الراوي:دائما وفي كل الولايات.بلديات تنظم المجتمع وتصلحه.نقدم لكم هذه المسرحية لنرى أن مجتمعنا في الغدو. والجهلاء الذين يقودون الأمة كانوا يقومون بذلك لمصلحتهم. خطاب الرئيس:أيها الاخوة الكرام . الأخوات الحضور ماذا بيكم تنتخبوا علينا في الانتخابات وتبوزيو الحالة شويه . رانا كون نوعدوكم رانا نوفوا . راني رايح ندخلكم زيت السانقو وبايط الطمطيش و المقرون . ورانا رايحين نقسمولكم الطرق . ماذا بيكم تسخنوا الحالة شويه...هاذوا المترشحين لمعايا واحد قاري في الترك وواحد قاري في طنجة أي راهم علامة.
الراوي: نجح هؤلاء المترشحون في الانتخابات وبعد عام ونصف نجد اجتماعا في المجلس.
المسعود:هاو جا الرايس .. سكوت ...) يسل الكرسي باه يقعد الرايس(
الرئيس:اجلسوا. نبداو بالقائمة .
المسعود:......)يجيب(حاضر . القندوز:....حاضر . العلوش........)يجيب السي صالح(: راه في العرس .
الرئيس:وين شفتوا نتا ؟
السي صالح:لا لا يا سيدي هو اللي قلي.
الرئيس:هاذا ديما في العرس ولا في الزردة ......)يسكت ثم يتكلم(.......الحواس.....الحواس
الحواس: آه واه..ربعة من الناس عام ونص محفظتناش.
الرئيس:أهدر أسيدي . راني نكونترولي في الحية . منقدرش ..... نحي من فمك. واش راك تاكل؟
الحواس:زريعة برك .
الرئيس: نحي من فمك الزريعة . لاه قاعد قلماكلة.
الحواس:هيا كمل اجتماعك خلينا .
الرئيس:أجماعا راه جانا مبلغ من المال لازم نديرو بيه حاجة . هيا ندرسوا هذي القضية.
السي صالح:أحسن حاجة يا جماعة المدرسة .يكفي لولاد نتاعنا من الصرحة....لذا قدر المبلغ بحوالي 300 مليون.
الرئيس:لاه ذا 300 مليون . رايح تصنع صاروخ وا . خليك من الهدرة هاذي.
المسعود: )يرفع صبعوا (
الرئيس: تفضل .
المسعود:الروينة ...حاجة ساهلة قاع . نعمروا الروينة في السشيات و نبعثوها للخارج .
الرئيس:شوف ذيك الهدرة . أنت شكون اللي راه لاتي بالنخالة نتاعك .
القندوز:)يضحك(
الرئيس:ونتا علاه راك تضحك .
القندوز:مانيش نضحك يا سيدي .
الرئيس:أنا معايا غير المهابيل و الذر . واش خصك نتا .رانا في سينيما وا.شنهي ذا. واحد يضحك وواحد يطلع مدرسة ب 300 مليون . وواحد يبعث الروينة في السشيات...راني ضرك نرفع الجلسة )تقلق و أخبط الطاولة( أنا راها مكلفتني أمة باه الريكلامي عنها.
مبارك:متقلقوش يالخاوى . كاين الحل لازم نكسبوا الدراهم باه نتوصلوا للحل ....لازم يترشح باه يولي رئيس دايرة...ثم يكون عندوا الصلاحيات ويلعب لعبوا .
الرئيس:شفت. شفت الناس اللي تعرف . هاي الهدرة نتاع الصح . يقولوا الناس السي احمد أطلع من رئيس بلدية الى رئيس دايرة و يستعجبوا في الفكر ويجيبوا لجناس.
الحواس:كي يجيبولك لجناس . وين رايح تسكنهم.
الرئيس:ينصبولهم الخيم وخلاص.
القندوز:والماكلة .
الرئيس:كل واحد قصعة بربوشة ولا عيش ... هاذي دوخاتك....أجماعا الدراهم نقسموهم . نص نخدموا بيه لمصنع نتاع الروينة . والنص لاخر نديروا بيه سياحة... هيا يا جماعة اللي موافق يرفع ييدوا .
الراوي:كلهم رفعوا إلا السي صالح .
الرئيس:السي صالح علاه مرفعتش .
السي صالح:أنا ما نيش موافق على لعبكم .ياخي ياخي أمي يقود أمة.
الرئيس:هذا مصير أمة هذا.
السي صالح:آه آه..وزين نتاع روينة مصير أمة . أيا جماعة السلام عليكم .
الرئيس:شكون اللي رشحوا هذا شكون .
الراوي: خرج كل المترشحين وبقي الرئيس وحده.
الرئيس:واش داني نترشح.......قاري في اسفنجة ماشي في طنجة.
( تقرير عن مشاركة سيئة )، و الموجودة أسفل كل مشاركة .
2014-02-27, 12:58
مسرحية المير نتاعنا
العرض العادي
