قصة اضحكتني ***..........................منقوووووول
البارح كانت كاين جنازة تاع واحد جارنا وكي كملو الجنازة نساو باش ارجعو المحمل للجامع... فالليل كي تفكروه رجعو حطوه قدام الجامع ...
واحد الشيخ كبير ناض بكري يصلي الفجر فالجامع بصح الساعة كانت عنده غالطة مسكين كانت الربعة تاع الصباح مالقاش باب المسجد مفتوح ودارو بعيدة...
كي ما صاب عليها وين وماكانش لابس مليح مع البرد دخل في وسط المحمل تاع الموتى ورقد...
مانيش عارف كيفاش عطاه قلبه يرقد فيه...
المهم كي جات وقت الفجر المقيم تاع الجامع عمي مصطفى الله اطول في عمرو فتح الباب وكي لقا المحمل جره للمسجد لداخل و عمي مصطفى نية وما يسمعش مليح ...
حطه فالمقصوة ونسى الباب مفتوح كي دخل الامام باش يصلي بينا الصبح ...
عمي مصطفى أقام الصلاة كي وقفت كنت فالصف الاول قدام المقصورة وكان في جنبي اليمين شيخ كبير وعلى اليسار جان صغير في عمرو قول 19 /20 سنة ... الامام كبر وهاذاك الجان اللي قدامي بدا يضربني بالمرفق نتاعو ويقولي خويا المحمل تاع الميت راه يتحرك... حكمني الضحك... بصح حكمت روحي شوية وكي قلقني قتلو ياخويا رانا رايحين نصليو ... أنا كبرت تكبيرة الاحرام......مع الامام غير
الامام كمّل الفاتحة يا خوتي حنا قلنا آمين. والقفل تاع المحمل ينفتح.... والشيخ اللي كان راقد فيه يتقعد منو ويقولنا يااااو بديتو تصليو....
الفايدة الشيخ اللي كان قدامي طاح ديراكت بالخلعة ... والطفل هاذاك ايعيط ويقولي الميت ناض ناض..ناض.. وناس خارجة لطريق بلا صباط وانا نجري معاهم والطفل ايعيط ويقول يا يما يا يما واش داني نصلي الصبح فالجامع المرةالتالية يااا يماااااا... و انا نجري حتى وصلت لدارنا كسرت الباب كي فتحولي. رحت ديراكت لبلاصتي و المراة تقولي واش بيك ياراجل و هي تترعد وتغطيت تحت الغطا وانا نضحك ونرجف ... من الخلعة حكماتني يا جدك ... والمراة تقول ياراجل واشبيك و انا نقولها واش من راجل اسكتي اعليا..............:d:d:d:d:d:d:d:d
( تقرير عن مشاركة سيئة )، و الموجودة أسفل كل مشاركة .
2016-12-31, 19:56
الميت ناض
العرض العادي
