واش لازم ندير ؟

[مشكلتي]

انابنت عمري 27 سنة نقرا في معهد موسيقي هادية وقليلةالكلام كاين بزاف حوايج مايعجبونيش وراسي خشين المشكل اني مانعرفش كيفاش لازم نتصرف كنت مخطوبة منقبل لواجد كاين يحبني مليح بكلش بصح كان متخلف يعني منغلق كلشي ممنوع ولازم نمدله تفسيرات ويحب نشاوره في كل حاجةنديرهاوانااكثرحاجة نكرهها نشاور لاني موالفة نخرج بلا مانسقسي حد وهو يحسسني انه راجل ولازم يتحكم مانحبش هكدا انا جامي نسقسيه وين يروح ولا نضيق عليه خليتله مساحة يكون حر اما هو يضيق عليا والحاجة ثانية يتحكم بلبستي ويقولي تلبسي حجاب بسيف يتحكم بلبستي وثالث شي يحب يتصل عليا وكي يتصل يقعد بساعة نقوله تلفون مش مخدوم للقصرة كي تحب حاجة نلتقه برا خير وهومايفهمش يظل يتصل ويعاود بالهدرة

ومتخلف بزاف هدالخلاني نخليه بصح كنت حاسةبدنب وتعرفت علي اخر قلت نخيره مايسكنش هنا مغترب يظهرلي متفتح ولكن شوية وبان انه غيور ويحب يتحكم هو ثاني وصار بينامشكلة لاني شفت خطيبي القديم في رونديفو هوكان محتاجني وهدرنا علي مصير علاقتنا وهوزعف بزاف انابطبعي مانحبش الكدب بصح تفجيت لردة فعله رغم انه مستحيل نرجع لخطيبي لانه قررت خلاص بصح الثاني ردةفعله كانت متخلفة ظنيته قاري وفاهم ويسكن بفرنسا طلع متخلف عييت انا عييت

مانحبش ليتحكم فيا مانحبش ليقولي ماتخرجيش مانحبش نشاور حد مانحبش ليقولي لبستك مش مليحة عييت

[مراد سابقا10]

شوفي انت تقولي يقولوا عليك لبستك ماشي مليحة وبلي مبغيتيش واحد يتحكم فيك

بصح الشرع يقول زي يقول المرأة لازم تكون محتشمة ولازم راجل يسير فيك

المهم انت حرة في حياتك وعيشي حياتك كيما تبغي لهذا اصبري حتان يجيبلك ربي

واحد كيما انت متفتح.

بصح نعطيك نصيحة اذا خرجت كونتر الدين رايح تهلكي في الدنيا والاخرة .

[بـــيِسَة]

السلام عليكم .
لا تقولي بأنه متخلف لأنه يحب التحدث معه في الهاتف و يتحكم في دخولك و خروجك و يطلب منك لبس الحجاب
بالعكس أغلب صفاته التي ذكرتيها تدل على أنه رجل بمعنى الكلمة و محترم
أختي ليكن في علمك بأن الرجل يتدخل في خطيبته او زوجته و يتحكم في بعض تصرفاتها
و معظم الرجال هكذا شئت أم أبيت
لذا حاولي التغيير من نفسك قليلا تنازلي ان طلب الأمر ذلك أين المشكلة
ربي يجمعك مع الشخص المناسب في الحلال .

[حورية تو]

لكن معظم الرجال هكذا يحبون معرفة أين ذهبت خوفا عليك وليس تحكما لكن بدرجات متفاوتة فهناك من له غيرة مرضية أو يعاملك وكأنك شيئ كرسي مثلا يضعك حيث شاء ...لذا خدي الأمور من وسطها ، أما بالنسبة للباس فهناك من لا يهتم پأمر الحجاب خاصة إذا كان لباسك محترم..
غيري فقط بعض المفاهيم فلو تزوجت من شخص لا يهتم إن خرجت أو أبطأت فمع الوقت تجدين الأمر لا مبالاة منه وعدم إهتمام .....وتصبحين في مشاكل أخرى..

[نفحات]

اختي ما خطبك؟ من اين لك هذا؟؟
المفروض في هذه السن تكوني عرفتي بان الزواج ينزلك عدة درجات في السلم
وتولي تحت سلطة الرجل اللي يفوقك درجات هكا دارها ربي سبحانه
يعني انت حابة تفرضي مفهوم جديد مستحيل يتحقق في ظروف طبيعية
معناها اذا لقيتي الرجل االي يخليك تطلعي وتهبطي وتروحي وتجي بلا ما يتكلم
او ما يهتمش بلبسك او سلوكك وما شابه هنا لازم تشكي في رجولته ونخوته وشهامته وغيرته
انت طالبة المستحيل، ربي دار الرجال قوامين على النساء باه يكونوا النساء محميين طوال الوقت
لان المجتمع لا يرحم ولانهن يحملن عرض العائلة باكملها ماش باه يطفيك ويغمك كما صورت لنا
وايضا كيف تتوقعين ان تدخلي مرحلة جديدة من الحياة مع اناس جدد وفي اماكن جديدة ومع ذلك لا تتغير حياتك
اي فتاة تعلم علم اليقين انها بزواجها من اي شخص لن تبقى على الحال الذي كانت عليه عند ابيها
ستضطر للتاقلم مع زوجها وعائلته وهكذا تستطيع الاستمرار والتقدم في حياتها
انت يا اختي للاسف كازلتي ما نضجتيش وخاصينك بزاف حوايج ولذلك حاولي اولا التقرب الى الله عز وجل والتفقه في دينك حتى تعرفي مالك وماعليك
وثانيا كوني نفسك اجتماعيا وعاطفيا، وحاولي ان تتعلمي اساسيات الزواج قبل التفكير في الارتباط لازمك تكوين مافيهاش هدرة
وعالجي نزعة التحرر التي تعانين منها فهي لن تخدمك ابدا بل العكس ستنغص عيشك لانها ومن دون شك مبالغ فيها وفي غير محلها
غيرة الرجل على المراة من اساسيات الزواج يجب ان تتعلمي تقبلها وتثمينها كما يجب.
انا لا اتمنى لك ان تلقي رجلا على هواك ما دمت بهذ العقلية لاني اعلم بانك ستندمين على ذلك خاصة اذا كنت انسانة عاطفية
لذلك ارجو ان تتصحح مفاهيمك وان تنظري للحياة بعين واعية وان يرزقك الله برجل يكون لك الستر والدفء والحماية والغطاء
ربي يرضينا بما قسم لنا

[قدور بن عاشور]

لي يسقسي عليك و يخاف عليك و يغير عليك متخلف!!!!!
راجعي نفسك يا بنت الناس.

[Ranim mi]

غريب علاقتك به انتهت او بالاحرى علاقته بك انتهت
و80 % 90 % كلام عنه واش كان يدير
خلاص سيرة وانتهت
وتاع نحب نتحكم في روحي انسايها الا اذا واحد شذ عن القاعدة
هذي عقلية dz
لكن كيف تكون حياة زوجية ولي هذا خارج براسه
لازمها حكاية نسبة من التنازلات
شوي مش كل من زوج مش واحد

[kazilo]

اختي لو طحتي في واحد بايعك وما يسالش عليك وما يهتمش بيك كنت راح تكرهيه ايضا هذا الي يسال عليك معنها يحبك ولهذا تزوجي لي يحبك

[روح المي]

المشكل الذين تقولين متخلفين اغلب الرجال ....
وكاين نوع اخر مزال مشفتيه الديوث لي يقلك كيف تخرجي ديري مكياج ولبسي سروال باه يشوفوك صحابو ....ربي يبعدوا علينا
سمحيلي انت تحبي واحد هك او هك ؟
ثم ان الثاني لم افهم انت على علاقه معه وتلاقيتي بخطيبك مخي حبس يا اختي
عندك نقص في فهم علاقة بين الرجل والمراة ونقص في الجانب الديني
الحجاب عبادة وكامل رانا مأمورين بستر انفسنا حتى لا تاثمي لما يشوفك واحد في شارع
وتخيلي لو تموتي وانت بهذاك اللباس ؟ عندما يقال لك اعطيتم كل هده النعم لما عصيتي الله ؟
حضري اجاباتك
الدنيا فانيه واخرتها موت يعني قبر
من الان لا انصحك بالزواج حتى تعدلي حقوق ووواجبات الزوجة فالاكيد على راسها طاعة الزوج
وربي يهديك ويهدينا

[ميهانيدار]

يا ختي مدام قررتي ترتبطي كان علابالك بلي الراي راح يكون مشترك ماشي كلشيء من راسك وعلاقاتك وتصرفاتك محدودة وخاصة اذا كنتي تعرفي نوع الشخص و عقليتو ما تتخلعيش من ردات فعلو يعني
أما عن رايي انا شخصيا ضد فكرة الارتباط ونتي في مرحلة الدراسة * كل وقت الو ويراكي معامن خرجتي وقفة مع زميل على جال ورقة تنوض عليها حرب ممكن*............... يا اختي ضغط كبير و شخص يتعامل معاك على انو طايح من الجنة ونتي من الجحيم علاه عليك الاسلوب يلعب دور بالتدرج والحسنى
وهاذيك نتاع عرفتي وحدوخر وعاودتي رجعتي تتعاملي مع الاول جياحة شوي اثبتي على راي و زيد التفتح ماشي هاك وافريقيا ماترفدش هاك صوالح

[اسماعيل 03]

السموم اللي نشرها الإعلام الهدام للأسف
أقراي آيات وأحاديث العلاقة بين الزوج و زوجته وواجبات كل واحد تجاه الآخر بالاك تتبدل نظرتك
تفكرت كلمة للرافعي يقول فيها :
" العجيب أن سر الحياة يأبى أبدًا أن تتساوى المرأة بالرجل إلا إذا خسرته.
والأعجب أنها حين تخضع، يرفعها هذا السر ذاته عن المساواة بالرجل إلى السيادة عليه."
كاين مقالة ننصحك تقرايها بعنوان:
أيتها الشرقية! احذري احذري!

ربي يهدي نسانا باه يطيعو رجالهم ويرضو ربي

[- HOCINE -]

إذا خرجت الزوجة من بيتها بلا إذن من زوجها لعنتها الملائكة حتى ترجع

[يوسف زكي]

أول نصيحتي لك: (( اهجري معهد الموسيقى تستقم أحوالك )).
ثانيا الفتاة لمّا تنتقل من شخص إلى شخص تصبح سلعة رخيصة في يد هؤلاء و أنا متّأكد أن من تعرفتي إليهم لا أحد يريدك زوجة إنّما تمضية وقت و ستكتشفين ذلك و لو بعد حين.من أراد الحلال فالطريق الشرعي معروف .
أسأل الله أن يردّك إلى جادّة الصواب .

[Amir ami]

حسب ماتحكي يا ختي شخصيتك قوية وهذا شيء جميل.اظن علاقاك مع
ابوك. ممتازة يبدو أنه أعطاك ثقة في النفس. و بانية يا اختي معجبيك كثير حاولي تختاري بعناية.

[كريمة1900]

تبدو اغلب التعليقات ضدك ونا نقولك انتي على حق انا اكبر منك سنا ومتزوجة عندي كامل الحرية كي اسير حياتي كما احب وهذا لا يتعارض مع الدين بكل بساطة عندما تتزوجي ونتي كبيرة متعلمة مثقفة فاهمة مكيش بحاجة لرجل ليسير حياتك ويتتبع خطواتك كيشغل مديك مولات سبعة طاش هذا خطا فادح في المجتمع للاسف الرجل الجزيري بطبعه يحب التحكم في حيات المراة مهما كانت صفته لاكن هذا العقلية المفروض تختفي ربي مخلقناش عبيد اعطو مساحة لبعضكم هذا يزيد من رقي البشر ولازم نتعلمو انو الزواج مشاركة وليس سيطرة واحتكار