كلينيك حيدرة ؟؟ و العمى بسبب السكري ؟؟؟

صرخة ألم · 2016-01-30, 18:33

السلام عليكم و رحمة الله و بركاته طلب انساني لو سمحتم شكون تعرف شخص اصيب بالعمى بسبب مرض السكري و شفي مرة اخرى الامر مستعجل المريض دار عمليتين لكن للاسف دون نتيجة و نصحونا بكلينيك في حيدرة شكون عنده فكرة على الموضوع من فضلكم ؟؟؟؟

~~lahcen0102~~ · 2016-01-30, 18:47

اللهم شافي جميع المسلمين

القائدة · 2016-01-30, 19:03

شوفي اختي صدقينى اي كلينيك هنا ماراح تقدر تدير والو . اعرف وحدة دارت عملية في كلينيك عين طاية و عينها زادت راحت اكثر فاكثر و هي للأسف كانت خلاص وصلت للعمى بسبب السكر و لكن اللي راحو لتونس ماشاء الله رجعوا لاباس؛ عندهم ماتريال خير و التكنولوجيا الطبية و التقنية هاربة علينا حتى الكفاءات أحسن . انصحك بتونس أو اسبانيا معروفين بهاذ العمليات تع سكر العينين .
اما كلينيك حيدرة راهي حذايا و يديرو أيضا هاذ العمليات بصح راكي تشقاي برك و النتيجة والو ! روحي خير لتونس شقوة فريدة و تتهناي

دادايلي · 2016-01-30, 19:09

اختي قائدة ارجوكي هل اعطيكي رقم الملف تتاكدي منه بالضرائب ارجوكي اختي

صرخة ألم · 2016-01-30, 19:10

اقتباس:

المشاركة الأصلية كتبت بواسطة القائدة

شوفي اختي صدقينى اي كلينيك هنا ماراح تقدر تدير والو . اعرف وحدة دارت عملية في كلينيك عين طاية و عينها زادت راحت اكثر فاكثر و هي للأسف كانت خلاص وصلت للعمى بسبب السكر و لكن اللي راحو لتونس ماشاء الله رجعوا لاباس؛ عندهم ماتريال خير و التكنولوجيا الطبية و التقنية هاربة علينا حتى الكفاءات أحسن . انصحك بتونس أو اسبانيا معروفين بهاذ العمليات تع سكر العينين .
اما كلينيك حيدرة راهي حذايا و يديرو أيضا هاذ العمليات بصح راكي تشقاي برك و النتيجة والو ! روحي خير لتونس شقوة فريدة و تتهناي

تعيشي ختي و نسقسيك ماعليش بما أنو الكلينيك بحذاك واش رايك قالولي كاين طبيب عرباوي مشهور بعمليات اللازيك هل عندك فكرة من فضلك ؟؟؟؟؟؟؟؟؟؟؟؟؟؟؟

نور لاتراه · 2016-01-30, 19:18

السلام عليكم
كما ذكرت أختي القائدة
عليكم بالذهاب إلى تونس
والله هو الشافي

hajibah · 2016-01-31, 08:43

تونس اافضل والله هو الشافي

القائدة · 2016-01-31, 19:02

اقتباس:

المشاركة الأصلية كتبت بواسطة صرخة ألم

تعيشي ختي و نسقسيك ماعليش بما أنو الكلينيك بحذاك واش رايك قالولي كاين طبيب عرباوي مشهور بعمليات اللازيك هل عندك فكرة من فضلك ؟؟؟؟؟؟؟؟؟؟؟؟؟؟؟

واش اسمو ؟ عرباوي ... منعرفوش
هل هو يخدم في هاذ الكلينيك ؟
هاذ اليومين نسقسيلك عليه و نقلك و نجيبلك التلفون تاعهم

القائدة · 2016-01-31, 19:14

اقتباس:

المشاركة الأصلية كتبت بواسطة دادايلي

اختي قائدة ارجوكي هل اعطيكي رقم الملف تتاكدي منه بالضرائب ارجوكي اختي

يا دادايلي راك تعبتنا خويا تعبتنا ياك قولتلك ربك مابغاش يعني حنا نعرفو خيرمن ربي ولا كيفاه !!!! .
المشرفة قالت لك ابعث لنا بياناتك و هويتك و كل ما يلزم و حينها ستجد مساعدة و لكنك لم تفعل !!!! معاها حق فالمؤمن ليس بالخب ولا الخب يخدعه.

دادايلي · 2016-01-31, 19:30

خلاص اختي هذاك الرد راه قديم انا اسف

الحمد لله انا قتلك انو من هدرتك عرفت انو الدنيا مزالها بخير

دادايلي · 2016-01-31, 19:31

اختي راه كل واحد عندو نهار في هاد الدنيا

لخاطر انتي مش مصدقتني وانا قتلك نعطيك رقم الملف وتاكدي ولكن الحمد لله علي كل شي

وربي يفرج علينا

abdouillizi · 2016-01-31, 21:26

اقتباس:

المشاركة الأصلية كتبت بواسطة القائدة

شوفي اختي صدقينى اي كلينيك هنا ماراح تقدر تدير والو . اعرف وحدة دارت عملية في كلينيك عين طاية و عينها زادت راحت اكثر فاكثر و هي للأسف كانت خلاص وصلت للعمى بسبب السكر و لكن اللي راحو لتونس ماشاء الله رجعوا لاباس؛ عندهم ماتريال خير و التكنولوجيا الطبية و التقنية هاربة علينا حتى الكفاءات أحسن . انصحك بتونس أو اسبانيا معروفين بهاذ العمليات تع سكر العينين .
اما كلينيك حيدرة راهي حذايا و يديرو أيضا هاذ العمليات بصح راكي تشقاي برك و النتيجة والو ! روحي خير لتونس شقوة فريدة و تتهناي

يا أختي لا تقف ما ليس لك به علم عيادة عين طاية للدكتور صياد رائدة في علاج الشبكية و السكري و الدكتور صياد كفاءة عالمية و ادا شاف بالي العملية ما تنجحش ما يديلكش ابدا
هو انسان شبعان و لا يحتاج مال و انما يحب مساعدة الغير
ادا حبيتي تديري العملية عندك الدكتور صياد او مستشفى وهران الاخصائي او عيادة الدكتور بنية في عين مليلة هم افضل من تونس و على رقبتي
ادا حبيتي نصيحة ابعثيلي الملف و سأوجهكي

billel84 · 2016-01-31, 23:46

االسلام عليكم اولا ربي يششفي مريضكم وانا انصح بالذهاب الى تونس وعندهم ببروفسور تونسي يهودي الديانة وااليهود معروفين في طب العينين اسمو برفسور كمون زيدو شوففو

القائدة · 2016-02-03, 14:44

اقتباس:

المشاركة الأصلية كتبت بواسطة abdouillizi

يا أختي لا تقف ما ليس لك به علم عيادة عين طاية للدكتور صياد رائدة في علاج الشبكية و السكري و الدكتور صياد كفاءة عالمية و ادا شاف بالي العملية ما تنجحش ما يديلكش ابدا
هو انسان شبعان و لا يحتاج مال و انما يحب مساعدة الغير
ادا حبيتي تديري العملية عندك الدكتور صياد او مستشفى وهران الاخصائي او عيادة الدكتور بنية في عين مليلة هم افضل من تونس و على رقبتي
ادا حبيتي نصيحة ابعثيلي الملف و سأوجهكي

والله نفس الكلام ارده اليك و هو لا تقف ما ليس لك به علم . و ما ادراكي انت انني لا اعرف صياد !؟ و بالنسبة لحكاية انه لا يعمل عملية لا تنجح فهذا هراء لانه عمل عمليات خاسرة مسبقا هو فعلا يقول للناس بأن نسبة النجاح ضئيييلة و أنه سينفذ ما يمكن إنقاذه فقط هاذي هدرتو صياد عايش في فرنسا نص هنا نص لهيه يجي برك يدير عمليات و يلم الدراهم و يرجع لفافا . اما العيادة فهي كارثية بشهادة أحد اطبائها المخلصين الذي كره و تعب من بلعطة العجايز الذين يقطعون مسافات من أجل ليزر بربعمية ألف بلا فائدة و قال موووه بقرة يا جماعة مانقدرو نديرو والو كثر روحوا لتونس عندهم ماتريال و أحدث تكنولوجيا و انا احترمه جدا لصراحته و ضميره الحي .
اما قولك أنهم افضل من الطب اللي في تونس و على رقبتك فأقول راجعين نفسك اختي راجعي و انا ماذا بيا تزوديني بمعلومات عن التكنولوجيا الطبية و الحيوية التي تزخر بها عيادة عين مليلة !!!!!!! راني نسنى نحب نتعرف على تكنولوجيا جراحة العيون فيعين مليلة.
اريد ان اقف على مدى معقولية كلامك ام هو مجرد شطحة دعائية و اشهارية من طرفك ! واضحة من قولك (ابعثيلي الملف ) انه لك علاقة !!!

القائدة · 2016-02-03, 19:06

اقتباس:

المشاركة الأصلية كتبت بواسطة صرخة ألم

تعيشي ختي و نسقسيك ماعليش بما أنو الكلينيك بحذاك واش رايك قالولي كاين طبيب عرباوي مشهور بعمليات اللازيك هل عندك فكرة من فضلك ؟؟؟؟؟؟؟؟؟؟؟؟؟؟؟

من شوي كنت في الكلينيك و سالت عن الطبيب عرباوي قالوا انه لا يعمل عندهم. و أنه احتمال يكون في كلينيك الشفاء و هي في جهة أعالي حيدرة و ليست التي أتكلم أنا عنها. كلينيك الشفاء مش فقط للعيون هي لكل شيء . اما التي أتكلم عنها هي فقط متخصصة في أمراض العيون .