لم اعد احتمل .... انصحوني ارجوكم

[امير الثلج]

ابلغ من العمر 34 سنة .... متخرج من الجامعة " شهادة الدراسات الجامعية التطبيقية في الاعلام الالي للتسيير " DEUA ... مشكلتي هي اني خدام عند البريفي و في منصب بعيد عن طبيعة تخصصي "machiniste" عمل مرهق وكذالك واحد سنة 4 ابتدائي ممكن يخدم في بلاصتي عادي وزيد نخدم في مصنع تقريبا كل عماله لا مستوى لهم و زيد المدير يهينني و يهين الكل ... اما الراتب دث ولا حرج

والله كرهت لاني حسيت بالظلم و الحقرة في بلادي وتبلعوا بيباني .... وين نروح نلقاها مغلوقة في وجهي

34 سنة لا زواج لا عمل مظمون ومستقبل مجهول

رجعت كي نتلاقى بصحابي اللي كنت نقرا معاهم نحشم منهم و نحشم نقوللهم واش نخدم لاني منحبش نذل روحي قدامهم او نظهر لهم النقص في حياتي

عارف انو عندي امكانيات وقلبي حي للعمل و النشاط .... لكن اغتيل طموحي في هذا المحيط

لا حول ولا قوة الا بالله


بماذا تنصحوني اخواني لاني اتعذب داخليا

[toulay]

ربي يفرج عليك ان شاء الله وينوب عليك بخدمة امين يارب العالمين
دير تجارة وتاني كون تسمع كاش concours ولا شارك فيه متدريش ممكن تنجح وتدي le poste تاعك ان شاء الله
بالتوفيق

[أم سلوى]

يمكن ان تبحث علي عمل...ردد 1200مرة...أستغفر الله العلي العظيم....أحسبها في يدك ثم قم بالدعاء..هو مستجاب عن تجربة...الدنيا واسعة....وستجد ان شاء لله مبتغاك...

[kameljijeli]

النصيحة التي أسديها لك هي : إياك أن تستسلم لليأس و القنوط , و حاول إذا لم تجد عملا في ولايتك يمكنك السفر إلى أماكن أخرى , خاصة الولايات الكبرى ( مثل الجزائر العاصمة أو وهران ) أو المناطق الصناعية بحاسي مسعود, عين أمناس, حاسي الرمل., , فهناك توجد شركات عديدة و فرص أحسن خاصة و أنت أعزب, يعني لديك حرية أكبر. لا أعرف مستواك في اللغات, و لكن اللغة الإنكليزية و الفرنسية ستكون من الشروط الأساسية لأنه يمكن أن تعمل مع أجانب..
تحلى بالصبر و العزم, فلا يوجد شيئ مستحيل, و سوف تجد عملاً بشهادتك و تتحسن أحوالك بإذن الله
صراحة لم يعجبني قولك: '' رجعت كي نتلاقى بصحابي اللي كنت نقرا معاهم نحشم منهم و نحشم نقوللهم واش نخدم لاني منحبش نذل روحي قدامهم او نظهر لهم النقص في حياتي'' . يا رجل أنت تعمل عملاً شريفاً, و تأخد مالاً حلالاً بارك الله لك فيه, فلماذا تحشم من أصدقائك, ثم إذا لم يسأل أحد عن مهنتك فلا تقل شيئاً..

[امير الثلج]

المشاركة الأصلية كتبت بواسطة toulay

ربي يفرج عليك ان شاء الله وينوب عليك بخدمة امين يارب العالمين
دير تجارة وتاني كون تسمع كاش concours ولا شارك فيه متدريش ممكن تنجح وتدي le poste تاعك ان شاء الله
بالتوفيق

معظم les concoure تاع ولايتي شاركت فيهم و اغلبيتهم يكون منصب او منصبين او 3 لا اكثر وانت تعرفي لشكون رايحين

جزاك الله كل خير

[امير الثلج]

المشاركة الأصلية كتبت بواسطة kamla33

يمكن ان تبحث علي عمل...ردد 1200مرة...أستغفر الله العلي العظيم....أحسبها في يدك ثم قم بالدعاء..هو مستجاب عن تجربة...الدنيا واسعة....وستجد ان شاء لله مبتغاك...

ان شاء الله ختي و الاستغفار شيء اساسي في حياتنا المليئة بالضيق ... جزاك الله كل خير لان الكلمة الطيبة كا الشجرة الطيبة ثنارها طيبة و ظلها ممدود

[امير الثلج]

المشاركة الأصلية كتبت بواسطة kameljijeli

النصيحة التي أسديها لك هي : إياك أن تستسلم لليأس و القنوط , و حاول إذا لم تجد عملا في ولايتك يمكنك السفر إلى أماكن أخرى , خاصة الولايات الكبرى ( مثل الجزائر العاصمة أو وهران ) أو المناطق الصناعية بحاسي مسعود, عين أمناس, حاسي الرمل., , فهناك توجد شركات عديدة و فرص أحسن خاصة و أنت أعزب, يعني لديك حرية أكبر. لا أعرف مستواك في اللغات, و لكن اللغة الإنكليزية و الفرنسية ستكون من الشروط الأساسية لأنه يمكن أن تعمل مع أجانب..
تحلى بالصبر و العزم, فلا يوجد شيئ مستحيل, و سوف تجد عملاً بشهادتك و تتحسن أحوالك بإذن الله
صراحة لم يعجبني قولك: '' رجعت كي نتلاقى بصحابي اللي كنت نقرا معاهم نحشم منهم و نحشم نقوللهم واش نخدم لاني منحبش نذل روحي قدامهم او نظهر لهم النقص في حياتي'' . يا رجل أنت تعمل عملاً شريفاً, و تأخد مالاً حلالاً بارك الله لك فيه, فلماذا تحشم من أصدقائك, ثم إذا لم يسأل أحد عن مهنتك فلا تقل شيئاً..

ان شاء الله ... لكن معضمهم يحب يسالني و انا صدقني نفسي عزيزة عليا ومانحبش نلبس لباس الدونية امامهم

اصبحت منعزلا عن مجتمعي

وبارك الله فيك على الحلول

[toulay]

المشاركة الأصلية كتبت بواسطة امير الثلج

ان شاء الله ... لكن معضمهم يحب يسالني و انا صدقني نفسي عزيزة عليا ومانحبش نلبس لباس الدونية امامهم

اصبحت منعزلا عن مجتمعي

وبارك الله فيك على الحلول

انعزلتي عن المجتمع على جال صحابك والخدمة
لا لا مشي هكذا وعلاش تحس بالذل وتلبس لباس الدونية ياك انت قريتي وعندك le Diplôme و en plus مشي صحابك لراهم يوكلوا فيك باش تحس بالذل انت راك خدام وتربح حياتك بالحلال
راني قريت في موضوعك بلي بعتي السيارة تاعك ايا احكم شويا دراهم وجرب تجارة وان شاء الله على ربي تربح فيها
على كل ربي يفتح عليك ان شاء الله
بالتوفيق

[rose de sable s]

زيد حاول تبحث عن عمل حتي خارج ولاية عبر النت او مكتب تشغيل

[عبد الرحمان 1111]

احمد ربي ...... كاين اللي راهو يعاني اكثر منك
.

[إكليل]

السلام عليك و رحمة الله تعالى و بركاته.

يا أخي أنت تعمل عمل مشرف فلما الخجل بل بالعكس لابد أن تكون فخورا بنفسك فكثيرون من حملة الشهادات الجامعية يفضلون البطالة و التسكع في الشوراع على عمل شريف يقتاتون منه .

و عليك بالصبر ثم الصبر لأننا للأسف نحن حملة هذه الشهادة من الصعب جدا العثور على عمل .

في الأخير ربي يوفقك.

[امير الثلج]

المشاركة الأصلية كتبت بواسطة toulay

انعزلتي عن المجتمع على جال صحابك والخدمة
لا لا مشي هكذا وعلاش تحس بالذل وتلبس لباس الدونية ياك انت قريتي وعندك le diplôme و en plus مشي صحابك لراهم يوكلوا فيك باش تحس بالذل انت راك خدام وتربح حياتك بالحلال
راني قريت في موضوعك بلي بعتي السيارة تاعك ايا احكم شويا دراهم وجرب تجارة وان شاء الله على ربي تربح فيها
على كل ربي يفتح عليك ان شاء الله
بالتوفيق

دراهم الزواج درتهم سيارة وهي تحويشة السنين الضايعة ... عندي مشكل نتاع خدمة والى متى نبقى تحت سيطرة الغير وانا عندي القدرات


المهم كلامكم على عيني وراسي وادعولي بالتوفيق

[karim@mirak]

يوجد العمل على النت خاصة مواقع الخدمات elance;freelance;odesk;fiverr;khamsat;مستقل

[amira maj]

مادام عندك الامكانيات وعندك شهادة اكيد راح يجي نهار ويفرج عليك ربي صبرا فقط

[faroukking2010]

ربي يفرج عليك ان شاء الله