الاستاذ علي هزايمه-الستر

[علي هزايمه]

عن الدكتور مصطفى محمود كان فيه راجل بيبيع جرايد جنب حديقة الحيونات بالجيزه كنت اعدي عليه كل يوم بعد توصيل زوجتى للعمل اقف معاه شويه وبعدين اشتري منه الاهرام علشان اتعلم اسلوب الكتابه لكن علمني حاجة أهم من ذلك هذا الراجل علمني درس مهم جدا للعمر. لما كنت أسأله ازيك انهارده يقولي "في نعمة الستر". فاندهشت من الإجابة وسألته ليه الستر تحديدا؟ قالي لأني مستور من كله. ستر ايه يا حج ده إنت البلوڤر بتاعك فيه رقعتين مختلفين اللون فلما أحس بغبائي فبادر بالشرح. ‏ قال الستر ده أنواع:- ‏ لما تكون مريض بس قادر تمشي على رجلك ده ستر من مذلة المرض.! ‏ لما جيبك يكون فيه جنيه يكفيك تنام متعشي حت لو عيش حاف ده ستر من مذلة الجوع .! لما تكون تملك ملابس تحميك من البرد حتى لو مرقعة ده ستر من مذلة البرد.! لما تكون قادر تضحك وأنت حزين لأي سبب ده ستر من مذلة الكسرة.! ‏لما تكون قادر تقرأ الجريدة اللي في ايدك ده ستر من مذلة الجهل.! ‏- لما تقدر تتصل فى أى وقت بأهلك تطمنهم عليك وتطمن عليهم ده ستر من مذلة الوحدة.! - ‏لما تكون عندك أي وظيفة حتي لو بياع جرايد زى حالاتي بس مش بتمد ايدك لحد ده ستر من مذلة السؤال.! ‏- لما يكون ابنك ربنا مبارك في صحته وتعليمه وبيته ده ستر من مذلة القهر. - لما يكون عندك زوجة بنت حلال وشايلة الهم معاك ده ستر من مذلة كسرة الراجل قدام مراته.! الستر يا ابنى مش ستر فلوس الستر ستر نفوس تذكر إنك تملك نعم يتمناها ملايين‏ البشر إنها نعمة الستر. اللهم أدم علينا سترك دنيا وآخرة
سترنا الله واياكم ومتعنا جميعا بالصحة والعافية ورزقنا حسن الخاتمة