اخر خرجات لاكاديمي وهران - الصفحة 2

Tinda20 · 2013-09-08, 16:30

أخنز لاكاديمي في دزاير هوما تاع الغرب

HAKIM HA · 2013-09-08, 16:34

لا حول ولا قوة الا بالله

بهايم راهي تسير فينا و خلاص

ربي يجيب الخير

آمِيْرَتُه · 2013-09-08, 16:41

اللهم آمين
و الله صباح وحدة شفتني نتاع الصح ما زال عندها التعيين نتاع العام لي فات جايا توريه للبنات تمّ قالتلهم قالولي ربحت قريب نص العام كل مرة يقولولي قريب نرسموك منبعد قالها انت كنتي برك استخلاف

" المثابرة المتأملة " · 2013-09-08, 16:46

يلعبو بالناس

فرناس وهران · 2013-09-08, 18:14

اذن عليكم بالطعون لان من لم يقم بطعن لن يأخذ بعين الاعتبار في اعادة دراسة ملفه و من كان يقف فقط و ذهب دون وضع طعن لن يأخذ في الحسبان
و ذلك قبل مرور 5 ايام من اليوم.
و يجب المطالبة بقائمة النتائج
بحث ان من لم يضع طعن لن يقوموا بالبحث عن ملفه و الاطلاع عليه في سبيل الله

" المثابرة المتأملة " · 2013-09-08, 18:34

ما نضنش بلي يخلوهم يديرو طعون بحجة انها ليست قائمة الناجحين و ان الاعلان عنها سيكون في الايام القادمة

" المثابرة المتأملة " · 2013-09-09, 00:05

في وهران الفساد راه باين من الاول مديرية تربية لثاني اكبر ولاية في الجزائر ماعندهاش موقع
لقيت حل لازم تطالبو بمدير تربية ولاية معسكر و نضمنلكم كل واحد يدي حقه و مايكونوش قاع طعون لماذا !!!!
موقع فيه كل المعلومات و فيما يخص المسابقة دايرين عدد المترشحين و عدد الغائبين و ... ومحضر اجمالي يضم كل المترشحين و عرض نقاطهم بالتفصيل و حتى التبرير بالنسبة اللي نجحو و تم اقصائهم بسبب الاقامة خارج الولاية....
المهم بديت نقارن معانا ههههههههههه فرق شاسع و تفكرت الاستخلاف هههههههه كاميرا كاشي
شوفوا الموقع الله يبارك https://www.de-mascara.edu.dz/p-ar1.php

آمِيْرَتُه · 2013-09-09, 00:07

و الله عندي وحدين كانوا يقرو معايا راحو لمعسكر يكملو التعليم قالك الاقامة النظام الاحترام و حتى تبغي تخدمي كاين
ربي يدومها عليهم و تقريبا متحصلين على ليسانس

" المثابرة المتأملة " · 2013-09-09, 00:16

شفافية تامة انا كي قريته ما امنتش حسبت روحي مارانيش في لالجيري الله يبارك حنا موقع و ماعندناش و مامبا ما افيشوش و قاع مين يافيشو يعلقو زوج وراق فيهم الاسم و اللقب و الناس لوخرى ما تعرف شحال كلاست ما تعرف معدلاتها بزااااااااااااااااف و كلشي راه باين

آمِيْرَتُه · 2013-09-09, 10:38

صباح الخير
كاش جديد في داك المرشي هههه

" المثابرة المتأملة " · 2013-09-09, 11:08

ما جاني حتى خبر اليوم ههههه ناس طاحلها المورال البارح

yacine41 · 2013-09-09, 12:43

كدلك المر نفسه يحدث في سوق اهراس لاليست ماكانهاش وهوما يعيطو لجماعة الاستخلاف واله غير بلاد ميكي يعني ممكن تخدم كونترا باسبوع ومبعد ديـــــــــــgـــــــــاج .....-_-

آمِيْرَتُه · 2013-09-09, 14:12

من مديرة مقربة قالتلي بلي النتيجة هديك نتاع استخلاف برك لي راهي في المفتشيات يعيو نتاع الصح

hik25 · 2013-09-09, 14:27

في أي مديرية؟ التربية و التعليم ؟
لو كانت في مديرية الباندية واش كانو قادرين يديرو؟
اتركها للمخيخ

توريس22 · 2013-09-09, 14:36

جيبونا كاش اخبار على سيدي بلعباس يرحم والديكم