افعلها يا غيريتس وخلصنا

[رفيدة بنت الجزائر]

المشاركة الأصلية كتبت بواسطة جزائرية ولي الفخر

و الله غير دوختوني .. نورمال يقولو آمين نشالله يخسر المنتخب تقول ماراكم جزايريين ..ماراكمش حابين تشوفو الماتش و تبعو البالون حاجتكم كل واحد حر في روحو بصح تدعيو ع المنتخب بالخسارة.. كثرتو فيها ..
و الله غير خنقتوني .. الناس كامل يشجعو و يكونو مع منتخباتهم في الربح و فالخسارة ونتوما لالا حابين الربح برك ..
مي لوكان الريال تخسر كونتر البارصا لي يشجعوها حتى الجزايرين يقولو ماعليش المرة الجاية و هداك فريق واش جابو لمنتخب يمثل بلاد كامل ..
أنا نقولها نورمال معاك يالخضرا اليوم و غدوة وحتى نهار نموت رابحيين خاسرين ديما معاك. .
خسارة ورا خسارة معاك يالخضرا زكارة
و يا ربي الربحة لينا ..

راني معاك يا اختي ولي ماعجبوش الحال راهو حر

[azizsalem]

صاحبة الموضوع انتقلت الى مثواها الاخير لانه قد تم حذفها
ادعو لها بالرحمة و المغفرة
يبدو انها قد دفعت ثمن مخالفتها لرأي الاخرين

انا لله وانا اليه راجعون

الجزائر 3 المغرب 0


viva l algerie1.2.3

[شعيب22]

لم اعد افهم شيئا..........اذا كان المنتخب الوطني في ازمة سببتم واذا كان في تحسن اشتكيتم واذا كان في حالة جيدة ما سكتم اسمحيلي اخيتي نحن لاننفقه الكرة فالنبتعد عنها.............................................. ...................................:roll eyes: احسن اتمنى ان اكون لم احرجك ولم اجرحك............................سلام/مجرد راي/

[*أنسام*الجنة*]

المشاركة الأصلية كتبت بواسطة اسماء شريف

الحمد لله الجميع يوافقني الرأي
اين كنتم ياهؤلاء واين كنتم تخفون كل هذه المشاعر ام انكم لم تمتلكو الجرأة على قولها

فهتي ردي بالشكل الخطأ
مشاعرنا أكيد مع الفريق الوطني ونتمى له الفوز
لم أشأ المناقشة في هذا الامر لأنه بديهي ولا اتصور جزائري حر لا يناصر الفريق الوطني
أشرت الى انها تسبب لنا الاضطراب في الحياة اليومية والتوترات على مستوى الاعصاب
ورغم كل هذا نحب الكرة وقبلها الفريق الوطني
سلام.

[شهاب]

المشاركة الأصلية كتبت بواسطة *أنسام*الجنة*

فهتي ردي بالشكل الخطأ
مشاعرنا أكيد مع الفريق الوطني ونتمى له الفوز
لم أشأ المناقشة في هذا الامر لأنه بديهي ولا اتصور جزائري حر لا يناصر الفريق الوطني
أشرت الى انها تسبب لنا الاضطراب في الحياة اليومية والتوترات على مستوى الاعصاب
ورغم كل هذا نحب الكرة وقبلها الفريق الوطني
سلام.

اكي تسالي تقييم من عند خوك

في خاطر الهدرة هدي

يسلم خاطرك عديلة

سلام

[fatouma alg]

خسارة ورا خسارة معاك يالخضرا زكارة
و يا ربي الربحة لينا ..

[ليونيل ميسي]

المشاركة الأصلية كتبت بواسطة توفيق19

في رايك اللاعبين جزائريين تاع الصح ؟؟؟؟؟
اللخر فيهم جامي شاف الجزائر وتقولي منتخب جزائري
هذا المنتخب الثاني تاع فرنسا

خويا راني معاك بصح الله غالب لازم علينا نشجعوهم لانهم يحملون الوان العلم الرائع علم الجزائر

[rachidmath]

اهنا ماعندناش منتخب الاعيبين تاعنا مفرنسين والجزائريين عفوا غير متخلقين عفووووووووووووووووا لكن الحقيقة لا تخفى على احد

[azizsalem]

viva l algerie1.2.3

[ذبُــولْ ~]

المشاركة الأصلية كتبت بواسطة توفيق19

واش حابين فالجزاير غير دراهمها اييه راكم راقدين على وذانكم غير فيقوا
شوفو غير منتخب اسبانيا كيفاش اللعب تاعهم مخك يحبس
كنا في واحد الوقت غافلين بصح فقنا والحمد لله
لوكان العبو اللاعبيين المحليين أقسم بالله غير أنا اللول اللي نحييهم مي هذو .....

عدنا والعود أحمدُ ..
يا خويا راك في عقلك ؟؟؟
تهدر كي شغل علابالك واش كاين فالقلوب تقول اللاعبين هادوك مايحبوش دزاير و نتوما تحبوا دراهمها ..وين علابالك نتا
الحاجة هادي غير ربي لي يعلم بيها ..
و زيد راك تقارن منتخب إسبانيا بالمنتخب نتاعنا !!!
قبل قارن اسبانيا بدزاير ومبعد روح للمنتخبات ..

و نزيدك حاجة لي يحب دزاير صح صح يشجع ولادها كامل محليين ولا لالا مش مهم المهم الدرابو لي لا بسينو نتاع بلادي ..و يلعبو باسم بلادي ..مالا تحيا بلادي وولاد بلادي ..

[ذبُــولْ ~]

المشاركة الأصلية كتبت بواسطة رفيدة بنت الجزائر

راني معاك يا اختي ولي ماعجبوش الحال راهو حر

ربي يعيشك أختي ..و راكي قلتيها لي ماعجبوش الحال راهو حر ..بصح حتى حنا أحرار ْ ..
ســـلام كبير ليك ..

[ذبُــولْ ~]

لم أستطع شكر الجميع ..
فتقبلوا مني جزائرية ولي الفخر..
تحية وسلام كبير كبير لكل مناصر وفي للمنتخب ..
و ديما خسارة ورا خسارة معاك يالخضرا زكارة ..

و بربي الربحة لينا ..

[بستان الورود]

خسارة مورا خسارة مع الخضرة زكارة

ونموت على الجزائر وكل من يمثل الجزائر تحيا الخضرة اللي فرحتني فرحة لا تنسى ابداااا

[azizsalem]

المشاركة الأصلية كتبت بواسطة جزائرية ولي الفخر

لم أستطع شكر الجميع ..

فتقبلوا مني جزائرية ولي الفخر..
تحية وسلام كبير كبير لكل مناصر وفي للمنتخب ..
و ديما خسارة ورا خسارة معاك يالخضرا زكارة ..

و بربي الربحة لينا ..

خسارة ورا خسارة معاك يالخضرا زكارة

كاين بالزاف ما يؤمنوش بهاذ لهدرة
ربحة وراء ربحة والخسارة ما نقبلوهاش
يحبوالخضرا غي نهار اللي تربح
ونهار تخسر يدورو عليها

123 فيفا لالجيري

[*أنسام*الجنة*]

المشاركة الأصلية كتبت بواسطة شهاب

اكي تسالي تقييم من عند خوك

في خاطر الهدرة هدي

يسلم خاطرك عديلة

سلام

الله ينورك اخي شهاب
التقييم يستحقوا كل جزائري حر
ما يتخلى على بلادوا ولا على ولادها
كنت راح نلعبها شطارة ونسبقك في التقييم
قالولي المرة الجايا
راك تسال تقييم