♥مطلوع امي♥ بالغرامات وبالتفصيل الممل♥ رائع من مطبخي♥

SarSouRa28 · 2013-05-30, 12:48

سلام الله عليكم حبيباتي
ليوم جبتلكم مطلوع هايل وخفيف وبدون لباب من مطبخي

بسم الله نبداو
وحد 150غ دقيق و 750غ فرينة وملعقة كبيرة ماشي معمرة خميرة وكيفها ملح سنوج وحبة الحلوة وملعقة صغير سكر باه تجيك حمرة و مبين 300 و 350 ملل ماء دافئ
نخليكم مع الصور
هذا الكاس لعبرت بيه -ديرلكم 3 مطلوعات متوسطة الحجم-

ويساوي 150 غ من جيهة الفرينة

وزوج نوص كيسان فرينة

كل واحد يساوي 300غ يعني 2ونص تساوي 750غ

مغرف خميرة

وملح

نزيد سينوج وحبة الحلوى

ونعجنهم مابين 300 و350 ملم ماء

رايحيين نتحصلوا على عجينة يابسة شوية

نخلوها تريح وح 10د باه تعونا في العجن

ومبعد نبداو نعجنوا فيها وهي يابسة منزيدوش الماء وهذا هو سر هذا المطلوع

اذا تحبو ونتوما تدلكوا فيها رشوها غير مابين صباعكم بالماء ماشي بزاف غير شوية باه تعونكم

ابقاو ادلكوا مابين 10 و 15 د حتان تولي طرية ودير في بنابل ليطرطقوا مابين يديكم وكل ميكثروا كل متجي اممممممم

هنا خلاص

نقروصوها ونخلوها تخمر ماشي بزاف غير قيصها انا خمرتها وحد 30د -محطيتهاش في بلاصة سخونة غير في كوزينة-

نديروها تطيب غير تبدا دير في بنابل نقلبها على الجيهة الاخرى

شوفوا كنقلبها كفاه تتنفخ كيما العيش تاع سوريا -ربي يفرج عليهم ن شاء الله-

ونحمروها من لجيهتين وكتطيب نطيب الحواشي على الطابونة وهاي طايبة ومن لداخل

لا لوباب ولا والو وزيد تفتح وحدها من لداخل

شوفو صبعي كفاه راه كحل

انا بلوند شعري صفر وصخفت على لكحل كرحت للبلاد جبت معايا صبغة كحلة وبدعت بيها روحي واش نحكيلكم يديا جبهتي رقبتي حوايجي دوش .....كلشي صبغتوا معايا

نتمنى اني فدت ولو وحدة فيكم ادعولي ربي يرزقني بالذرية الصالحة

souzie · 2013-05-30, 12:52

شكرااا سرسورة ههههه نسيت راني بديت خلايع تاوعي جربت ديول هادوك و تاني كيكة دانيت مامنوش دارنا قلولي هادي نتي درتي كامل هادو هههههه معرفتش كيفاش نحطهم في منتدى كون وريتلك كيفاااش خرجولي

SarSouRa28 · 2013-05-30, 12:56

اقتباس:

المشاركة الأصلية كتبت بواسطة souzie

شكرااا سرسورة ههههه نسيت راني بديت خلايع تاوعي جربت ديول هادوك و تاني كيكة دانيت مامنوش دارنا قلولي هادي نتي درتي كامل هادو هههههه معرفتش كيفاش نحطهم في منتدى كون وريتلك كيفاااش خرجولي

هههههههه نستعرف بيك حبيبتي هكدا تعجبيني وهاو ليك رابط يوريلك كفاه تحطي الصور ديري موضوعك في قسم الاطباق المجربة شكرا عميرتي لمرورك العطر
https://www.djelfa.info/vb/showthread.php?t=1305923

رحمة من المولى · 2013-05-30, 12:57

ربي يخلييييييييييييييييييييييييييييييييييييك شكرا

SarSouRa28 · 2013-05-30, 13:00

اقتباس:

المشاركة الأصلية كتبت بواسطة رحمة من المولى

ربي يخلييييييييييييييييييييييييييييييييييييك شكرا

انت لربي يخليك ويهنيك على مرورك لنوتي بيه موضوعي شكرا حبيبتي

linat · 2013-05-30, 13:03

بارك الله فيك

SarSouRa28 · 2013-05-30, 13:06

اقتباس:

المشاركة الأصلية كتبت بواسطة linat

بارك الله فيك

وفيك بركة حنونتي شكرا لك

موج و صخر · 2013-05-30, 13:15

امممم مطلوع يهبل
ربي يخليك و يرزقك الذرية الصالحة امين

SarSouRa28 · 2013-05-30, 13:18

اقتباس:

المشاركة الأصلية كتبت بواسطة موج و صخر

امممم مطلوع يهبل
ربي يخليك و يرزقك الذرية الصالحة امين

امييييييييييين شكرررررررررررررررا عميرتي

kokotg · 2013-05-30, 13:28

أم ياسين الزهراء · 2013-05-30, 13:56

يعطيك الصحة

ربي يرزقك بالدرية الصالحة

SarSouRa28 · 2013-05-30, 13:57

اقتباس:

المشاركة الأصلية كتبت بواسطة أم ياسين الزهراء

يعطيك الصحة

ربي يرزقك بالدرية الصالحة

اميييييييييين يارب العالمين والله يسلمك حنونتي شكرا لمرورك

SarSouRa28 · 2013-05-30, 13:58

اقتباس:

المشاركة الأصلية كتبت بواسطة kokotg

وفيك بركة عميرتي يعطيك الصحة

oum anas 69 · 2013-05-30, 14:02

سرسورة الحمد لله على سلامتك واش راكي يا لعزيزة قريت رد للماماك قالت بلي راكي مروحة في الطريق و متحيرة عليك المسكينة ممبعد كتبت بلي راكم وصلتو بخير للبلاد ... واش راكي حنونة و كيفاش عقبتي vacance إن شاء الله لاباس و ريحتي وإستمتعتي مليح مع داركم و راني نشوف بلي جبتي معاك كلش ههههه طابونة و طاجين و منديل و قصعة و خميرة ههههههههه و صبغة هههه وعلاه مدرتيش ليقو في يديك ...... و الله يا مطلوع يهبل من يديك لعزاز الغاليين هكذاك ماتخلي حتى سخفة في قلبك نستعرف بيك إلى الأمام إلى الأمام لا للإستسلام لا للسخفة هههههههه نموت ععليك و الله حابتك تفرحي بالبيبي كيما فرحت أنا بعد 4 سنوات جري و عمليات و إسقاطات و تلقيح و حقن و مواعيد و تحاليل و نتائجها المدمرة ووووووووووو حتى فرج عليا ربي .... لا تيأسي عزيزتي إن بعد العسر يسر و ربي مافيه غير الخير و ربي يعطيك واش أعطاني و يهبلوك كيما هبلوني هههههههه
كي نقعد نكتبلك قصتي ... كثري الإستغفار خاصة أطلبي ربي وقت المطر و ألحي عليه و خرجيلو واش في قلبك هو حسبك .... يا رب

سحر الكلمات · 2013-05-30, 14:07

مشكورة اختييييييييييييييي