نقولك....................حتى لو كنت حائط من فولاذ ..................لابد ان تنزل دموعك....................لكن بعد هته الدموع..................لاتتركي كلمات اناس لاترحم تنسيك ان لك رب رحيم.

عليك بالدعاء.....................احيانا لانجد سببا واحد يجعلنا ننتظر الفرج..................ومع هدا يبقى الامل.......ومع هذا نسال الله................... لان الله قادر على كل شيء .

الرزق ليس بايدي زميلاتك بالعمل....................رزق الله لن تمنعه نائية المديرة مثلا .................رزق الله بيد الله....فساليه من فضله.
والله يااختي ربي يفرج عليك ويعوضك بدل هته الدموع افراح في الدنيا والاخرة.

[~رآقية بأخلآقي~]

شدي في ربي اختي..والصدق ثم الصدق ثم الصدق.....

و مجتمعنا أكيد لا يرحم كيما قلتي..

كثري من الاستغفار وقولي الحمد لله

وارضي بما كتب الله لكِ

ومعلابالكش المستقبل واش فيه..

واللي معاك في الخدمة صفي قلبك من ناحيتهم وكل واحد ربي يعطيه على قدر نيتو

وربي يفرج عليك ويرزقك الزوج الصالح يارب

[ام افنان48]

يا أختي انتي ربي سيعوضك وربي كتابنا كلشي ربي عرف علاه بلاك فيها خير ليك يا أختي شعال من ناس جابو ولاد وتعبو ورماوهم في العجزة. يقلولك كون غير ماانجبناش الدنيا اهم وربي كي يحرمك من حاجة يعوضك من جهة وصحابتك يا أختي. قتل يهم بالبارد عندي صحبتي ماتولدش هنا في فرنسا الطبيب قالها ماكنش أمل قالها الارض البور ماتنجبش انتي كيفها بكات وبكات ولاو صاحبتها ديما يهدر ولها على الوالد بلع أني قتلها قوليهم ماعندي ماندير بال اولاد باغية نعيش حياتي. نلبس نخرج باش يسكتو حبسو الهدرة عليها لازم ماتبغيش ضعفك نورمال

[ام افنان48]

كي يهدرو على الإنجاب قدامك شاركيهم بالهدرة وضحكي غادي يهبلو انا هادي طريقتي

[مناد بوفلجة]

السلام عليكم

الخطأ هو تصريحك للمفترض أن يكون خطيبك
تصريحك له بعدم الإنجاب بعد الرؤية الشرعية

من المفروض أن تطرحي عليه السؤال من باب الحوار أو يطرحه عليه أخيك قبل الرؤية
لتعرفي و تستنتجي ردة فعله المحتملة ، ليكون قرارك قبول الخطبة من عدمها واضح
لأنه صراحة مجتمعنا ليس راقي لدرجة التفهم أو الحق في الحياة

و ممكن أن يكون عدم الإنجاب ليس بأمر قطعي ، زوري عدة أطباء

و حاولي حينما يقوم الناس بإفتزازك ، حاولي أن تتحدثي في أعماق قلبك بأنها مشيئة الله ، لا العبد ،

بل أحيانا نحتاج لقتل قلوبنا حتى لا نجعل إستفزازات الآخرين جزء من تفكيرنا أو همومنا

و ربي يفتح عليكي من أبوابه الواسعة

فقط ، لا تيأسي ,,

[الفاتحة]

اختي العزيزة لا عليك اصبري ولا تهتمي لكلامهم ارجعي لعملك وكلما تقصدوا ايدائك كرري مرارا وتكرارا حسبي الله ونعم الوكيل .... يعني هل يضنون انهم ينجبون بقدرتهم لا والله انها قدرة الله يرزق من يشاء ليس لهم في دلك اي فضل بل هو فضل الله وحده صدقيني هم من ي3يرون الشفقة ولست انت توكلي على الله وهو سبحانه سيرزقك ويرضيك