موضوع مميز les gratin ....بلمسة اسمهان79 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

les gratin ....بلمسة اسمهان79

إضافة رد
 
أدوات الموضوع انواع عرض الموضوع
قديم 2016-05-24, 14:24   رقم المشاركة : 1
معلومات العضو
اسمهان79
عضو متألق
 
الصورة الرمزية اسمهان79
 

 

 
الأوسمة
العضو المميز مائدتي تتجمل لرمضان 
إحصائية العضو










New1 les gratin ....بلمسة اسمهان79


السلام عليكم ورحمة الله وبركاته
اهلين وسهلين بكل مين صلى على النبي
عليه الف صلاة وسلام
ليغراتا نوع من الاكل يحبوها اولادنا بزاف
يلا نوعو شوية ونبدلو فيها ونفرحو حبايب قلبنا
بِسْم الله وعلى بركة الله


قراتا روعةةةةةة



وأسهل منها مفيش
واحلى منها مفيشششششششش
نحتاج بطاطا مقطعة مكعبات ومقلية بشوية ملح
بيض انجان مقشر ومقطع ايضاً مكعبات ومقلي
جريوات(القرعة -كورجات) مقطعة مكعبات ومقلية
سلق مفور او مذبل في شوية زبدة وفلفل اسود وثوم بودرة
خليط من الدبشة والمعدنوس
1 م ك خبز مرحي
طرف فرماج شاف او بربار مقطع رقيق شوية بصل مرابي هريسة ملح فلفل اسود لفاح ثوم مرحي وكمية من الفرماج المرحي



نخلط كلش مع بعض غير بالشوية
ندخل لي مول ( ليغامكا) بالزبدة نرش الخبز المرحي
نأخذ حبة طماطم نخويها من الوسط كيما في الصورة ونقطعها حلقات نحط في كل مول دائري



ثم نفرغ الخليط نتاعنا
وفرغي عليهم اي مرق عندك مرق دجاج او مرق لحم او ممكن جونبو في الماء بعد ما يغلي شوية تسقي بيه



لوحيهم يطيبو حتى تشوفيهم نشفو



حقيقتاً روعةةةةة روعةةةةةة
والله البنة اكثر من رائعة جربيها ورجعيلي الخبر
قراتاالجريوات بالمرقاز



ماكان لاه نحكي على البنة نخلي القرار ليكم
خذي حبات نتاع الجريوات ( القرعة- كورجات) فرغيها من اللب نتاعها بهاذ الشكل ثم اقليها مليح من كل الجهات



نحيها ومن بعد عمريها بالفرماج الطري وتكوني من قبل قليتي حبات مرقاز (نقانق)



زيدي حطيهم فوق الفرماج



اعدلي الحبات نتاوعك في بلا نتاع الفور وفرغي عليه لابيشاميل اللي تكوني وجديتها من قبل
انا نستعمل طريقتي ساهلة وما تاخذش وقت خلاص
نحط كمية لحليب اللي محتاجتها نحط الفرينة حوال خمس ملاعق كبار او أربعة على حساب الكمية فلفل اسود ثوم ملح زنجبيل رشة من جوزة الطيب فرماج طري ونخلط بارد في بارد ثم على النار مع التحريك المستمر حتى تثقال نحي من على النار ثم نضيفلها طرف زبدة صغير ونحرك وهنا أضفت كمية من المرقاز المقلي ومفتت
فرغتها على لجريوات نتاعي وذرذري الفرماج المرحي ودخلتها الى الفور وشعلة عليها من فوق ومن تحت وخليتها تحمار



شفتو شحال سريعة وسهلة وطبق ثم ثم يوجد والاحلى انو بنين ويرضي الخاطر
جربوووووووووه ماتندموووووووش

قراتا ألوان ( بالخضار )



هاذا ما ينفع اطفالنا مفيدة وصحية
نفور الجزر والجريوات والبطاطا بعد ما نملحها
بعد ما طيب نهرسها بالفرشيطة نضيفلها ملح فلفل اسود فلفل احمر ثوم بودرة لفاح ونخلط
من جيهة نقلي اللحم المرحي بعد ما نتبلو مليح
ندهن لي مول الصغار ( انا حبيت نقدمهم في ليغامكا بشكل فردي وممكن تعمليهم في مول كبير لكي الاختيار )
نحط اول طبقة من الخضار المهروسة ثم طبقة مليحة من اللحم المرحي الطايب ثم فرماج اللي حبيتي انا استعملت كومونبار وغطي الخضار الباقية سوي السطح مليح بضهر الملعقة ثم اعملي خطوط برأس الفرشيطة ( الشوكة) والى الفور مباشرة



راح يأخذ منك نصف ساعة طياب



قدميه سخون
الشكل رائع والبنة اروع صدقوني
قراتااااا الزاليقو اللوبيا الخضراء



شحال نحبها خفيفة وظريفة وطعمها راااائع
نقي اللوبيا نتاعك اغسليها ثم فوريها مليح حتى يدخلها الطياب من بعد قطعيها رقيق مثل الصورة وخلي حبات طوال لزوم التزيين ثم اقليها في زيت سخون
نحيها ونشفيها من الزيت فوق ورق ماص للزيت



وجدي طرف دجاج تبليه بالملح والفلفل السود هريسة وموطالرد وثوم ولفاح وخل ثم اقليه ومن بعد فتيه وايضا وجدي بصل مقطع مكعبات وحمريه مليح مليح في شوية زيت مع التقليب المستمر وقطعي فرماج اللي حبيتي فرماج طري او ...انا استعملت كومنبار وايضا فلفل اسود ثوم بودرة ولفاح وشوية موطارد تعطيها بنة هايلة



نخلط كلش مع بعض ثم نضيف لها كاس من صوص الطماطم و2 بيضات
ندهن مول بالزبدة ونرش الخبز المرحي ونفرغ الخليط والى الفور مباشرة حتى تنشف



قدمتها هنا مع شرائح الدجاج اللي كنت تبلتها بالملح والفلفل الاسود ولفاح وثوم ولهريسة ولاموطارد والفلفل الاحمر الحلو والزنجبيل والخل او الليمون ثم قليتو في شوية زيت وفرغت عليه شوية صوص الطماطم وقلبتها شوية وطفيت



والله غير بنينة فوق ما تتصورو نتمنى جربوها وراح تدعيولي بالخير ان شاء الله
قراتا او شكشوكة البطاطا بالبصل الأخضر



ياااااااااااا ي هاذي يموتو عليها أولادي
خذي كمية من البصل الأخضر ( نتاع الذيول لاززززززم) قطعيها وذبليهم مليح على نار ذليلة مع شوية زيت وتكوني مغطيتها ثم نحي الغطاء وزيدي شوية النار باه تحمريها
من جيهة اقلي حبات بطاطا مقطعين مربعات صغار
واقلي ثاني حبات مرقاز واقسميهم الى قطع صغار
وجدي صوص الطماطم رابي زوج او ثلاث حبات طماطم كبار زيديلهم الدبشة و الملح والفلفل الاسود لفاح كمون زنجبيل زيت ثوم هريسة وطماطم مصبرة و الفلفل الحمر الحلو المرحي قليها شوية ثم زيديلها كاس ماء
نحتاج ايضاً الى كمية من الفرماج الطري والبيض
كلش راه واجد



نخلط كلش مع بعض البصل المذبل الطماطم المرقاز البطاطا المقلية والفرماج ثم نفرغ في مول اللي يدخل في الفور ونفرغ البيض بهاذ الشكل نذرذر عليه شوية ملح وفلفل اسود ونلوح في الفور حتى يطيب البيض



وممكن تعمليها في المقلا كيما يحبها سي السيد نتاعي
امممممممم ريحتها روعةةةةةةةة

قراتا باللوبيا البيضاء



سهلة وبنييييييييييينة بزاف بزاف
في مقلا قلي كمية من اللحم المرحي مليح مع شوية زيت من اضيفي حبة طماطم حب مرابيا وبصلة مفرومة وثوم وشوية طماطم مصبرة شوية هريسة ملح فلفل اسود لفاح كمون زيت دبشة وقلي مليح مع اللحم المرحي ثم اضيفي قرعة من اللوبيا البيضاء المصبرة هايلة وبنينة اللي في الصورة



اضيفي شوية فرماج و ملعقة صغيرة خميرة الحلويات وبيضة او زوج حسب الكمية اللي عندك خلطي كلش مع بعض







ثم ادهني مول نتاع فور بالزبدة ودخليها للفور حتى تنشف
ملاحظة (ما تخليهاش تنشف بزاف ومن الاحسن تأكل سخونة )
البنة روعةةةةةةةة



انا قدمتها مع بطاطا حارة تقتل وتهبل هههههه جربيهااااا
البطاطا الحارة ساهلة ورااااااااااائعة والله راح تحبوها
نقطع البطاطا مكعبات نحطها في ماء وخمير نتاع الحلويات يوم كامل ثم صفيها من الماء واقليها بعد ما طيب نحيها من الزيت وفرغي الزيت في حاجة ثم رجعي البطاطا حطيلها ملح فلفل اسود فلفل احمر مرحي حار شوية هريسة زنجبيل ثوم بودرة دبشة طرف زبدة فرماج مرحي ونخلط كلش على نار هادئة






قدميها سخونة وتمتعي بألذ طعم
قراتاااا السردين



تستاهل انك جربيها حقاً لذييييييييذة
نحط سمك السردين في روبو اكيد بعد ما تنقيه وتشليه وتقطريه اضيفيلو دبشة سنينات ثوم ملح فلفل اسود كمون لفاح زنجبيل بصل مقطع شوية زيت شوية خل او عصير ليمون نرحي كلش
نوجد الشرمولة
دبشة ومعدنوس مقطعين ملح فلفل اسود لفاح كمون زيت عصير الليمون فلفل احمر مرحي حلو شوية ماء
في مول نحط بصل مقطع حلقات ثم فوقه طماطم مقطعة حلقات نفرغ شوية من الشرمولة



ومن بعد نحط السردين اللي رحيت نرفع غير بالأصابع ونحط من فوق بشكل عشوائي ثم نفرغ باقي الشرمولة ونحط أوراق الرند





وندخل للفور
طيبيها حوالي ساعة



تجي روعةةةةةةةة في البنة حبيباتي

قراتااا كرنبل الدجاج



امممممم بنيييييينةةةة
ناخذ كمية من صدر دجاج نقليه مليح في شوية زيت حتى يطيب ثم نفتو نضيف له ملح فلفل اسود لفاح ثوم بودرة كاس جلبانة طايبة من قبل وشوية شومبينيو اذا توفر عندك راس فلفل اخضر حلو مقطع رقيق وكاس حيب ونخليها على النار حتى تنشف
ندهن مول ونحطها في اسفل المول اللي يدخل للفور
نوجد عجينة الجبن
2 كيسان فرينة او كاس على حساب الكمية نتاع الدجاج والمول اللي عندك 1 م ص خمير الحلويات ملح فلفل اسود 1 م ك زبدة طرية 1 بيضة مخفوخة فنجان حليب قطعة من جبن شاف نخلط كلش باليد نتحصل على شغل عجينة
ملاحظة ما نعجنش نلم غي بالاصابع
ونحطها بشكل عشوائي على خليط الدجاج ثم اللى الفور مدة 40 د او اكثر شوية





عن جد لذيذة


قراتا الآسيوية( على طريقة الشناوة )



في مول نحط شرائح البصل مقطعة حلقات ثم نرش الملح وزيت الزيتون وفلفل اسود وثوم بودرة ثم جريوات مقطعة دوائر ثم بيض انجان ايضاً مقطع ثم طماطم دوائر وكل مرة نحط زيت زيتون وملح وفلفل اسود وثوم ونرش في الأخير الحبق اليابس او نعناع يابس
ونلوح في الفور



مدة الطياب ساعة حتى تنشف مليح
صحية وخفيفةةةة

نتمنى نكون افدت حبيباتي الغاليات
في امان الله
دعاوتكم لي براحة البال







 

رد مع اقتباس
مساحة إعلانية

قديم 2016-05-24, 14:34   رقم المشاركة : 2
معلومات العضو
أم سدرة
عضو مميّز
 
الصورة الرمزية أم سدرة
 

 

 
إحصائية العضو










افتراضي

يعطيك الصحة أسمهان رووووووعة رووووووعة ربي يحفظك







رد مع اقتباس
قديم 2016-05-24, 14:36   رقم المشاركة : 3
معلومات العضو
المدير2012
عضو مميّز
 
الصورة الرمزية المدير2012
 

 

 
الأوسمة
وسام التميز سنة 2012 المرتبة الثالثة 
إحصائية العضو










افتراضي

اطباق روعة اممممممممممممممممم
نحتفض بيها وبعد نرجعله
بارك الله فيك







رد مع اقتباس
قديم 2016-05-24, 14:48   رقم المشاركة : 4
معلومات العضو
om obaida
عضو مميّز
 
إحصائية العضو










افتراضي

كنت حابة نكون اول من يرد عليك وين نلقى اسمك ندخل بسرعة اطباق رائعة مشكوووووووورة







رد مع اقتباس
قديم 2016-05-24, 14:51   رقم المشاركة : 5
معلومات العضو
•~ندية الجوري~•
مشرفة منتدى الاسرة و المجتمع و منتدى التصميم
 
الصورة الرمزية •~ندية الجوري~•
 

 

 
الأوسمة
المشرف المميز وسام المركز الثاني المرتبة الثانية وسام التميز سنة 2012 المرتبة الأولى النـص الذهبـي الأول وسام المرتبة الثالثة 
إحصائية العضو










افتراضي

أممممممم ؛؛؛ ماشاء الله
تبارك الرّحمن
الله نورك و يسعدك غاليتنا اسمهان






رد مع اقتباس
قديم 2016-05-24, 15:08   رقم المشاركة : 6
معلومات العضو
ام احمدي
عضو مميّز
 
إحصائية العضو










افتراضي

ربي يريح بالك ويطمن قلبك حنونة
لي قراتان رووووووووووووووووووووووووووووووعة







رد مع اقتباس
قديم 2016-05-24, 15:10   رقم المشاركة : 7
معلومات العضو
قوية بايماني
عضو مميّز
 
الصورة الرمزية قوية بايماني
 

 

 
إحصائية العضو










افتراضي

بوركتي اختي وجعلها الله في ميزان حسناتك وربي يسجيلك وليدات و يرزقك الصحة والعافية







رد مع اقتباس
قديم 2016-05-24, 15:52   رقم المشاركة : 8
معلومات العضو
اريج 07
عضو محترف
 
إحصائية العضو










افتراضي

ياااااي اسمهان واشنو هادا سخفنيني مووووووت اممممممم و امممم و نزيد اممممم رووورووووووعةتهبل تسلمي يااحلى شاف في ميزان حسناتك وربي يباركلك في اولادك و زوجك







رد مع اقتباس
قديم 2016-05-24, 15:55   رقم المشاركة : 9
معلومات العضو
oum razane
عضو مجتهـد
 
الصورة الرمزية oum razane
 

 

 
إحصائية العضو










افتراضي

يعطيك الصحة وبارك الله فيك ،والله يعجز اللسان عن مدح ماتقديميه من اطباق رائعة .







رد مع اقتباس
قديم 2016-05-24, 16:01   رقم المشاركة : 10
معلومات العضو
ام هدول
عضو متألق
 
الصورة الرمزية ام هدول
 

 

 
إحصائية العضو










افتراضي

كل كلملت الشكر ماتكفيش وماتوفيش ......راكي نفعتينا بزاف بوصفاتك اللديدة والسهلة ..ربي يبارك لك في بيتك وزوجك وووليداتك واهلك







رد مع اقتباس
قديم 2016-05-24, 16:07   رقم المشاركة : 11
معلومات العضو
كوثر التائبة
عضو محترف
 
الصورة الرمزية كوثر التائبة
 

 

 
إحصائية العضو










افتراضي

يعطيك الصحة تحفة تحفة راح نجربهم







رد مع اقتباس
قديم 2016-05-24, 16:09   رقم المشاركة : 12
معلومات العضو
imanaz
عضو مبـدع
 
إحصائية العضو










افتراضي

أطباق خفيفة تليق لفصل الصيف
وصفات رائعة كروعة صاحبتها
ربي يقدرك باش تقدميلنا المزيد
بارك الله فيك أستاذتنا
ربي يسترك و شكرااااااااااااااا







رد مع اقتباس
قديم 2016-05-24, 16:55   رقم المشاركة : 13
معلومات العضو
La reine Nour
عضو مميّز
 
الصورة الرمزية La reine Nour
 

 

 
إحصائية العضو










افتراضي

تبارك الله عليك
ربي يحميك ويهدي بالك
يعطيك الف عافية







رد مع اقتباس
قديم 2016-05-24, 17:04   رقم المشاركة : 14
معلومات العضو
جزائرية 16
عضو نشيط
 
إحصائية العضو










افتراضي

ماخليتي والو تبارك الله فيك و رب يجازيك كل خير







رد مع اقتباس
قديم 2016-05-24, 17:35   رقم المشاركة : 15
معلومات العضو
loudjaine
عضو مشارك
 
إحصائية العضو










افتراضي

نهار القيامة نشهدلك ...ربي دخلك طوووول للجنة لا حساب و لا عقاب







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 15:27

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2019 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc