"••[ جميع الملفات الي استعنتُ بها هذه السنة .. ]••"

[اكرام براءة]

المشاركة الأصلية كتبت بواسطة amialamia

و وقتاش نبدا بداية حقيقة و كم ساعة نقرى فاليوم
يعجز اللسان عن الشكر....

الان ابداي بوتيرة بطيئة
الدرس اللي تقرايه لازم تكوني فاهماتو
كي تكملوا الوحدة ديري ملخص ليها شامل
ممبعد ابداي حلي التمارين
مثلا في الرياضيات كي تكملوا الدوال اجمعي كل الدوال اللي جاو في البكالوريات السابقة و حلي كل يوم وحدة
ممبعد توصلوا للمتتاليات تولي تحلي تمرين متتالية و تمرين دالة و هكذا حتى تولي تحلي كل الموضوع و نفس الشي في الفيزياء
القراية سيريو تبدا في مارس وين يكون باقي 100 يوم على الباك ثما تبداي الحفظ
مثلا تحفظي كل يوم 3 مصطلحات و لا 3 شخصيات و لا 3 تواريخ حسب واش يساعدك
و غدوا راجعي ال3 اللي حفظتيهم أمس و زيدي 3 اخرى و هكذا تلقاي روحك حفظتيهم كامل
عدد ساعات الدراسة انتي و القدرة تاعك ، ماتضغطيش على روحك و لا تحملي نفسك فوق طاقتها
ابداي بساعة و نص حتى ساعتين و مع الوقت كي يزيدوا الدروس تلقاي الوقت يزيد وحدو حتى توصلي 5 و 6 ساعات في اليوم
انا اطول مدة قريتها وحدي 3 ساعات مي شفت ناس قراو 12 ساعة و 10 سوايع
انتي حسب قدرتك و سرعة حلك التمارين و مع مرور الوقت توالفي

ربي يوفقك