السحب من moneybookers الى بنك جزائري .. - الصفحة 3

bac_2011 · 2012-01-22, 22:51

اقتباس:

خويا باك ... اعطيني تفاصيل اكثر ارجوك

قالو لي انه الأحسن من حيث السؤال عل المصدر و هكذا. أفادني بهذا المخلط

ان سألت أكثر فسيكون الأمر أحسن لأنه يبدوا انك لم تذهب للسؤال في هذين البنكين

D.zed · 2012-01-23, 21:00

اقتباس:

المشاركة الأصلية كتبت بواسطة bac_2011

قالو لي انه الأحسن من حيث السؤال عل المصدر و هكذا. أفادني بهذا المخلط

ان سألت أكثر فسيكون الأمر أحسن لأنه يبدوا انك لم تذهب للسؤال في هذين البنكين

راني رايح غدوة

.. الانتقالات راهي صعبة بسبب اصطدام القطارين و غلق السكة

غدوة فيها ان شاء الله

bac_2011 · 2012-01-25, 09:21

في انتظارك Dzed ..

D.zed · 2012-01-31, 13:28

اسف على الغياب و لكن و الله ما ريحت ... امضيت ايام و انا استفسر في الموضوع

ال bea تفتح للناس البسطاء دون مشكل و تقبل مونيبوكرز و السعر المطلوب معقول جدا 100 دولار مقارنة بال cpl الذين طلبو مني 2000 دولار لفتح حساب و استقبال المونيبوكرز

ذهبت الى السوق السوداء بالعاصمة الدولار راهو 115 يعني يجب 23 مليون لفتح حساب مع القرض الشعبي + يجب فتح حساب جزائري بمليون سنتيم

احب ال bea لانها تطلب سوى 100 دولار
و احب cpl لانهم قالو لي لا نحتاج الى شهادة عمل و لا روجيستر و لا فيش دو باي

المشكل يبقى في المصدر ... مصدر الاموال

D.zed · 2012-01-31, 13:41

في المناسبةقلت لنجرب ال cpl للتاكد ففتحت حساب دولار ... يجب شهادة ميلاد + اقامة + نسخة من بطاقة التعريف

الموضفون اكثر من هايلين وجدت 3 موضفين و كلهم سبحان الله هايلين

اقسرو معاك بيان ... و خاصة الجونوم الذي فتح لي الحساب .. كونا نقسرو على المهنة نتاعي و امور الحياة الخ ...

يعني تتكلم معهم اليز ... انصح الذين يريدون الاستفسار بهذا الفرع في الرويبة في شارع الكولونيل عميروش ... ليس بعيد جدا عن محطة القطار

فهموني تري بيان و ساعدوني في ملا الاستمارات و و عدوني بالاتصال و اتصلو بي البارحة بعد 5 ايام

الاتصال يعني انه جاء يوم الحساب ... ههههههههههههههه

ارواح تخلص 24 مليون

يعني الناس تقول انه بنك شويا شويا و نعلم ان المدير السابق للبنك راهو في السجن

و لكن البنك اعجبني

D.zed · 2012-01-31, 14:04

هنالك شيء تم التاكد منه هو ان في الحقيقة ان معظم البنوك تتعامل مع مونيبورز رغم اني في الايام الاولى لما كنت اسال ... الكثير من الموضفين لا يعرفون ما هو الموني بوكرز فاقول في نفسي بما ان الموضف لا يعرف المونيبوكرز .... يعني مستحيل البنك يتعامل مع المونيبكز
و انا لا اكلمكن عن العساس .. اكلمكم عن الموضفين المسؤولين عن حسابات العملة الصعبة

اكيد هذا يبقى عيب بالنسبة للبنوك و الموضفين و لكن لا نبالي بهذا

سالت BNA في بومرداس و 30 دقيقة باش فهمتهم المشكل نتاعي و ما هو المونيبوكرز

لما ذهبت الى الجزائر و زرت عدة بي يا نات (جمع BNA) ههههه ... تكلمت مع واحد السيد ماشاء الله يعني يعرف كل ما يخص بهذه البنوك و الفريلانس الخ ...

فهمني جيدا .. قال لي خبر سار و اخر لا و لكن ما كانش يهدر برك

الشيء السار انه قال لي لا تبالي بما يقوله الموضفون .. قال لي اي حساب بالعملة الصعبة في اي بنك سيقبل المونيبوكرز لانها ليست قضيت مونيبوكرز لانك عندما تفتح حساب بالعملة الصعيبة سيعطونك الكود RIB و SWIFT و حتى و لو كان و لا موضف يعرف ما هو المونيبوكرز يمكنك سحب الاموال

المشكل الان هو ان دخول العملة الصعبة الى الجزائر ليس بالشيء السهل ... و مستحيل في حالة سحب مستمر و خاصة مبالغ معتبرة

لا بد من الاثبات ... قال لي جيب برك الاثبات و يمكنك ان تدخل اي مبلغ تريد بدون مشكل و لكن الاثبات ليس سكريشوت ههههههه

يجب ان تكون وثيقة رسمية من الخارج تثبت انك خدام هناك

D.zed · 2012-01-31, 14:11

تكلمت مع بنوك الخارج ك BNP و سامحوني ملاحظة بسيطة .. جربو و ادخلو في BNP او Societe General ثم ادخلو في بنك حكومي

BEA تقول كوري والله .. ههههههههههههه

ستون فرق كبير في الاستقبال و وضع البنك و لكن المهم ان كل البنوك الاجنبية ترفض تماما هذا النوع من التعامل

يعني لا تقبل ولا دولار واحد من مونيبوكرز دون تبرير

dzed · 2012-01-31, 15:09

السلام عليكم
قريت كل الردود و تبين أن منتدى الجلفة من أروع المنتديات
فقط حاب نعرف أنو يكفي تفتح حساب موني بوكرز و تستقبل فيه دراهمك, تولي عندك كل الصلاحيات كالشراء عبر الانترنت و تحويل الاموال الخ
أم يجب تفعيل الحساب..و إن وجب عليك تفعيل الحساب فما هي الطريقة
و يعطيكم الصحة ولاد بلادي و ان شاء الله رايحين نبحث و نثر الموضوع كي تتضح الصورة و نفهم كل قوانين البنوك و كل الاستراتيجيات
لأنو شخص واحد ما يقدر يدير والو..مشكورين مي فرار

kcmo31 · 2012-01-31, 15:42

هل يطلب سيرة ذاتية بالإنجليزية ؟؟ و إن أمكن نمادج عن ذالك و شكرا

kcmo31 · 2012-01-31, 15:43

كيفة تحويل من ألارت باي إلى وستر يون يان ??? شكرا

bac_2011 · 2012-01-31, 16:07

D.ZED أولا أشكرك كثيرا على جهدك ( راني درتلك شكر هههه ), يعني يمكن أن نستنتج من كلامك أنه ماكاش مشكل سحب المال , لكن لازم اثبات عمل, قلي حاجة برك, السيد ليعرف الفريلانس, مانصحكش بكاش astuce, عمبالو بلي هذي امبوسيبل , ماشي سكرين شوت هههههه
و واش خلاصتك انت , كيفاش راح دير !!

bac_2011 · 2012-01-31, 16:10

الى الأخ kcmo31 , يمكنك فتح موضوع مستقل , هذا الموضوع خاص بمونيبوكرز و بنوكنا, يمكنك طبعا المشاركة معنا حول موني بوكرز ( يعني رانا نظمو الحالة بك هذا مكان و متفهمناش غلط ), و مع ذلك سمحلي منعرفش طريقة لذلك, و لا أظن أنه توجد طريقة !!

bac_2011 · 2012-01-31, 16:18

الى الأخ DZED ( بلا نقطة ههه ):

اقتباس:

فقط حاب نعرف أنو يكفي تفتح حساب موني بوكرز و تستقبل فيه دراهمك, تولي عندك كل الصلاحيات كالشراء عبر الانترنت و تحويل الاموال الخ
أم يجب تفعيل الحساب..و إن وجب عليك تفعيل الحساب فما هي الطريقة

موني بوكرز غير تفتحوا عندك كل الصلاحيات, تبعث و ترسل , لكنه ماشي مشهور كيما بايبال, لهذا مكاش بزاف مواقع يقبلوا مونيبوكرز في الشراء, لكن كاين تفعيل مع البداية, يرسلولك رسالة لداركم فيها رقم و انت اكتب في حساب في موني بوكرز باش تثبت العنوان, و اذا طلبولك بعدها وثائق اثبات متتقلق ما والو, ابعثلهم واش يقولولك, و ترجملهم because he don't speak arabic, you know the story , و كما راك تشوف الموني بوكرز يبقي مفيد لينا حنا في دزاير لأنه يبعث للبنوك, و لكن كما ترى رانا حابين نلقاو حلول كما راك تشوف مع بنوكنا , ان شاء الله تستفيد

mendz · 2012-01-31, 16:41

السلام عليكم

أعلمكم بان بنك SOCIETE GENERALE توقف نهائيا من سحب اموال western union بالنسبة لــ Google adsense

السبب : تعليمة جديدة في كافة فروع SOCIETE GENERALE مفادها : لا يمكن للأفراد في الجزائر استقبال الاموال من طرف الشركات بالخارج

يعني لا يمكن ان ترسل المال او تستقبل المال
و تحيا الجزائر

bac_2011 · 2012-01-31, 17:11

اقتباس:

السلام عليكم

أعلمكم بان بنك SOCIETE GENERALE توقف نهائيا من سحب اموال western union بالنسبة لــ Google adsense

السبب : تعليمة جديدة في كافة فروع SOCIETE GENERALE مفادها : لا يمكن للأفراد في الجزائر استقبال الاموال من طرف الشركات بالخارج

يعني لا يمكن ان ترسل المال او تستقبل المال
و تحيا الجزائر

شكرا لك !!