مساعدة الله يرضى عليكم

تهاليل · 2013-01-02, 09:58

انا كل مرة نشوف كريمات نتع شانتي وباتسيير ونتع موسلين ونحب نجربهم ومكنش كيفاش ومنين شرينا روبو نتع الخضر هذاك حابة نطبق فيه يلا ممكن تورولي في اي واحدة نطبق كاين نتع السكين جاي كي الفاس وكاين نتع المروحة وزوج اخرين وحابة تانيك وين ندير بطاطا بيري وزبدة لما تكون قطع وين تانيك نخلطها لانو حرت صراحة والعصاير والرغايف(البغرير) والكريب يعني كل شيء الله يخليكم لانو مافهمتش فيه والو وياريت بالصو ر الله يخليكم أخواتي ولكن دعوة بظهر الغيب

تهاليل · 2013-01-02, 17:10

الله المستعان وعليه التكلان 25 مشاهدة ومكنش لي لباتلي طلبي عسى المانع خير

ام رويدة · 2013-01-02, 23:29

يا اختي الكريمات مثل الشانتيي تطلع بالباتور..و ماني مجربة بالروبو غير البغرير والعصائر..حتى بطاطا بيري نفض نرحيها بالرحيوة اليدوية

om anous · 2013-01-04, 02:27

بصحتكم الروبو لعقوبة لحاجة واحدخرى
النسبة للروبو ادا فيه هاداك الطاس الطويل انا ندير فيه العصائر ونرحي فيه حساء الخضر والبغرير والميلك شيك وكاين انواع تاع حلوى تنخدم بيه انا جربت فيه غير البسبوسة بالياغورت تاع الاخت ميميشة تجي هايلة ...وكيما قالت الاخت ام رويدة الكريمات يطلعو بالباتور والبطاطا ارحيها في الرحيوة باش ما جيش معلكة
وربي يسهل ان شاء الله

om anous · 2013-01-04, 02:30

ملاحظة
انا كنت نهدر على اللي فيه موس تاع المروحة

amiramirna · 2013-01-04, 09:27

اليسلام عليكم
انا نظن تتكلمي على هاذا
[IMG][/IMG]
[IMG][/IMG]
اذا لم يكن هو تريني الصورة و سانصحك
واذا هو اليك بعض الادوات
[IMG][/IMG]
اللبرتقال و الليمون

[IMG][/IMG]
تقطع الخضر دوائر (بطاطا غراتان ـ بصل جوانح ـ شكشوكة الفلفل للصيف courgette .....)
و يمكن تكوم عندها اختها ايضا rape اخرى للبصل او الجبن

[IMG][/IMG]
للمايونيز و الكريب

[IMG][/IMG]

هاذا لفرم اللحوم و فرم البسكويت(لبعض الوصفات مثل البنين او لحشو قاطو الفواكه مثل الخوخ او لوصفة قاطو الطبقات ) او اللوز

اذا كام عندك اداة ما شرحتهاش حطيلي الصورة

تهاليل · 2013-01-05, 17:07

شكرا لكن ام رويدة وام انوس واميرة واه راني على الاول صحيتي بزااااااااااااااف ربي يحفظكن ولي في بالكم ربي يحققها ويسهللكم كل صعب يارب

قوليلي رغايف مع نتع كريب، نتع مرحة،وزبدة نديرها في التالية نتع الصلبة والعصايركيمابنان وين نحطه سمحيلي تعبتك