أعطوني حل مع المرقي العقاري غير اللجوء إلى القضاء

[oumbasma]

السلام عليكم و رحمة الله و بركاته


أنا مستفيدة من سكن تساهمي منذ 2006 هذا تاريخ دفع الملف

و دارلنا المرقي وعد بالبيع في الأول و محدد فيه الثمن تاع المسكن

و كانت الإعانة 50 مليون سنتيم

و من بعد درنا عقد بيع موثق مذكور فيه مبلغ الإعانة و ثمن المسكن و الدفعات المالية لأني ما سلكتش عن طريق البنك

كنت نسلكو مباشرة كل ما تقدمت الأشغال شوي بإشعار منه

و من بعد زادنا صندوق السكن 20 مليون سنتيم ( للناس لي انطلقت أشغال مساكنهم بعد 2008)

لكن المرقي العقاري ما حبش ينقصهالي من المبلغ مدعيا أنها ليه

مع إنو جبت وثيقة من الصندوق الوطني للسكن تثبت أنها لي و من المفروض تنقص من المبلغ و إنو ما يقدرش يزيد ثمن البيع

و زيد على هذا كتبت لمديرية السكن شكوى و للوالي لكن دون نتيجة

السؤال المطروح: شكون الرقيب على المرقين العقاريين؟

و ما نحكيلكمش على التأخير لي دارو في مدة الإنجاز و على الحالة الي زعما راح يمدلنا الديار بيها

أفيدوني أفادكم الله.