زوجتي تحرمني من حقوقي

[مشكلتي]

بدون مقدمات،

انا رجل مزوج من 8 سنوات و نحب مرتي و قاع، بصح في الآونة الاخيرة وليت نشوف مراتي ناقصة على نسا لخرين و ماديرش كيفهم، يعني مع الفتن لي نشوفوها برا الواحد لازم يلقى امراة تضاهي ماهو في الخارج بش الواحد يعف نفسو، لكن زوجتي لا تدري عن العالم شيئا. ملابسها عادية لا تتغنج لا تتدلع لا تتزين الا نادرا مع انها بوبية في الزي. وقتها كامل رايح في مطالعة الكتب و انا حاطتني في الرف. مهم حكيت معاها مرة زوج عشرة و قلتلها يا مرا حرام عليك وش ديري فيا . البسي مليح ديري ماكياج ديري كذا ... والو كي شغل نحكي مع جدار. هددتها قلتها راني نتزوج عليك راني نطلقك. كيفكيف ما امنتنيش مين تعرفني نبغيها و نبغي لولاد . انا تنارفيت و شديت في قلبي و ماولتيش قاع نفتح معاها سوجي هذا. رحت ليما حكيتلها و كانت اختي حاضرة قتلهم القولي حل و لا نعاود زواج. اختي دبرت عليا قاتلي العبها راك تخون فيها و كي شغل راك حاب صح تعاود زواج. طبقت وش قالت ختي و حليت فو كونت تاع طفلة و بديت نبعث لروحي رسائل منو و نعيط لروحي بلمسنجر بلبيسي و نخلي تلفون قدامها بالعاني بش تشوف. بعد عشرات المحاولات بش فاقت و جات تسقسيني اذا نخون فيها قلتلها ايه و بلي حذرتها و بلي رايح نعاود زواج عليها. المرا تبدلت ولات تتهلى في روحها من جميع نواحي و أصبحت تقوم بإغرائي ليل نهار و باتت تتمنع و لا تعطيني حقي في الفراش. و تتحج تقولي روح لعشيقتك ياك راح تتزوج و ترقد و تخليني. قلتها بلي كلش كان تمثيلية زادت تشيطنت و عرفت ماعنديش غيرها و صارت تحرمني اكثر منها.

انا ضك متشهيها و هي حارمتني. واش ندير معاها ؟؟؟؟؟؟؟؟؟؟؟

[sohaibdz]

في عوض ما تغض بصرك و ترضى بالشيء اللي عطاك ربي سبحانو انت لا ، خليت اختك تسمع بحكايتك ...

[روح المي]

السلام عليكم
اولا ما فعلته انك ادخلت اطراف اخرى في الحكاية .........وهنا المشكل تتفاقم عكس لو حاولت اكثر من مرة معها لكن مع تغيير الاسلوب الاكيد ان زوجتك لم تفهم او انك جرحتها فقط لذا لم تستجب لك كل مرة بما انها محبه للكتب هل جربت ان تشتري لها كتب تتحدث عن هدا الموضوع يعني اقرا الكتب وما يعجبك اهديها اياه ....ستصلها الرسالة ودون حرج
علليك التاكد من ان اختك ووالدتك لم يجرحاها بالحديث ...وان كانت تتمعن فقط تريد ان تصالحها بكلمتين طبعا نحن نساء نحب ان نتدلل ....وعليك ان تصبر لدلالها حتى تهدأ هي
وحاول ان تفهمها الموضوع من منضور ديني ونفسي وانك لاتريد غيرها وان تحبها ووووو ..........ومثلا يمكنك ان تساعدها في كا تريده مثلا ما تحب ان تلبسه يمكنك ان تشتريه لها وهكدا امور.....والاكيد حاول ان تعطيها نقود وتاخذها للمحلات وتقترح عليها....يعني بما انها زوجتك ولك سنوات بنقاش وحاول ان تفهمها حسب عقلها هي......لا كن احذر ان تشعرها انك ترفضها على ماهي عليه الان ....الحوار ثم الحوار ثم الحوار.....عليك ان تتناقش معها حوار مفتوح حتى تحل المشكل ولا تتهرب من الحوار....فالاولى ان تتحدث معها لا ان تتحدث مع امك واختك .....وعليك ان تكون صادق مع نفسك ربما هناك امراة اخرى اردتها هدا الامر من زوجتك ...والمراة تحس بذلك

[قدور بن عاشور]

رحت ليما حكيتلها و كانت اختي حاضرة قتلهم القولي حل و لا نعاود زواج. اختي دبرت عليا قاتلي العبها راك تخون فيها


ما هذا يا هذا؟

[حورية تو]

أول حاجة لازم تفهم أن كل إمرأة تكره أن تخرج أسرارها الخاصة مع زوجها إلى عائلته*
ثانيا لما يكون عندك مشكل مع زوجتك إجلس معها وابحثا عن حل يناسبكما اسمع لها وتسمع لك ،أما التصرف الذي قمت به وهو التظاهر بخيانتها فلا يمت إلا بشخص مراهق التفكير

[ابو سليمان10]

الرجل يجب ان يتفذ بعد التهديد
و ان لا يهدد بما لا يستطيع تنفيذه
قلها انك تريد حقوقك و ان لم يتغير شىء تتزوج
و ان لم تعطك فتزوج حقا و ليس تمثيلية

[Ranim mi]

ياحليلي
زوجتك ماعطاتكش جاي تشكي هنا مفهمتش
تحوس نقنعوها
وماتزيظش تسمعي لفلانة وعلانة اي الواقع
كن رجل حاورها اعرف المشكل وفضوا السوق باي حل بعد التفاهم