تجي تفهم دوخ ههههههههه

[mohemed.didou]

السلام عليكم

اليوم و بعد مرور 75 يوم من تاريخ الشحن طردين مختلفين تلاقيت مع ساعي لبريد فايت علىدارنا مع شافني بدا يفتش في المحفظة نتاعلوا هههههه) هنا مافهمتش علاش فات على الدار و ماعطانيش الكولي حتى شافني رايح عندوا ) مع وصلت عندوا قتلوا واش ما وصلني والوا قالي واش الإسم مع انو يعرفني كتر من روحو ومبعد أعطاني الكولي بلا ما نمضي هادي اول مرة تصرالي و الكولي الثاني ما ظهرش قالي ماوصلش مع العلم ان الشحن تم في نفس الوم و نفس البريد واش قلتوا الخاوا ؟؟؟؟

[الحاج انطوان]

اكيد كان ماشي بيهم للدار انتاعو ايا مالا كيشافك اتنشع و يقلك نقسم معاه.. طرد ليا وطرد ليك
كون اgريسيتو يالاخ ونحيتلو الساكوش بلي فيها .الحق فيك

[mohemed.didou]

المشاركة الأصلية كتبت بواسطة الحاج انطوان

اكيد كان ماشي بيهم للدار انتاعو ايا مالا كيشافك اتنشع و يقلك نقسم معاه.. طرد ليا وطرد ليك
كون اgريسيتو يالاخ ونحيتلو الساكوش بلي فيها .الحق فيك

ههههه لالا خولا حنا خاطينا المشاكل ربي يهديهم انا درك نزيد نروح للبريد و نشوف معاهم .

[farid2006fr]

جييد انك تولهتلو

[النجم الاسود]

ساعي البريد اقتسم معك الغنيمة طرد لك و طرد له . الغريب ان هذا الساعي أحضر الطرد لك حتى المنزل و من المفروض ان يصلك اشعار بالوصول

و تذهب انت لمركز البريد و تستلم طردك و تمضي على محضر الاستلام .هذا حسب كل تجاربي التي قمت بها لكن لم يقم ساعي البريد يوما باحضار

الطرد الى المنزل.

[" رَائِد المًسْتَقْبَـــل "]

خبيث الله لا تربحو

[kader41]

يا جماعة لا تسيؤوا الظن بالرجل

أنا منذ أكثر من سنة ساعي البريد يحضر لي الطرود الى باب المنزل في دراجته التي تحتوي مخزن صغير للطرود من الخلف ما عدا الطرود الكبيرة يحظر لي اشعار بوصول ولا أدفع شيىء وبخصوص الامضاء كنت احظر له بطاقة التعريف ولكن الآن لا بطاقة لا امضاء


انا ايضا أرسلت طردين من الولايات المتحدة في نفس اليوم واحد وصلني يوم الأحد وواحد يوم الثلاثاء من يدري هناك الكثير من المراحل التي يمكن أن يتخلف فيها أحد الطردين عن الآخر أقربها في مركز فرز الطرود عند الفحص الجمركي


المهم ما تعطيش لامان في أي واحد أصبر نهارين ان شاء الله يجوك

[yakoub-ys]

عـــــــــادي راك في دزاير خو

[FARID 2015]

راك في دزاير

[riadh01net]

حاب يديه لدار باش يقرعج واش كاين فيه,

[messib10]

اتقوا الله في انفسكم و بركاو ما تقطعو في الراجل
لو كان صح حب يسرقك و الله ما تدي الطرد تاعك و تجنّح هادي وحدة
زوج انت راك مداير في بالك بلي الموقع اللي شريت منو يرسلولك غير ليك وحك ياو راهي مئات الطرود ترسل قاع في رزمة وحدة للبوسطة تاعهم
و لتمة يديرو الفرز على حساب البلدان اللي رايحين يبعثولهم الطرود يعني احتمال كبير البوسطة تاع المصدر ما شحنت الطردين تاعك في نفس اليوم