تطبيقاتي الفاشلة

[نادية روز]

السلام عليكم ورحمة الله وبركاته
اليوم رني حابة نتكلم على تطبيقلتي الفاشلة امممممممممممممم واش نقول كرهت كامل كي خسرت ورا هذي
هذي المرة الزاوجة الي نخسر في الجبن نتاع اللبن لي صفاء البحر
واش نقولك عجبني بزززاف سيرتو انو انا نحوس على جبن كيما هكا المرة الاول خسرلي خرج سائل محبش يجمد كامل والمرة الثاني البارح مسحيتش روحت ثاني نجرب فيه وشريت اللبن نتاع القارورة ولا الزيت ملفوق واللبن من تحت والله غير خرت غير الزيت برك هههه دار خسرتهم
التطبيق الثاني نتاع القلب اللوز لي lyllia30 انا عندي وصفة نتاع قلب اللوز ناحجة وانا حبيت نجرب وقولت نشوف هذي نتاع اللبن سيرتو كي وليت تشكري قولت هذا اكيييذ خيرمن نتاعي املا جربتو وراه كيما هو مكانش الي كلا منو ولا ناشف من داخل وثقيل والشربات محبش يشربها وانا درت كيما قولتي ؟؟؟؟؟؟؟؟خسرت السكر هذي ثاني
ماما قاتلي متديرهش لانو عندك وصفة منو بصح انا نحب نجرب
هدي حكايتي مع التطبقات الفاشلة
وحبيتي نشكر كل من صفاء البحر وليليا 30 لانكون كنت دايمن متميزات
مه السامة

[ana7anane]

ﻣﺎﻋﻠﻴﻬﺶ ﺍﻟﻤﺮﺓ ﺍﻟﺠﺎﻳﺔ ﺍﻥ ﺷﺎﺀ ﺍﻟﻠﻪ ﻳﻨﺠﺤﻮﻟﻚ ﺍﻟﻤﻬﻢ متفشليش

[lilouchaf]

اختي معليش من الخسارة الي نتعلمو وخيرها في غيرها انت ما تفشليش وما تزعفيش عاودي والمرة الجاية سور رايحة تنجحي فيهم

[ام ساجد]

معليش اختي تصرى لاكبر الشافات ربي يعوضك

[سارة حبيبة زوجها]

المرة الجاية ان شاء الله ينجحولك
ونصيحة جربي بكمية صغيرة باش ما ضيعيش بزاف

[khaoula90]

معليش حنونة الناس كامل تسرالها و لازم تكملي تجربي و مرة هاك و مرة هاك

[أم أحمد معاذ]

معليش اختي ،اذا ما خسرتيش عمرك ما غادي تتعلمي
أنا أظن ان هناك خلل ما في التطبيق
حاولي تكتبي الوصفت وتضعيها أمامك وتطبيقيها بحذا فيرها خاصة وانه هناك اخوات جربن نفس الوصفات وكانت نتيجة رااائعة
لا تياسي أختي لعلع خير وكيما يقولوا أمهاتنا خسارة العجين ولا خسارة اليدين
ننتظر تطبيقاتك الناجحة ان شااء الله

[R I A D]

ما تياسيش ... الناس كامل هكا مرة تصيب و مرة تخيب
عاودي جربي و تبعي الخطوات بحذافيرها بالاك نسيتي كاش خطوة و لا زودتي كاش عنصر او...

[،،ايمان،،]

انا ايضا جربت قلب اللوز و المرة الاولى جاني يابس بصح عرفت الغلطة من السميد كي استعملت المتوسط جاء يهبل

[Maria dadi]

عادي مرة اخرى عزيزتي

[بريق الدجى]

ما تقلقي ما والو هاذي تصرالنا كامل
انا عندي مدة و انا في حرب مع الديول باه نتعلمهم جربت تاع ام كوثر و جربت تاع ام ساجد و جربت تاع الصوامعية مرة و زدت جربتهم اليوم و طبقت كل النصائح و الاسرار و ماصلحوليش رغم ان العضوات هنا خدموهم و صلحولهم و مبعد ضنيت الخلل في الدقيق مش مليح
هذه هي الدنيا واحد ما خلق متعلم
بالتوفيق في المرات الجاية

[أنواار الإيماان]

معليه اختي الفشل طريق النجاح المهم المواصلة والثقة في الوصفات لان الاخوات ماشاء الله عليهم علمونا الكثير
عن نفسي طبقت قلب اللوز وكان ممتاااااااااز ننصحك تعاوديه واكيد ان شاء الله راه تحطي تطبيقك الناجح له
اما الجبن لم اطبقه وعليه لا يمكنني المساعدة
مشكوووووورة ولكن الثقة والمثابرة ااسااااااااااااااااس النجاح اختي

[هبة ام عبدو]

انا تاني اختي منجحليش الجبن للمرة 4 ومزال مقطعتش لياس راني غير نحوس على الخلل مي قلب لوز نجحلي 100 ب100 من اول تطبيق

[قمر 77]

ههههههههههه ما نيش عارفة نصبرك ولا نصبر روحي انا اليوم ق نوضت بديت يديول الصوامعية ربي يحفظها و خليتهم ريحو حتى كملت شغلي كي طيبتهم تخيلي وش خرجوا كريييييييييييب وااااااااااااااع نندب و مبصح وررراهم وراهم حتى يصلحوا نشالله لكن انا جربت كمية صغييييرة و خيرها في غيرها لا ياس مع الحياة المشكل كي ندير حاجة و تجي روعة كيما قلب اللوز اللبن و كي عاودتو ما جاش مليح تصرالي هذي بزاف تقولي نعين روحي الله يصلح الحال

[ام اماني77]

معليش اختي خيرها في غيرها
بالنسبة لقلب اللوز جربتو وخرج هاااااايل ممكن غلطتي في المقادير حاولي تعرفي الخطأ وين حتى تتجنبيه في المستقبل