ماذا حدث لك في أيام البكالوريا

[omar.mami]

السلام عليكم ورحمة الله تعالى وبركاته موضوع اليوم رغم أنه لا ينتمي إلى قسمنا لكن أرجوا لكل من يقرأه أن يحكي لنا ما جرى له أيام التي إمتحن فيها إمتحان البكالوريا من طرائف وغرائب فتفضلوا

[omar.mami]

=======================

[sonia32]

ايام الباكالوريا التي مررت بها ايام خاصة ولها شعور خاص لن انساها طول حياتي فكانها اخر امتحان في حياتك وتنتقل الى عالم اخر
لكن والحمد لله مرت هذه الايام ونجحت وكانت فرحة كبيرة بقدر التعب والجهد
في الاخير اريد ان انصح كل من سوف يمتحن الباكالوريا هو مجرد امتحان عادي كباقي الامتحانات فهو نهاية مرحلة فقط المهم هو النجاح والاستمرار فهناك الكثيرون من نجح في الباكالوريا لكنه لم يستمر في الجامعة لاسباب كثيرة بالتوفيق للجميع

[nibou]

السلام عليكم،أنا نفرح بزاف بالمواضيع هادي شكرا لك،لأنها ترجعني للوراء،طبعا مانيش كبيرة فالسن تزيد تحطني عجوزة ههههههه،لكن تفكرني بأيام الدراسة التي كننننننننننت أحبها،المهم أنا كنت نحب نقرا بزااااااف و كنت دايرة بنامج قاسي جدا،يعني عام ماش كيما لخرين خلاص و كي بقات سمانة للباك ضعفت خلاص،و فأيامات الباك كانت فرحة كبيرة ممزوجة بخوف،نشفى على روحي لما إجتزنا إمتحان الفيزياء والرياضيات هوما اللي بكيت فيهم بزاف،و في واحد منهم لما روحت للدار نتغذى درت حااااالة بالبكا و من كثرة الدموع وليت ما نشوف في والو،غرقت في بحر دموعي ههههه الطريف أنو لما ماما حطتلي نتغذى(طبعا حنا في دارنا اللي يعقب أي إمتحان تاع أي مرحلة يكون الغذاء تاعو مميز)فأنا بالبكا هداك ولاتية نتغذى و ناكل و بالفرشيطة نهز فالسكالوب و حوايج أخرين طبعا نشرب فالعصير و نعاود(باردة القلب هههه)المشكل أنو ماراني نشوف في وااالو،غير ندك برك فالفرشيطة و اللي هزت هاديك هي

[sarra95]

سلام عليكم انا كي قريت العنوان حبيت نشوف الناس كيفاه كان عندهم هداك اليوم انا اني رح نزيد نعيشو هاد العام بعد ما مكتبش ربي باه نديهمن المرة 1 رغم كنت قرايا على خاطر كنت مريضة و تع دارنا حطوني منقدرش نكمل الامتحان كملتو قدرة من عند ربي مي متوفقتش ان شاء الله لي راح نعقوا هدا العام ربي يوفقنا و نفرحوا كامل

[omar.mami]

شكرا لكل من شارك معنا أنا عقبتوا مرتين لكن للأسف ما جبتوش لكن هاذ العام بربي إن شاء إذا كنا حيين وبصحتنا التوفيق للجميع وفرحت الوالدين

[nibou]

نشفى تاني نهار اللي خرجت النتيجة،جات ليا بنت عمتي نوضتنا على الطناش تاع الليل،في هاديك عقبت انا و ختي و مين قاتلي بلي خرجت النتيجة تاع الباك حكمتني الفشلة و عظامي بردو،جمممممممممدت بالبرد و حنا في هاديك وقت صيف المهمة ليلة بيضااااااااء و في الأخير الحمد لله نجحنا أنا و ختي كيف كيف و الحمد لله الحمد لله الحمد لله و ربي يفرح ميمتك بيك هاد العام و تجيبو إن شاء الله

[رندة نهاد]

انا خطبوني ليلة الباك هههههههه جاو دون سابق انذار عمري ما ننسى داك النهار يبقى في التاريخ والله ما نعرفو وعمري ما شفتو ولحد الان مازلت مستغربة كي نتفكر نشبع ضحك طبعا رفضت الحمد لله اليوم اني ماستر 2 ومابقاش ونتخرج ان شاء الله

[عبد المعزّ]

[size="7"]ههههههههههههه سبحان الله استغربت من موقف الاخت قبلي ربي يزقك بالزوج الصالح ان شاء الله انا ايام الباك كانت بالقرب منا ابتدائية وفي ايام المتحان ظهرت نتائج امتحان الابتدائي وكان الاولاد يستغلون وضع طلبة النهائي ويطلبون منهم المال مقابل دعواتهم هههههههههههه لنا بالنجاح لكي يشترو المثلجات كانها البارحة كانت ايام مميزة الحمد لله انا اليوم طالب دكتوراه بالتوفيق لكم جميعا ان شاء الله [/size]

[omar.mami]

شكرا لكم جميعا على مشاركة الموضوع

[أثر]

السلام عليكم ورحمة الله وبركااته
يوم البكالوريا في مادة الفلسفة .....حفظت مقالا واحدا...فقط
قلت .....ياجات يا رااحت...خلي تخلا...
لاني تعبت كثيرا مع الرياضيات والفيزياء ...كوني كنت علمية
الحمد لله.....دخلت غرفة الامتحاان فوجدت ذاك المقااال....ربع ساعة وضعته وخرجت
لا ادري ان كان تصرفي مضحكا ام مبكي......
او ر بما كنت متهورة.....
ولكن لما يبلغ الامر حدا معينا....نتصرف احيانا بحمااقة...مبالغ فيها
تحيااتي

اول مرة احكي هاته القصة....