مساعدة في خبزة المطلوع

الدلفين اللؤلؤي · 2011-01-21, 10:13

انا اقوم بتحضير خبزة المطلوع بنفس الطريقة التي تحضر بها لكن المشكل الذي يواجهني انها لا تاتي مطلوعة اي تم تم تتفش لي علما انني بعد العجن الجيد لها اشكلها دواير و اغطيها جيدا بقطع القماش لذا ارجوكن ان تساعدنني فمن تعرف طريقة معينة للمطلوع ان تخبرني بها و كذلك اريد السؤال عن خبز الدار هل نقوم بدهنه بالبيض قبل ادخاله الفرن ام ندخله الى الفرن يطيب نصف طياب ومن بعد نخرجه ثم ندهنه ونعيده مرة اخرى الى الفرن واجركن على الله

ملك اريج · 2011-01-21, 12:14

مساء الخير خبز الدار تدهنيه بالبيض قبل ماتحطيه فالفور
تخبزيه فالسينية نتاعك ومبعد تدهنيه بالبيض وتثقبيه بالفرشيطة وديري فوقو سينوج وجنجلانية وتحطيه يطلع مبعد تحطيه فالفور
ملاحظة باش مايلصقش ادهني لبسينية نتاعك بالمارغرين
بالنسبة للمطلوع تهدري على نتاع الفرينة ولا نتاع السميد قوليلي اذا نتاع السميد نجاوبك

*أم كوثر* · 2011-01-21, 12:26

السلام
بالنسبة للمطلوع انا شخصيا نديرها باستمرار و الحمد لله تخرج مليحة و طالعة و ناشفة من الداخل
اول شيئ نبسسها يعني نضيفلها زيت و نفركها بين يدي مليح و نحطلها الخميرة و الملح و نلمها ماتكون يابسة ما طرية ونخليها تقريبا ساعة حتى تتضاعف
كي تختمر نعجنها بالماء الفاتر
يعني نضيف الماء و نعجن كل مرة حتى تصبح طرية نوعا ما وهدا هو السر لي يخليها تجي خفيفة
نكورها و نبسطها بحلال على شكل دائري نغطيها و نخليها تتخمر مرة اخرى ن بعد نطيبها في طاجين مسخن من قبل
خبز الدار بعدما يتخمر و نديروه في الصواني اللي تكون مدهونة نحطو يختمر مجددا و كي نجي نطيبو نحطلو البيض و الجلجلان و ندخلو يطيب
اتمنى نكون افدتك

نينا الجزائرية · 2011-01-21, 12:32

يعطيكم الصحة
البنات

أم ياسين الزهراء · 2011-01-21, 13:48

على بالك لوكان تكثري من الخميرة راح ينزل ةهدي من الاسباب وثانيك كيتخليه يطلع بزاف شوفي انت

ام احمد · 2011-01-21, 14:08

اقتباس:

المشاركة الأصلية كتبت بواسطة أم ياسين الزهراء

على بالك لوكان تكثري من الخميرة راح ينزل ةهدي من الاسباب وثانيك كيتخليه يطلع بزاف شوفي انت

هذه هي الاسباب حتما

ام شرفو · 2011-01-21, 14:59

انا كان عندي المشكل لكن مع الاخطاء العديدة تمكنت من حل مشكلتي
اولا اخلط السميد مع قليل من الفرينة و لكل 500 غرام اضع 1مغرفة كبيرة من الخميرة
Uploaded with ImageShack.us

و الملح والزيت وثم تضيفي الماء دافئ حتى تصبح طرية و السر في النجاح على حسب رايي هو ان تحطيها في صحن كبير وحطي فوقها كيس بلاستيك مدهون بالزيت و غطيها مليح مدة ساعة نضمنلك انها تطلع ثم اعجنيها 5 دقائق و اقسميها كرات وشكليها غطيها وحطيها في مكان دافئ انا انتظر نصف ساعة ونطل عليها اذا طلعت نشعل على الطابونة

samsoon city16 · 2011-01-21, 15:42

مشكوووورييييييييييييين
انا مشكلتي مع المطلوع كي نرفدو باش نحطو في الطاججين و مع هو طري تتكرفسلي تجي معوجة واش الحل

ام شرفو · 2011-01-21, 16:04

كلما كانت الدائرة صغيرة سهل عليك التعامل معها انا استعمل السيار اضع فوقه منديل ثم اخذ الكسرة بحذر و اضعها فوق السيار و اقلبها على الطاجين

ابتهال 33 · 2011-01-21, 17:15

اقتباس:

المشاركة الأصلية كتبت بواسطة أم ياسين الزهراء

على بالك لوكان تكثري من الخميرة راح ينزل ةهدي من الاسباب وثانيك كيتخليه يطلع بزاف شوفي انت

نعم صح هذه من بين الاسباب
وهناك ملاحظة هامة جدا
وهي
ان وضعت الخبزات في الصينية وتتركينها تتخمر ثم تاخذي الصينية الى الفرن لا تحركي الصينية كثيرا
ولا تضربيها بقوة لانوا ذلك الهز يجعلها لا تنتفخ اثناء الطهي ابدا
اتمنى ان تنجحي في الاعداد وان تعترضك اي مشاكل ان شاء الله
وفقك الله

ضوء القـمر · 2011-01-21, 18:12

ممكن أنا عندي طريقة أخرى أنا ثاني كان عندي نفس المشكل حتى اني وليت مانديروش لكن أمي كثرت علي ولقاتلي الحل
ديري الدقيق مع الخميرة برك واعجني مليح بماء فاتر ومن بعد ديري الملح لأن الملح مع الخميرة ما يخليهاش تطلع في يدك وخليها ترتاح على الأقل نصف ساعة وكملي من بعد دوري وبسطي وزيدي خليها ترتاح ثم طيبي
انشاءالله يصلح لأني صدقيني جربتو بعدة طرق ماحبش يطلع لكن بهذه الطريقة نجح معي

أم هبة الله · 2011-01-21, 18:51

اقتباس:

المشاركة الأصلية كتبت بواسطة fati28

ممكن أنا عندي طريقة أخرى أنا ثاني كان عندي نفس المشكل حتى اني وليت مانديروش لكن أمي كثرت علي ولقاتلي الحل
ديري الدقيق مع الخميرة برك واعجني مليح بماء فاتر ومن بعد ديري الملح لأن الملح مع الخميرة ما يخليهاش تطلع في يدك وخليها ترتاح على الأقل نصف ساعة وكملي من بعد دوري وبسطي وزيدي خليها ترتاح ثم طيبي
انشاءالله يصلح لأني صدقيني جربتو بعدة طرق ماحبش يطلع لكن بهذه الطريقة نجح معي

سر المهنة راهو عندك هي بالدات

الدلفين اللؤلؤي · 2011-01-21, 19:08

شكـــــــــــــــــــــــــرا لكن على المساعدة ربي يجعلها في ميزان حسناتكن

وداد100 · 2011-01-21, 22:33

عزيزاتي استعملن محسن الخبز مايخليش الخميرة تخرج من المطلوع ويساعد على هششة المطلوع انا استعمله والنتيجة مضمونة
والاخت لقالت المطلوعة تتكرفس كي تهزها حاولي ان تصنعي قطعة من اللوح الرقيق عند النجار هزي بها المطلوعة ومابعد هبطيها بلعقل في الطاجين هكذا ان ندير موفقة عزيزتي

sirinor2009 · 2011-01-21, 22:53

انتظرو مطلوعي غداااا راح نحط الصور