وجدت نفسي وحيدة

ام محمد امير · 2015-03-16, 03:42

اليوم سافر زوجي وهذي اول مرة يسافر لمدة طويلة راني حاسة بضيق في قلبي حبيت نبكي نفرغ واش كاين في قلبي رحت نهدر لعجوزي قلت بلاك تحس بيا بدات تضحك عليا!!!!!!!!!مافهمتش علاه !?علاه كي نتحير على زوجي ولا نخمم عليه فيها عيب?قاتلي مالا تحبيه ?هل هذا سؤال?كشما وحدة ماتحبش راجلها،والله حبست من راسي وهي لي زادت عليا وزدت تخنقت مليح.
ادعيو الراجلي يلحق بخير ويروح لدارو بخير وعلى خير ويسهلو امورو
ربي يقدرني على غيابو احبكم في الله

نور الرحمة · 2015-03-16, 09:15

ان شاء الله يرجع بسلا مة ويقدرك على غيابو وادعيلو في صلاتك

knives66 · 2015-03-16, 16:34

عندها والله سبحان

عندها الحق تطر عليك سؤال لانها تعرف مكانش مرأة تحب زوجها

*سندوسة* · 2015-03-16, 16:38

ان شاء الله يرجع بسلامة
وربي يصبرك على غيابو
وبالتوفيق ليكم وربي يحفظكم

Izake · 2015-03-16, 18:17

إنشاء الله يرجع بخير... أنا زوجي غاب عليا غير أسبوع ضاقت عليا الدنيا ...الله يصبرك عليه... واقيلا حنا بنات اليوووم مانصبروش ههههه :d

مريم الصابرة · 2015-03-16, 18:30

السلام عليكم اختي
اولا إن شاء الله يوصل بخير وتطمني عليه
اختي الخوف الكبير هذا لالا ما لازمش ومش عيب إنت تخافي على راجلك او تحبيه وهي ام راهي ضحكت لانو ابنها كبر وراه متزوج ورجعت عندو مرا تخاف عليه مكانها مرا كبيرة راح تتقلقي منها إنت اما إنت تحبيه سؤالها منوي يعني نظن مزحت معاك وبرك لو قلتيلها اكيد نحبو هههه خذي الامر ببساطة انت مقلقة على جال راجلك ما تخلفيش الزعاف فيها
دعيلو ربي يوفقو ويخليهولك ربي هو حامينا وين نروحو وإنت لازمك تصبري مالازمش هو يقعد مقابلك فالدار اكيد يخدم ويخرج ويدخل لازم توالفي

~~ibtihal18~~ · 2015-03-16, 18:46

.مايحس بالجمرة غير اللي كواتو..................ربي يصبرك و ما تنسايهش من الدعاء و حماتك لا تلوميها لانها هي من جيل و انتي من جيل بالاك بنتلها قلت كلام غريب عجيب
اللي تحب راجلها حب صادق و هو طبعا يبادلها نفس الشعور عندها الحق تخاف عليه

ام نهوله · 2015-03-16, 22:00

انا نقولك ادخلي لغرفتك و ابكي و خرجي واش في قلبك و الله غير راني حاسه بيك ربي يرجعهولك بالسلامه حبيت نقولك برك ما دخليش عجوزتك لانك اصلا راكي متوترة
بالعكس راهي امه يعني ريحتو

ام رضوان · 2015-03-17, 18:55

اللهم احفظ الغريب في غربته وارجعه الى اهله سالما غانما امين

ونقولك اختي راكي صح موالفة زوجك وتحبيه وراني حاسة بيك ولكن احيانا مالزمش نبينو حوايج خاصة قدام الناس لانك والله راح

تتضري العين حق ولو حتى من نفسك.

اما بالنسبة لام زوجك احسبى كانو امك اللى كلماتك راهي تبانلي تضحك معاك والله اعلم.

أم مبين · 2015-03-17, 18:58

ان شاء الله يرجعلك بالسلامة وربي يصبرك على بعدو يا اختي راني مجربتها وصح صعيبة ربي يقدرك

ام محمد امير · 2015-03-17, 20:35

يعطيكم الصحة وربي يحفظكم ان شاء الله