اقتراح ادخلوا شاركوني - الصفحة 7

mokky12 · 2012-02-03, 15:49

اختي كي تحضري عجينة النعمة او لمفرمسة حضري العجينةانتاعها في الليل قصديبليها وخليها ترتاح في كو كيطة
غدا تلقايها شبه معجونة
وفي ا لاخير زيديلها مغرفة خل باش مناتتقطعش وانتي تطيبي فيها

my lamis · 2012-02-09, 15:53

توحشتك يا الغالية و توحشت حسك
نشالله تكونو ملاح

ام محمد ميدو · 2012-02-12, 11:21

اقتباس:

المشاركة الأصلية كتبت بواسطة my lamis

توحشتك يا الغالية و توحشت حسك
نشالله تكونو ملاح

تسلمي عزيزتي راكم في القلب مالقري بعاد على العين شكرا حنونتي راكي تفقدتيني في قع مواضيعي الف شكرا يا الغالية

fafou12 · 2012-02-16, 22:21

حبيت انا تاني نشارك ممكن نفيدكم الجلد نتاع الكبش كي تحبو تنحولو الصوف باش تستفيدو بيه ديرو كمية من الجير مع الماء وحطوه علي ظهرو الجهة اللي مفيهاش

الصوف وخلوه مدة قصيرة راح ينسل الصوف بمجرد ما تحاولو تناحوه كانش منتفكر راح نرجع

ام خديجة1 · 2012-02-17, 10:52

بارك الله فيك اختي ام محمد ميدو فكرة رائعة لي عودة باذن الله تعالى

ام راضية · 2012-02-17, 15:46

مبدعة اختي ام محمد دائما بوصفاتك وافكارك
لعمل الانشوا في البيت لانها غير متوفرة في السوق دائما كمية من السردين الرقيق جدا كما نسميه عندنا mange tout اغسليه وقطريه جيدا تم ضيفي له كميه مليحة من الملح الخشن وحطيه في علبة واغلقي عليه جيدا واتركيه في الثلاجة مدة اسبوعين ثم اخرجيه وعاودي قطريه من الماء الدي ستجديه فيه ثم اخرجيه للهواء حتي يجف من الخارج ومن الداخل يصبح مثل المشوي
ضعيه في قليل من الزيت واتركيه في الثلاجة
اتمن ان اكون افدتكم

الدنيا · 2012-02-17, 23:13

فكرة رائعة مفيدة جدا
انا نفيدكم بهذي:
عند تحضير البغرير
كاين اللي يطلي الصابون الصامط
على طاجين الحديد و يمسح لكن
هذي احسن قطعة قماش مغطوسة
في ماء و ملح و ردولي الخبر

soussoudarine · 2012-02-18, 00:57

بارك الله فيكم موضوع رائع مشكورة صاحبة الفكرة وكل الاخوات اللي فادونا بنصائحهم الرائعة جزاكم الله الف خير

ام محمد ميدو · 2012-02-19, 09:43

اخواتي الحبيبات والله غير انا شخصيا استفدت كثيرا من افكاركن الجميلة دمتن ذخرا لهذا المنتدى وجزاكن الله خيرا

janino · 2012-02-20, 09:12

[IMG][/IMG]

السلام عليكم افدتمونا و امتعتمونا بارك الله فيكم هل من مزيد

سمراء الدنيا · 2012-02-22, 11:33

السلام عليكم يا الشاطرات والله غير عجبتني هاذ الصفحة بزاف
و حبيت نشارك مع ان الاخوات راهم وفاو و قامو بالواجب
كي طيبي البغرير في مقلة التيفال طفيها في الماء البارد كل ما تجي ديري لعجين
اذا بغيتي العجين يخمرلك مليح و يجي خفيف سخني الكوكوت شويا وحطي فيها
لعجين و غلقي و ديري الصفارة
ادا حبيتي دشيشة نتاع الشعير اللي نديرو بيها لحريرة ما تخسرلكش و ما سوسش
حطي فيها حبات فلفل صحيح
نتمنى نكون افدت

lyna2007 · 2012-02-22, 12:08

اقتباس:

المشاركة الأصلية كتبت بواسطة ام محمد ميدو

اذا حابة البيتزا طيبلك زين ديريها فوق حجرة سيراميك والفرن يكون سخون ياسر

اختي ام احمد ماذا تقصدين بحجرة سيراميك dalle de sol ou marbre وهل تطيبيها مباشرة عليها ام تضعي السنوى فوق السيراميك

ام محمد ميدو · 2012-02-22, 13:21

اقتباس:

المشاركة الأصلية كتبت بواسطة lyna2007

اختي ام احمد ماذا تقصدين بحجرة سيراميك dalle de sol ou marbre وهل تطيبيها مباشرة عليها ام تضعي السنوى فوق السيراميك

عزيزتي ام لينا جيبي حبة كارلاج او فايانس وتكوني غاسلتيها مليح وديريها في الفور تسخن مليح وحطي فوقها مباشرة العجينة شفت ياسر لي شيف يطيبو فيها هاك تحياتي ليك

** موحدة 02 ** · 2012-02-22, 17:20

اقتباس:

المشاركة الأصلية كتبت بواسطة ام محمد ميدو

عزيزتي ام لينا جيبي حبة كارلاج او فايانس وتكوني غاسلتيها مليح وديريها في الفور تسخن مليح وحطي فوقها مباشرة العجينة شفت ياسر لي شيف يطيبو فيها هاك تحياتي ليك

يا ام محمد راني درتها مرة تكسرتلي الحبة تع الكارلاج بصح حطيتها فوق النار ديركت انت مجربتيها؟؟

أم ياسين الزهراء · 2012-02-22, 17:56

شكرا جزيلا على كل الاقتراحات