.
في العام الماضي كنت أتمشى رفقة صديق لي إدا بي ارى فتاة والله شفتها ....تشوشت أفكاري تماما فقال لي صديقي أنه يعرفها و كانت تدرس معه في المتوسطة أعطاني لي ديطاي تحى و قالي كيفاش اسمها و لقبها فلحقتها
.
.
لما وصلت لها قلت ياه حنان وشراكي ؟؟؟؟ فالتفتت إلي و قالت لي لباس الحمد الله مي شكون نتا ؟؟ فقلت لها ولله عيب عليك كيفاه نسيتيني ؟؟ فقالت لي ولله معرفتك فكرني فقلت لها انا هو أميغ لي كنت نقرا معاك في السييام و كنت نقعد من وراك و نلبعلك بشعرك فقالت لي ولله جي أوبليي قلت لها كنت ديما نلسقلك الشوينقوم في شعرك من الخلف و جامي فقتيلي فضحكت و هنا دخلنا الصح
قلت لها مي تبدلتي قغاف مكنتش حاط في بالي بلي يجي نهار وتولي هكا كون أني حكمتك من الصغر سوغ داك كاش واحد ضرك فضحكت ضحكة التملق وبدات تديها في روحها فقلت لها تشفاي نهار كنتي تكتبيلي رسائل غرامية مع صاحبتك ؟؟؟ فقالت لي أنا ؟؟؟ جامي فقلت لها سي كنت ديما نعجبك خخخخع ليسونسيا خربطتها و صدقتني و كدبت نفسها فقلت لها وين تقراي درك ؟؟ فقالت لي
ليسي فقلت لها أنا تاني. فيليسي فقالت لي هيه واش مداير "خفت و بدات تتقرعج"
فقلت لها ولله ديزولي راني مزروب ضرك تحبي مباعدا و نحكيوْ بالهاتف باسكو صحابي يستناو فيا لفوقا و راني مقاري السيارة في مكان ممنوع تخاف يديرولي "الصابو" فقالت لي أو داكوغ با دو بغوبلام "أميغ" و اعطتني رقم هاتفها
فأكملنا طريقنا أنا و صديقي ثم قالي الهاتف تاعي طاحتلو لاشاغج هات نهز نوميغو تع صاحبي من الهاتف تاعك فنزعت الباطغي ثم لابيس ثم تدكرت أني لم أونغوجيستغي النيميغو و راح كلش
ههههههههههههههه تبا ضاعت حياتي
وين راكي ا حنان ههههههههههههه :d