سحب ارباح ادسنس بالاورو من البنك سوسيتي جنرال

[amina-dz]

هاد الطريقة منقولة من طرف ناس اخرين ولم اجربها😉
#carte_visa_société_général 💳
السلام عليكم عدنا📈 إستلام أموال أدسنس بالأورو
أولا تروح للبنك سوسيتي جنرال تطلب تفتح حساب ب € يعطوك الملف بطاقة تعريف + إقامة + شهادة ميلاد لازم تفتح حسابين واحد دينار واحد اورو الدينار 2 ملاين الاورو يطلبوا 1000€ متخلعوش😱 باش تفتح برك بصح يردوهم تقدر تقلهم معنديش بزاف الاورو يفتحولك أنت و agent لي تلقاه في البنك بعد 15 يوم تلحق كارت دينار مع الشاك و بعد 45 يوم تلحق #visa_carte مع الكود 😍 بعدها تروح كيما في الصور تروح
1 أدسنس
2 الدفعات
3 إدارة طرق الدفع
4 إضافة طرق الدفع
تخرجلك الصفحة كيما في الصورة تعمرها عادي بالنسبة الي يسقسي على رمزSWIFT BIC كي تفتح حساب الاورو يعطيوك ورقة فيها كل معلومات الحساب رقم الحساب و رمز SWFT BIC تعمر المعلومات كامل و دير حفظ .
بعدها كي تفوت 70€ في حساب ادسنس يتحولوا الأموال الى حسابك البنكي .
كيما قالولي في البنك لوكان تكون الدفعة كبيرة 💶 يقدرو يطلبو عليك مصدر الأموال ساهلة تقدر تقدم ورقة الي بعتوهالك تاع ادسنس فيها Code Pin و أسمك تقدمهالهم على أساس هذه الشركة راك تخدم معاها .
و في الأخير تمتع بالمحاجب 🔥🔥الحارين 💰💰 بعملة الكفار أحسن من تهزهم بالدينار .
أنا كنت نخدم يوتيوب و حبست كنت نهزهم بالدينار سعر صرف البنك 1€ ب 110دج هههه و برا يتباع الأورو 220 دج
المهم كل هذه الطريقة جبتها من البنك
#société_général
خاوتي متنسونيش بالدعاء بالخير و الصلاح 👍
نسيت حاجة هههه تقدر تفعل بيها البايبال تفعيل كامل يعني كي تفتح حساب بايبال تروح للبنك تقولهم فتحت حساب بايبال هوما يفعلوه تفعيل كامل بكل مزاياه و يعطوك الكود.