عبارات بدوية نايلية

[" أبو عبود"]

من يعرف ماذا تعني هذه العبارات:

- يخزر فيا خزرة الكلب للبصلة
- داير روحو بطحة بقيزها
- طلبت ربي وقاثك
- ضربة في الكعبة طارت عينه
- على راس الصرا
- عطاه خبز الحمار من الكرفة
- خص العمية قا الكحل
- طارت وخلات الريش
- قبضت حبارة وهاو زقها في ايدي
- اللي ما يعرف الطير يشويه يدير عظمه كدادة
- عام الجيفة تسمن في الكلاب
- دارولو ايد دار على انسابه
- تلقى الكدادة في مرابط الكلاب
- تمسى تصر
- يتعلم الحفافة في روس اليتامي
- العرة من الجرةولا الخيار من التدوار
- هذا ما تسعى الحرةفي الصرة
- بيناتنا ربي ما تسعى
- والله ما طيرلك من ظهر
- هاهي فيك
-
إلى أن اتذكر المزيد من العبارات تقبلوا تحياتي.

[bila86]

صعبة، صعبة، مفهمت فيها والو.....
أضن أنها أمثال شعبية، بعض الكلمات لم أفهمها
فكيف لي أن أفهم ماتعنيه العبارات
ممكن الشرح لو سمحت

[" أبو عبود"]

سأشرح لك لاحقا بعد أن أرى إنكان أبناء اولاد نايل في المدينة يعرفون ماذا تعني. شكرا على مرورك

[" أبو عبود"]

السلام عليكم
أما من مجيب؟

[" أبو عبود"]

السلام عليكم
أما من مجيب؟

[دوزيام كونت]

اولا هدة امثال شعبيه نايلية نشرح الي قدرت عليها
- يخزر فيا خزرة الكلب للبصلة = انو متكبر عليه و يشوف فيه حاجة مافيهاش فايدة ..
خص العمية قا الكحل = للانسان الي يدير حاجة ماشي محتاجها و يترك اشياء ضرورية
اللي ما يعرف الطير يشويه يدير عظمه كدادة = و تكملتها ( و الي يعرفو يربيه و يخرجو نهارا الصيادة ) و هدا مثال على الشخص الي ما يعرف قيمة الشي و يسيء استعمالة و العكس
*- عام الجيفة تسمن في الكلاب = يعنو بيه الناس الي يستفادو من المآسي تع الناس الاخرين
-العرة من الجرةولا الخيار من التدوار= انو الانسان لازم يجتهد و يبحث على فايدتو ما يتبعش الناس و يدي القوة تاعو من الفضلة لي يرموها
هذا ما تسعى الحرةفي الصرة = او هذا ما تسعى = هدا كل ما املك
بيناتنا ربي ما تسعى = هدي اكثر من ما عنديش ههههه يعني انو مشومر كيما نقولو
هاهي فيك = هدي الكلمة كامل نخافو منها ههههه و تعني انو يتوعد فيك بالعقاب
.
.هدا واش فهمت انا و اذا غلطت في حاجة نتمنى تصححولي .. و مشكور على الموضوع

[دوزيام كونت]

ضركي انت اعطيلي شرح ( فلان والله ما يربط القمر ) ههههههههه

[مسعود مصطفى]

المشاركة الأصلية كتبت بواسطة دوزيام كونت

ضركي انت اعطيلي شرح ( فلان والله ما يربط القمر ) ههههههههه

لقمر بمعنى ربطة العشب (القسيل)
تطلق على الانسان لا يتقن ابسط الأشياء
لكن هناك مثل آخر نقوله على زين حصادك نعطيك قمر

[ana hia]

هههههههههههههههههههههههههههههههههههههههههه
كاين حوايج برك نقولوهم في بووسعاااااادة بلاااااك بكري بزااااف كانو يقولوهم كامل وضرك بقى شوي منهم هههههههههههههه
على كل حاااال هي مش لنوايل كااااامل بلااك لناس الجلفة برك .... ما نيش عارفة لراك فهمتني ؟؟!!