الى كل المترشحين الاحرار

[dr_amal]

السلام عليكم ورحمة الله بركاته
انا طالبة اجتزت هذه السنة البكالوريا للمرة الاولى لكن لا اظن اني ساحصل على المعدل الذي كنت اريده
المهم قررت اكيد ان اعيد البكالوريا حرة السنة القادمة لذلك اردت الاستفسار كيف قمتم بالتوفيق بين الدراسة في الجامعة والدراسة للبكالوريا في نفس الوقت وهل من نصائح

[zahra la reine]

انا مترشحة حرة لم يرضني المعدل الاول تحصلت فيه على 13.53 .هذا العام درست فيييه باراميدييكال نتاع بالباك ..و صديقينييي تعب كبيييير انو تقرااااي مناااو منا بصح بتوفيق الله اجتزت هذاالعام و نشاله يفرج ربي ... كاين صحاباتي بزاااااف لي بلوكاو العام و على حساااب الشوفة خادمييين بصح ندمو كيبلوكاو قالو كون قرينا هكا و هكا ... بصح انت ديري واش يحبواا والديييك على خااااطر رضا الوالديييييين هو كلشيو يوصلك للحاجة ليفيهاالخييير .. انت شاوري والديييك اذا تببلوكي والا تقرااااي في الجامعة و تعاودي ... و انشااااله برك تدي معدل لي حايباتو و متضطريش انو تعاودي الباك ..بالتوفييييق

[zizy princess of alg]

اختي انا من عندي نصيحة بلوكي عامك لانو صعيبة بزاف توفقي ما بين قرايتين انا عندي باك 2012 ب 13.54 قريت رياضيات وقررت نعاودو ومابلوكيتش في اخر العام حصلت و كرهت من الضغط تاع الامتحانات اللي كانو مع الباك و حبست مالا ديت الباك ب10 وماخرجتش السداسي و اكيد ندمت و باذن الله تجيبي معدل و ما تضطريش تعاودي...موفقة

[THE CUTE FLOWER]

السلام عليكم انا عندي باك 2013 ما دخانيش وش نحب عاودت 2014 و قريت في الجامعة بيولوجيا و جبت عامي نتاع الجامعة و جبت الباك الثاني خير من الاول و راني نقرا طب اسنان ضرك اللي حابة نقولهولك بلي شوفي وش يخرج عليك اقعدي مع روحك و شوفي تقدري تقراي من و من و حطي في بالك بلي قادرين الامتحانات نتاع الجامعة يطيحو مع الباك انا شخصيا عقبت 2 سمانات نتاع كنترول و من بعد عقبت الباك و الله ولي التوفيق و صحا فطورك

[dr_amal]

المشاركة الأصلية كتبت بواسطة the cute flower

السلام عليكم انا عندي باك 2013 ما دخانيش وش نحب عاودت 2014 و قريت في الجامعة بيولوجيا و جبت عامي نتاع الجامعة و جبت الباك الثاني خير من الاول و راني نقرا طب اسنان ضرك اللي حابة نقولهولك بلي شوفي وش يخرج عليك اقعدي مع روحك و شوفي تقدري تقراي من و من و حطي في بالك بلي قادرين الامتحانات نتاع الجامعة يطيحو مع الباك انا شخصيا عقبت 2 سمانات نتاع كنترول و من بعد عقبت الباك و الله ولي التوفيق و صحا فطورك

شكرا لكي اختي لكن اردت ان تخبروني كفاش نظمتو وقتكم يعني وش هوا الوقت لكنتو تراجعو فيه للباك

[sweetness]

خليك متفائلة
بعد الاعلان عن النتائج يفرج ربي

[bouchera-lili]

انا ننصحك باه تبلوكي العام خير بويسك صعيب باه توفقي بين الجامعة والباك ،انا
شخصيا اعتبرها صعبة عن تجربة ،واذا شفت روحك بلي قادرة قادرة باه توفقي بين
زوج حوايج ديري حاجة ساهلة في الجامعة باه ما تتعبيش بزااااف معاها وتقدري تقراي
للباك بالتوفيق لك

[ammar64]

لماذا انت متشائمة الى هده الدرجة فان رحمة الله واسعة بعلمه ورحمته فلاتعيدين الى الزمن الماضي

فأنا اكره الماضي الحزين

[*نسيم الفجر*]

بلوكي العام انا اتحدث عن تجربتي في هذا العام .. فالتوفيق بين الدراستين جد صعب الا اذا اخترتي تخصص سهل

[Etoile dz]

انا مثلك اختي اريد الاستفسار اذا ذهب أحدهم إلى الطب هل يستطيلع إعادة الباك في نفس الوقت شرط ان هذا التلميذ يريد ان يتحصل على معدل ممتااااز

[زهرة لرضوان]

ربي إوفقني أو ساهل ردلكم الخبر أو قلبي رآه إقولي يعطيهلك ربي بمعدل 10.50واش ندير اﻻختصاص دلوني رحمة على والديكم

[وائل الجزائري]

السلام عليكم
انا تحصلت على بكالوريا 2014 ب 13.55 ، و درست في الجامعة تخصص اعلام الي / تخصص صعب نوعا ما / , و في نفس الوقت ترشحت للبكالوريا
برنامجي نجح معي ، و لكن لا اتوقع ولا انتظر معدل فوق ال 15 في هذه البكالوريا و لربما السبب هو الابتعاد عن الامتحانات في مواد البكالوريا كان سبب وراء اخطاء تافهة
....
المهم ،، ادرسي تخصصك جيدا و خصصي له كل الوقت خاصة السداسي الاول ، و كل عطلة خصصي اسبوعا مكثفا منها للبكالوريا ، و للمعلومة ستكون كل الدروس سهلة و ستكتشفين طرق و معلومات جديدة و سهلة و ستستغربين لصعوبتها العام الماضي ،،،، و في السداسي الثاني خاصة اذا تحصلتي على معدل جيد في الاول ، خصصي نهاية الاسبوع و الامسيات الفارغة للبكالوريا و لا تنسي دراستك الجامعية
و اخيرا رزنامة امتحانات السداسي الثاني هي الفاصل ، فقد تكون خير مساعد لك و قد تكون العكس ... فقد يبقى لك اسبوعين او 10 ايام للبكالوريا و هي كافية لاعادة كل ما راجعته ، و يفضل ان تكوني قد اتممتي الحفظ سابقا على الاقل العلوم الاسلامية
....
فقط اعلمك انك لن تتمتعي بشيء اسمه عطلة طيلة هذه السنة ، خاصة في حال اخترتي تخصص صعب ...
--------------------
و في حال رأيتي توفيقا لك في هذا التخصص و احببتيه فواصلي فيه احسن ...
انا عن نفسي السداسي الاول 13.03 ، و مع التركيز على البكالوريا في السداسي الثاني نزلت ل 9.91 , و في النهاية لن اجني شيء من البكالوريا
ا

[باشق مجروح]

ربي يوفق ....

[زهرة لرضوان]

ربي اوفقنا واوفقكم آمين يا ربي

[biba.fbi]

سلام
شوفي ختي انا عن تجربة ننصحك باش تبلوكي العام و تحبسي قرايت الجامعة و تركزي مليح ف الابك تاعك
معليهش ضيعي عام من حياتك خير من
ضيعي حياتك كاملة نتيا ضروك بلوكي العام و عاودي باكك و اقرايلو مليح مليح و ان شا الله توصلي و تحققي واش راكي حابا
لانو ماراكيش عارفا واش ؤاها مخبيتلك الايام بالاك تجيك مشاكل بالاك تخرجلك كاش حاجا ما كنتيش دايرالها حساب سبحا ن الله و الواحد ديما لازم عليه يمشي باسوأ الااحتالات ماشي باحسنها
انا جبت باك 2014 ب 12 و بيناتنا ما قدرت نددير بيه والو حبست قرايتي تاع الجامعة مالغري كنت دايرة تخصص ساهل قع ( ادب عربي ) يعني كنت قادرا نوفق بينا مي انا خيرت نبلوكيه . علاة ؟
علاخاطر لوكان جيب باكي هاذ العام يعني راني ضربت قرايتي تاع الجامعة عرض الحائط لاني وقتها نعود ما نحتاجهاش
و لو كان نجيب باكي بمعدل نفس الاول وو لا اقل نولي نلوم في روحي ونقول لو كان غ بلوكيت العام و تفرغت لقرايتي تاع الباك و لوكان ...و لو كان ... سيختو كي تبان النتائج و تشوفي العباد الي بلوكات اعام ناجحا تا تاع الصح و ين تغيضك عمرك
انا عن نفسي عطيتلك رايي و نتي شوفي
صلي صلاة الاستخارة و لازم ايي قرار تديه لازم تكون فيه قد السؤولية
و الله ولي التوفيق
اختك بيبا