اريد استفسار ارجو الدخول و الرد فيما يخص البقلاوة

lمنال · 2014-08-03, 18:24

مساء الخير اخواتي راني حابة اتجوبوني ارجوكم ,
عندي مشكلة مع البقلاوة كيف انطيبها وبعد ما انقطعها تنفصلي طبقة الحشو من الطبقات اللي فوق الحشو علما اني ندهن بمرقارين صول يعني البقلاوة ما تكونش حاكمة روحها تتقسم على اثنين , ارجو ان تقولولي وعلاش وشكرا ,

راجية غفران ربها · 2014-08-03, 18:36

على حسب علمي الطبقة الاخيرة و الطيقة الاولى ما تدهنيهمش بالمرغرين يعني لي بين الحشو
و نتمنى الاخوات يفيدوك

أنواار الإيماان · 2014-08-03, 18:47

اختي ادهني الطبقات عادي كي توصلي للطبقة نتاع الحشو ماتدهنيش حطي الحشو تكوني درتي فيه رشة قرفة وماء الزهر وعطر ماء الزهر وشوية عطر اللوز
ومشي عليه بالشوية بالحلال يعني تسوي برك ثم ماتدهنيش حطي الطبقة نتاع لعحينة وادهني وواصلي حتى تكملي حطيها في الثلاحة مغطيا جيدا لساعة ومن بعد قطعي وديري لوزة في الوسط واغرسيها جيدا راح تشد الطبقتين وفرغي فنحان سمن ذايب

كي تطيب ديري لعسل بدون ما تخفيه يعني خليه ثقيل وغطيها وخليها ماتقطعيهاش حتى تفوت 24 ساعة اذا قصيتيها في نهارها تعبك يروح

ان شاء الله نكون ساعدتك اي سؤال انا في الخدمة والاخوات راهم اكثر خبرة مني ان شاء الله يدخلو ويساعدوك

وكاين بقلاوة ام انس رااااااااااااائعة جدا

lمنال · 2014-08-03, 19:37

شكرا على الرد اختي الله يعطيك ما تتمناي أنواار الإيماان

lمنال · 2014-08-03, 19:40

شكرااااااااا ربي يحفظك و يخليك manel1977

فقه معاملات مالية · 2014-08-03, 20:08

صراحة أنا لم أجربها بعد

lمنال · 2014-08-03, 20:28

شكرا على المرور

لينا11 · 2014-08-03, 21:03

جربي زيدي مع الحشو مغرف ولا زوج عسل

ام سهام 02 · 2014-08-03, 22:35

الكوكاو او اللوز تع الحشو مايكون مطحون خشن

lمنال · 2014-08-04, 08:40

اقتباس:

المشاركة الأصلية كتبت بواسطة لينا11

جربي زيدي مع الحشو مغرف ولا زوج عسل

شكرا اختي الله يسترك

lمنال · 2014-08-04, 08:43

اقتباس:

المشاركة الأصلية كتبت بواسطة ام سهام 02

الكوكاو او اللوز تع الحشو مايكون مطحون خشن

صح اختي الله شكرا على التعليق ربي يسترك و يهنيكي

امازيغية وفتخر · 2014-08-04, 08:47

يمكن لانك حمصتي المكسرات اللي باحشوة
اضافة لما قالته الاخوات الطبقة الاخيرة السفلى والاولى الفوقانية لا تدهن بالسمن تترك كما هي لما تتندى من عصارة الحشوة تلتصق بها وموفقة ان شاء الله

القلم الجارف · 2014-08-04, 09:16

السلام عليكم
أختي أنا مرة صرا معي نفس المشكل و لقيت السبب في أني بربشت الخليط برك و ما كثرتش المازهر، زيد على هذا لازم الحشو يكون مرحي مليح و أنا الحشو نتاع البقلاوة نتاعي نرحيه بزاف رقيق، من جهة يشد روحو و من جهة أخرى تحسي روحك تاكلي في اللوز، بلا ماتنساي تزيدي شوية سمن في الحشوة يعني في الكيلو ديري 3 إلى 4 مغارف كبار سمن يعطي طراوة للحشوة ديالك و ربي يجيبها في الصواب و يوفقك عزيزتي.

2006akram · 2016-08-03, 23:44

يا اختي هاذا اسهل حل بالعالم راح ابعتلك كيف و موفقة انا اختك في الله نهال سهلة البقلاوة عمليلها صفار البيض قبل ان تدخلينها الى الفرن و اكثري لكي لا تجدث مشكلتك و بعد ذلك عليك بتقطيعيها بحذر شذيذ و انت حرة

samara lara · 2016-08-04, 00:15

متدهنيش الطبقات اللي يجي عليهم الحشــــــو موفقة