الاكتئاب حول الزواج ادخلوا بسرعة

[مشكلتي]

ارجوكممممممممممم اعرضو ا الموضوع و بسرعة لاني اتعذب
ارجوكممممممممممممم ساعدوني ارجوكم دخلت في حالة اكتءاب كبيرة و اريد الخروج منها في اسرع وقت
المشكلة هي باختصار اولا بعض الخلفية عني انا فتاة 29 سنة لكن ابدو صغيرة في الوجه و كذلك لاني نحيفة جدا ...المهم درست ليسانس عملت عملين و توقفت عنهما و الان حاليا انا بدون عمل و ابحث لكن لم اجد حتى في وزين لدي مشاكل عاءلية ضخمة جدا منذ 15 سنة و هي سبب ثقتي بالنفس المنعدمة ...لطالما اردت السكن وحدي لكن هذا مستحيل فانا معنديش حتى عمل ثابت
لطالما كرهت الزواج كنت احب الدراسة فقط ثم اصبحت اريد العمل فقط ....اريد ان اكون ناجحة و لدي منزل وحدي و افتح قناة في اليوتوب و اعيش مع كلاب و قطط فقك و احلم بالهجرة صراحة انا اكره الزواج لاسباب ( اولا انا شخص معقد و حتى انني ارتدي الكثير من الملابس و احب اللباس المستور جدا و كما تعلمون الزواج يوجد به عكس ذلك تماما فالزوجة يجب ان ترتدي لباس معين ثم ان العلاقة الزوجية هي اكثر سلبية و مسؤوليات الزواج صعبة مثل العمل الداءم في المنزل و تربية الاولاد ...تلخ ) و اظن انه لا يمكنني تحمل ذلك ابدا
و لهءا لطالما كنت وحيدة يعني عازبة في الماضي في الثانوية ادركت ان الذكور يبحثون فقط عن من هي جميلة و لهذا عندما كان لدي معجبون في الفيسبوك لم اكن اتجراء ابدا ان ابعث صورة او اذهب لمقابلة لانني لست مثالية لست ملكة جمال او عارضة ازياء مع اني جميلة كما يقولون لكن ثقتي بالنفس منعدمة ارى نفسي متوسطة الجمال او ملامحي الاخرى تعجبني لكن الانف كبير قليلا فاريد ان اعمل عملية تجميل الانف اولا و البس ثياب غالية لكي استطيع الذهاب الى مقابلة
المهم انتهت تلك العلاقات الفيسبوكية منذ 2013 و كل هذه السنوات الى يومنا هذا و انا في العزوبية و لم احاول حتى الدخول في علاقة او الزواج كما قلت سابقا هذا بسبب الثقة بالنفس المنعدمة و المشاكل العاءلية و كرهي للزواج و الانشغال بالنجاح فقط في الدراسة و العمل
الى ان ........التقيت منذ ايام بصديقتي صدفة من الثانوية كانت قد اصيبت بمرض نفسي و اكتءاب حاد و اخبرتني ان السبب هو ان جميع صديقاتني في الثانوية قد تزوجن و انجبن اولاد و ان واحدة متخلي روحها توصل لسن الثلاثين بدون زواج واننا الان عجايز و فاتنا قطار الزواج و واحد ميدي واحدة كبيرة في العمر و ان عدم زواجنا لحد الان هو نهاية العالم و قالت لي انني كبيرة و نتاجي زوجو و انا مزلت حاطة روحي صغيرة و اننا ضيعنا اعوام العشرينيات في الباطل و فات الاوان الان على ان نلبس لبسة انيقة و فات الاوان على الدخول في علاقة ...الخ ........صراحة حطمتني كليا بكلامها و اعطتني طاقة سلبية كبيرة روحت للدار محطمة و مدمرة كليا و بقيت اتذكر كلامها و تاثرت به لدرجة كبيرة
خاصة ان بعدها صديقتي المقربة ستتزوج زواج تقليدي و تذهب لولاية اخرى و ديقة اخرى كذلك ستتزوج لولاية اخرى انا فقط من ستبقى هنا في نفس الولاية
و خاصة كذلك انني وجدت فيسبوك صديق لي قديم و قد تزوج و لديه ابنتان و هاجر الى كندا....جاءتني صدمة عندما عرفت لانه لم يكن من النوع الذي يريد الزواج و تذكرت انه طلب مني مرة عبر الفيسبوك علاقة غرامية مع انه لم يراني و لكنني رفضت و طلب رقمي و رفضت تخيلو كنت لست واثقة حتى في صوتي او صورتي و الان رايت زوجته هي عادية في الجمال حتى ان انفها كبير ......عرفت انني ضيعت فرصة التعرف عليه و قلت ربما لو ذهبت للقاءه و تكلمت معه لكان كاين مكتوب بيننا و لكن لم افعل لاني اردت ان اكون مثالية .......تحطمت كليا خاصة و انني ارى اصدقاءي يتزوجون الواحدة تلو الاخرى و حياتهم تتغير و تتقدم اما انا فحياتي متوقفة و ثابتة
و لا يوجد بها اي تغيير للافضل .....اصلا هوما تزوجو وانا مزلت في المشاكل العاءلية و مزلت لم اجد عمل و مزلت نفكر نعاود الباك .........المشكل انني لست مثلهم لدي احلام اخرى غير الزواج مثلا الهجرة و ان اكون غنية و امتلك بيت و سيارة
الان ماذا افعل ..لازم نقلب روحي كيفهم ؟ .....هل انا غير عادية و هوما عاديين .....لكن كلهم يتزوجون من دون حب يعني يلقاو شخص مناسب و خلاص...لكن انا ابحث عن شخص وسيم و ثري صراحة لاني عندي صعوبة في تقبل الاخرين اذا كان انا نفسي مش طايقتها ....
و الان حتى لو ادخل للفيسبوك مازلت لا استطيع تقديم صورة او مقابلة و برى لا احد يتحدث معي لاني نحيفة و ارتدي لبسة غير انيقة
ما الحل والله كرهت ......،هل ابقى عازبة طول العمر و لا اتزوج ماذا لو ندمت عندما اكبر اكثر ....ساعات نقول اليسا التي غنت جميع اغاني الحب و العشق لم تتزوج و قالت انها لم تخلق للزواج و الانجاب صراحة انا كيفها احس اني لم اخلق للزواج ...و لكن هي غنية و اكيد عندها منزل لوحدها ....انا منزل معنديش اذا ماتت الام مستحيل ابقى مع الاخ وحدي لانه تاجر مخدرات .....
ما الحل ارجوكم ذهبت لطبيبة نفسية قالت لي بان كلام صديقتي خاطىء مية بالمية و ان الزواج الحاجة الوحيدة المليحة فيه هي الاطفال و الباقي كله سلبيات و ان الزوج عدو اكثر من الاب و الاخ و ان عادي لو ان الواحدة تكون 35 او 40 و غير متزوجة يمكنها ان تسافر و تعيش حياتها عادي و ان الزواج مكتوب ربي اذا جا جا و اءا مجاش يعني ربي اللي مش كاتب ......صراحة حتى بعد ذهابي لهذه البسيكولوغ لم اتحسن ابدا و مازلت في الاكتءاب و الحيرة العظيمة هاذي
انا احب العزوبية و ان اكون سنجل و حرة لكن في بعض المرات احس بالوحدة و اتمنى علاقة غرامية مع شخص مناسب في الحقيقة و ليس في الفيسبوك و في نفس الوقت لا يمكنني تحمل مسؤوليات الزواج او الحياة الزوجية بصفة عامة يعني احس ان الحياة الزوجية ستجعلني تعيسة و كذلك حياة العزوبية ستجعلني تعيسة كذلك خاص و ان الجميع تزوجوا اتمنى ان تكونوا فهمتو علي مشكلتي قبل ان يفوت الاوان اكثر و تمر سنوات اكثر انا اسالكم الان
ما الحل ارجوكممممممممممم ماذا افعل ؟

[مراد سابقا10]

انت عندك فراغ عاطفي فريغيه في العمل او كاش هواية الى ان يأتي مكتوبك

وكوني متاكدة اذا انت صادقة مع الله الله سيصدقك ويبعث اليك رزقا جميلا .

[ايمان4]

راكي صغيرة عادي ... شوفي كاش اوروبي او تركي مسلم من كاش مواقع تواصل إجتماعي او مواقع مخصصة التعارف او حتى ماليزي ... مساكين و بلاداتهم ملاح ... يعني تقدري تعيشي مليح و عندهم تعب أقل في حياتهم لانو الماكلة رخيسة و المعيشة رخيصة ... يعني يتعبوا أقل و تحوسوا أكثر يعني تضربي عصفورين بحجر اتزوجي و تبعدي على العقلية السلبية و المريضة و اتزوجي زواج نوعا ما مريح و الاجانب مش كما للجزايريين من ناحية العمر و الزين ... ناس اكثر إنسانية مرات تحبريهم ... لانهم يقدروا الانسان لنفسه مش كما هنا يقهروا الانسان و يحقروه بالعين ... طبعا مش كل للجزايريين لكن كاين نسبة صعاب بزاف ... و ديري في بالك كاين لي تزوجوا و تطلقوا بالدراري يعني ضديقتك السلبية قزليلها الحمد لله ما تزوجناش و تطلقنا مزال عزبات ... و ربي يوفقك

[زهرة ملوح]

جبلتي الاكتئاب حتي ليا دخلتني في واحد الدوامة وليت مانعرفش رجليا وين جايين ولا راسي وين جاء
المشكل وينه افكارك متبعثرة فكرك مش منظم ماتعرفيش واش تحبي اصلا ولا عندك هدف بالحياة صح عندك اسلوب حياة معين تحبي تعيشيه ولكنبنفس الوقت بتتآثري بالاخرين وتحبي تقلديهم
انا لم افهم انتي مع الزواج او ضد لزواج؟ ماهو موقفك من الزواج اصلا اسالي نفسك لما تريدين ان تتزوجي؟ هل من اجل ان لا يقال عليكي عانس ولاجل فقط انك تقلدي غيرك من نتاجك؟ ولا من اجل انه لازم وضروي؟ اولا سقسي روحك علاه تحبي تتزوجي واش هدفك من الزواج بحد ذاته؟
انتي واش دخلك في نتاجك اذا تزوجه ولا طلقه؟ لازم تعرفي حاجة واحدة برك راهم يقلدوا بعضاهم برك باش كي تسمع واحدة عليهم تتفجآ كيما تفجآتي انتي كي سمعتي علي صاحبتك لتزوجت باش يوليو حديث ساعة وتلقايهم يتزوجه برك باي نكان كيما جات كلات ومايعرفوش اصلا ماهو هدفهم بزواج
انتي صح ضيعتي بعض وقتك مع انه كنتيتقدري انك تديري كلشي من لقلتيه هل دارسة والعمل يمنعونك عن الزواج؟
واليوتيوب تحبي تفتحي يوتيوب هههه توري روحك ؟ ياك تحشمي؟
ضحكتني كي قلتي تحبي تعيشي مع القطوطة هههههههههه
مافهمتش حاجة انتي محترمة ولالا؟ في الاول قلتي ماتقدريش تلبسي كيما العرايس ومبعد قلتي نحب نقابل رجال في الحرام؟ كي عاد عندك عادي تقابليهم في رونديفو ملا علاه مدرتيهاااش؟؟ كي عاد راكي تحشمي تلبسي ملابس العروس وتشوفي علاقة ...... تستحي بصح كلامك الاخر لا يدل انك تخجلي مافهمتش متنافقضة ومشتتة افكارك كلها مخربطة الان ساتبع تعليقي لكي بحلول امل انك تسفيدي منها

[زهرة ملوح]

اولا كلامك صديقك وكلام بسيكلولج المعقدة التي هي بنفسها تحتاج لعلاج والتي قالت لكي زواج للاولاد فقط والزوج وحش انسفيه من راسك وكلام صديقتك انه تاخر عنكي وقت لكي تلبسي ملابس انيقة الانثي يمكن ان تكون انيقة باي عمر
انتي تفكيرك مادي يعني تريدين زواج من غني؟ وهدفك انك تصبحي غنية ؟ علي كل انتي حرة ولكن اختيار زوج لا يقوم علي الوسامة والغني انما علي مدي تفاهمكم مع بعض ، ههههه ضحكتني لما قلتي انفك كبيررر و لما قلتي تريدي تقابلي شخص وتشوفيه ولكن انفك كبير وتحبي تعملي عملية هههههههه ووالمشكلة ان لتزوجها اقل منك جمالا وانفها كبيرررر وهل انفها اكبر من انفك؟ هي واثقة من نفسها وانتي يا قطة يا صغنطوطة لستي واثقة من نفسك
هل هذا رجل تحبيه هذا لراح لكندا؟ حتي ندمتي عليه؟ انا ولا مرة ندمت علي شخص شفت واحد من لكان معجب بيا ناشر صوره بين البلدان يحوس دراهم طونبيل مي جامي حسيت بندم لوكان يجيني لالف مرة مصيره طرد مستحيل نندم علي اي شخص لم احبه فقط لانه صار ناجح ؟ نجاحه لروحه واش دخلني فيه
تندمي علي شخص لكان يحبك صح وكان ناس ملاح وخليته وي ماشي نندم علي كل معجب ليا برك لانه ولي غني لالا هذا غلط لاني كي نرفض شخص نرفضه لذاته وليس لانه فاشل او ربما لم اكن مستعدة المهم جامي ندمت علي اي شخص لاني مقبلتش بيه
والخارج اذا بغتيها لازم تروحيلها بنفسك المال والنجاح اذا بغيتهم لازم تجيبهم بنفسك وليس برجل وما يهمكش صحاباتك لتزوجه لا تقلدي الاخرين خليك بنفسك

[زهرة ملوح]

علي فكرة اليسا لتقولي عليها هي مش ماتزوجتش لانها غنيةة برك انما اليسا عندهاش كلش عادي راكي فاهمة علي زعما اليسا تكون صح مدرت والو مانصدقش هي راهي متحررة اكثر من لازم ماتقرنيش روحك باليسا اليسا تزوجت بدون زواج الف مرة مع ظ¢ظ*ظ*ظ* شخص دونك اخطيك منها
وروجي اشتري ملابس حلوة والبسيها وعملي عملية لانفك الذي عقدك وتزوجي كيما صحابتك كي عاد كل همك الزواج

[عاشقة الكواكب]

وعليكم السلام
حبيت ندخل في نقطة الشكل فقط ولله كي تشوفي روحك نتي مليحه تتنحالك ذي عقدة و ميهمكش نيفك كبير او نو عادي ولله كاين ملكات جمال حتى وإن تزوجوا مهمش مهنيين وكاين ضعيف جمال وعايشين لابال في مي على كل انتي متهمتيش بشكلك أما لباسك المهم يكون نظيف ومحترم مراحتش انيق او نو مي يكون عندك ذوق ليس بشيىء


أما تع عمر مزالك انا شخصيا جاو ليا بزااف في عمر 26.29. مع اني غي أواخر 18 سنه ومتقوليش نتي شافوك صغيرة وزينه انا عادي ورقيقه كثر منك 50 كلغ ونبان في سيام مع اني جامعيه دونك يا اختي حبي روحك وربي كي يجيبلك مكتوبك ميديه حد مي
الشيء لي يحبوه رجالوكا أنوا المرأة تكون على حياء خارجا و ماشي تع علاقات لذا اقطعي عليك فيسبوك و هم تاعه ومتقارني روحك بحتة وحده
وكمثال ابنه خالتي عمرها 39 وهاهي بعد سنين من عمل و دراسه وقعاد في دار رح تتزوج لاول مره


ايبا تنظفي غبار علىى روحك و كونك جريئة شويه مكانش هادي تحبيش ونحب لازم كي تتزوجي متحشميش من هادوا أمور رآه حلالك
وخليك من هدرات صحبتك وثقي بالله و الله لا يغير بقوم حتى يغيروا ما بأنفسهم

ربي يجيبلك مكتوب الحلال يفرحك

[بشرئ عاشقة العلم]

مع الاسف اختي انت ركي قاع مخلطة و افكاركي مشتتة ،مع اني فهمت مشاكلك جيدا ، يعني انت ركي في صراع عاطفي مع نفسك ، من جهة ركي باغيا تعمري هذ الفراغ و من جهة اخرى تتحسرين على مافاتكي من عمر لم تفعل فيه شيئا مثل قريناتكي....و في نفس الوقت تجدين نفسكي انكي غير مؤهلة لمسؤوليات الزوج **من لباس و ما ذكرتيه...**و الاولاد *من تربية وطبخ....**هي فعلا مسؤولية كبيرة و لا يجب ان تعتقدي ان كل النساء يقمن بها على اكمل وجه ، كاين لي غير قدام الناس متزوجة بالاسم برك ، ولكن لا قيام بالدور الامثل كزوجة و ام و لا هم يحزنون ، ولاكون صريحة معكي ، اظن انكي و على الرغم من كونكي شخصا مكتئبا بالفعل و لكن على الاقل تنظرين للامور بنظرة واقعية جدا ، و اظن انه يجب عليكي ان تخففي حدة تهويل الامور و خذيها ببساطة اكثر ، و دعكي من الحسابات الزائدة و التناقضات التي يحملها فكركي ....اذ يجب ان تسلكي طريقا معينا تحددين فيه ماذا تريدين بالضبط من اولويات **من زواج ،عمل ....**،لا تظلمي نفسكي اكثر و اذام تقدم لكي شخص صالح لا داعي لرفضه بحجة حب السفر للخارج او العيش هناك ،في الوقت الذي لا تملكين فيه اي فرصة حاليا لتحقيق هذا الحلم **لانه حلم الملايين من الشباب حاليا **يعني لا انصحكي ان تاخري الزواج اكثر من ذلك لانكي ضيعتي حياتك في حسابات لم تكن لها اي داعي ...

[نجاة^^]

السلام عليكم
عزيزتي فالطاقة السلبية عندك راهي بالفائض ومن بين الطرق تخلصي من الناس السلبيين،، حاولي تهدئة نفسك و إعادة تنظيم اوراقك ,,,
اولا عليك ان تفهمي أهدافك ورغباتك و تميزي بين ما تحبين و مايحببه لك الغير ،،للاسف لانك تتأثرين بالآخرين اكثر من نفسك بنفسك ،،،ضرك لازم تعرفي وش بغبتي فالاول قلتي بغيت الإستقلالية وعمل وكذا ومبعد تهدري على الزواج و تقارني مع صديقاتك ووو ،،،حطي ورقة وقولي الصراحة وش باغية !!!!لانو برأيي اللي مش مقتانع بحاجة ميتأثرش بالقيل والقال ،،،
وانصحك يا اختي الرزق كامل عند ربي ادعيه وقومي الليل في الثلث الأخير وكثري الإستغفار تتسع¨م حياتك إن شاء الله
وربي يسهلك

[زهرة ملوح]

ههههه ياريتك تكتبي موضوع اخر وتفهمينا حالتك انا مزال مافهمتهاش حبيت نعرف برك انتي محترمة ولا دايرة كيما البنات الاخرين؟ تعرفي ان الزواج مسؤولية كبيرة انتي لتتحملي مسؤولية عكس الان لازم تطيبي وتغسلي حوايج وتنظفي الدار وتحملي مسؤليتك ونتاع ولادك وراجلك شحال صعيبة اما ضركا مراكيش محملة مسؤلية احد تنوضي وقت لتحبيه وترقدي وقت لتحبيه انتي حرة والماكلة جاهزة فرق شاسع وزيد الاصعب انك لازم تديري حوايج مش ملاح الزواج فيه علاقة.... راكي فاهمة ولازم تلبسي غير عرياني خصوصا في الليل يا مسكينة شحال غضتيني هههه وحتي في النهار لازم تلبسي عاري وانتي عندك عادي ولالا؟ لفهمته منك انك حشمتي تدير هكذا برك لانك نحيفة ولوكان جيتي سمينة تقبلي تتعري؟ ويشوفك راجل عريانة وتتصوري روحك انتي تديري اشياء هذوا؟
مانعرفش طبيعتك انتي بصح بنات الناس ليقوله عليهم محترمات ماعندهمش مانع يديروا كل هذه الاشياء بصح في الحلال مايحبوش برك يديروا في الحرام فهمتي كيفاش يعني مش كيما احنا هما عندهم عادي اصلا مايقبلوش برك يديروا بالحرام فهمتي هما عندهم رغبة ومايحشموش ويقدروا يديروا كلش كيما البنات هنا قالولك ماتحشميش حلالك شفتي كيفاه يعني عندهم عادي فهمتي ،اما انك تصوري تديري هكذا كيما ..... فهمتي تقبلي؟ حتي لو في الحلال زوج يشوفك وانتي تديري هكذا وتديري جاست عيانة ؟ اذا تقدري روحي تزوجي لانك يمكن تغلطي بنات المحترمات زعما يخافه يغلطه في الحرام علابيها يتزوجه بصح احنا مستحيل نغلطه لا في الحرام لا في الحلال مانقدروش نشوفه ارواحنا في هذا الموضع مانقروش حتي نتصوروا
احنا محترمات نتاع صح ماشي فالصو هههه وزيد علبالك المقابلة كي تشوفي راجل قاعد قداامك ياويلي عندك عادي بلاك يحبس قلبك انا لوكان نمد دونديفو لشي واحد قادر قلبي يوقف ونرتجف راح نولي نرقص من الارتجاف صعيبة بزلف سورته اذا تجرء ومسكلك يديك واش تديري؟ حتموتي بلاك علبالك ساهل برك
وكي تهدري بصوت مع راجل راح تحشمي بزاف غير الكتابة لمراحش تحشمي وسائل اخري كلها راح تحشمي فيها بزااف
الناس لوكان عندهم بنات كيفنا ينامه وهما مرتاحين ويضمنه مستحييييل بصح مانعرفش اذا كاين ليحب يكون عنده بنات كيفنا ولا ماكنش هههههه
المهم انتي ركزي في احلامك انتي اذا تحبي الاستقلالية لازم تسافري ويكون لك دار وسيارة وعمل وتعيشي غاية
للاسف الزواج كاين فيه اشياء ملاح مثل يكون لك راجل يساعدك وسند تلقايه في العقوبة واولاد ولكن الزواج مصالح مشتركة راجلك راح يطردك اذا ماكنتش كيما يحب والاولاد مراحش يجيو بساهل لازم تديري حاجة مش مليحة باش يجيو ملا ماعندك ماتديري كوني اصدقاء اوفياء احسنلك وعيشي عزباء بصح ماشي كيما اليسا ولا هيفا ههههه الله غالب الاحترم زيادة عن اللزوم هذا مصيره هكذا تربينا ملا اذا عندك احلام ركزي عليهم وتنجحيخير منهم وزواج خليه علي الله وما تفتحيش سيرته خلاااص واذا مكتبلك تتزوجي لوكان تديري روحك ببطن امك يخرجوك منه ويزوجوك ههههه ملا ركزي في نفسك واحلامك وعيشي كيما تحبي انتي مع القطوطة

[اميرة الامواج]

السلام عليكم

احوجي يانا واش درت حتى قريت هذا الموضوع ....المخلط المجخلط ...قريتوا اكثر من 3 مرات ولم استطيع فك طلاسم الاكتئاب عندك ...

عموما شوفي من الاخر وبدون مقدمات روحي تزوجي راكي روطار بزاف بزاف .بزاف

بنات عندنا 18 سنة لا زين لا عقل لا قراية لا سمانة تشوفيهم تهربي راهم بولادهم وانتي مزلتي تخمي وتحوسي على وسيم وثري ....ياو افطني من نومك العميق ...

خلاص راكي كبيرة ماشي صغيرة لازم تتقبلي فكرة الزواج وتحمل المسؤولية ...

مثلما فتاة 18 سنة تحملت المسؤولية انتي ثاني قادرة تتحملي المسؤولية وخير منها الف مرة ...

لا تهربي من واقعك حاولي ان تستسلمي وبكل هدوء وقولي في نفسك سأكون أسرة واكون نعمة الزوجة ونعم الام ...

ولكن كوني على دراية ان الزواج ممكن ان يكون أمن وسلام وممكن يكون بداية الدخول في حرب لا خروج منها ...

المهم انتي تزوجي وجربي مثلما جرب الكثيرون ....

المهم معك شخصيا عانسة اكبر منك بكثير ولكن اطردي عنك الافكار السيئة والحزينة ...

كم امرأة كانت تريد وتريد وتريد وبقيت هكذا على امل ان تحقق ما تريد لا وجدت نفسها في سن اليأس وبلا أطفال....

فاندمت أشد الندم .


لهذا قومي واستغفري وادعوا الله ان يرزقك الله زوجا صالحا....وذرية صالحة .


سلام من قلب عانسة تحب السلام

[*عبدالرحمن*]

السلام عليكم و رحمة الله و بركاته

اضافة لما تقدم من الاخوة و الاخوات

علي المسلم أن يرضى بقضاء الله

ويسلِّم لما يكتبه الله له ، أو عليه

فإن في ذلك حكَم بالغة

ولا يتعجل في النظر لظاهر الأمر

أنه نعمة أو نقمة

بل العبرة بما يترتب على ذلك من شكر للنعم

ومن رضى بالمصائب

فهمنا يكون مؤمناً محققا لما طلبه الله منه

ويكون مستفيداً من ذلك دوافع تدفعه للعمل

وعدم القنوط واليأس

كما تدفعه لشكر الله تعالى لنيل المزيد منها

[sohaibdz]

راجعي نفسك و صصحي علاقتك بربك

[عزيف]

هذا الذي انت فيه نتاج بعدك عن ربك، اصلحي علاقتك به ثم سيبدو كل تشعرين به تافها و ساذجا....وستنالين الطمأنينة و راحة البال، اما غير هذا فسيظل الشيطان يتلعب بك ويقلبك من حال الى حال ولن تجدي لك قرارا
والله الموفق

[حورية تو]

أي إنسان يمر بمرحلة تشوش يريد شيء و لا يريده في نفس الوقت
حاولي أن تفهمي نفسك جيدا وحاولي الخروج من قوقعتك السلبية أولا وجدي شيئا تفعلينه يحفزك الخروج من كآبتك .طالعي ..أو ..تعلمي حرفة
والأهم من هذا كله الزواج مقدر من عند الله فلا تترك الكلام السلبي للمحيطين بك يؤثر عليكأيضا بما أنك على قيد الحياة فرزقك جاري..ستتزوجين غدا أو بعد غد والعمر لا يهم المهم الرجل المناسب.