اطباق رمضانية ........من اوع ما يكوووووووووون - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

اطباق رمضانية ........من اوع ما يكوووووووووون

إضافة رد
 
أدوات الموضوع انواع عرض الموضوع
قديم 2015-06-16, 19:02   رقم المشاركة : 1
معلومات العضو
اسمهان79
عضو متألق
 
الصورة الرمزية اسمهان79
 

 

 
الأوسمة
العضو المميز مائدتي تتجمل لرمضان 
إحصائية العضو










New1 اطباق رمضانية ........من اوع ما يكوووووووووون

السلام عليكم ورحمة الله وبركاته
رمضان كريم وكل عام وانتم بخير وهانيين ان شاء الله
ما نطولش عليكم ونخليكم مع البنة
دجاج محشي بالخضار امممممم من اروع ما يكون



رولي الدجاج بالسلق بنةةةةةةةة



صحن البطاطا





الوصفة الاولى



بسم الله
اول شيئ اعملي صوصو بيضاء واللي هي شوية بصل ثوم ملح فلفل اسود معدنوس افاح وزيت 1 م ص فرينة 1 م ص موطارد و1 م ك خل او عصير الليمون يعطيو نكهة خاصة للمرق انا عملت فيه 2 جنحيح نتاع الدجاج وقليت مليح ثم امرقي وخلي الدجاج يطيب



من بعد نحي الجنحين واقليهم في الزبدة والزيت وخليهم بجيه



عملت ربع صدر دجاج وزدتلو شوية لحم مرحي ورحيتهم مع بعض ثم اضفتلهم صفار بيضة ملح فلفل اسود افاح 1 م ص نشاء وثوم بودرة وخلطي كلش مع بعض
وجدي خليط الخضار واللي هو حبيبات جلبانة مغلية زيتون اخضر مقطع شرائح معدنوس ودبشة شوية ارز مغلي في الماء والملح ونصف حبة طماطم مقطعة مكعبات صغار ملح وفلفل اسود وثوم بودرة و1 بياض البيض وخلطيهم مليح
اطرحي الدجاج فوق ورق بلاستيكي ثم حطي الخضار على الجنب وخطي بالجزء الاخر وحاولي تغلقي مليح على الجوانب تتحصلي عل شكل مستطيل هاذ الكمية عملتلي زوج مستطيلات



ثم اقليهم في الزيت عل الجهتين



من بعد حطيهم في مقلات خاصة بالبانيني او هاذ الجهاز الخاص بيها فقط لزوم التزيين هاذا ما كان



من بعد لوحيهم في المرق مدة 20 د حتى المرق يخثار مليح
قطعيهم بهاذ الشكل وقدميهم مع الاجنحة المحمرة والخضار اللي بقاتلك



صدقيني راه بنين بزاااااااااف ويفرح عايلتك وخاصة لاصوص هبااااااال
الوصفة الثانية



خذي شراااااااائح الدجاج او سكالوب دو داند تبليهم بالملح والفلفل الاسود ولاموطارد وعصير القارص وخليهم مدة 4 ساعات او اكثر
في هاذ الوقت قطعي السلق وذبليه في شوية زبدة مع الملح والفلفل الاسود حتى يذباااااال من ضيفيلو شوية صوص الطماطم كيما اللي راني حاطتها في تحضيرات رمضان اللي يحب الطريقة هاذا هو الرابط
https://www.djelfa.info/vb/showthread.php?t=1805269
ونحط معها طرف فرماج شاف من الاحسن اللي مخدوم بالزيتون الاخضر بنتو رهييييبة وشوية فرماج مرحي وخلطي مع بعض ثم حطي في كل طرف سكالوب طرف من جبن الشرائح ثم شوية من الحشوة على الجنب ولفي عليها



وجدي صوص البيشاميل وكل واحدة وطريقتها في تحضيرها
البيشاميل
وهاذي اسهل طريقة لتحضير البيشاميل والبنة راااااااائعة
خذي كاس حليب كبير حليب بارد وحطي فيه 4 او 5 م ك فرينة ملح فلفل اسود شوية مبشور جوزة الطيب ثم مرحي او بودرة 2 حبات فرماج مثلثات وخلطي كلش بارد في بارد من بعد حطي على النار وبقاي تحركي حتى يثقال الخليط نحي من على النار ولوحي طرف زبدة وحركي حتى تذوب واللي عندها كرام فراش سائلة ممكن تضيف شوية تزيدها في البنة والله طريقة سهلا خلاص وتجي روعةةةةةةةةة
نرجع للوصفة ادهني المول نتاعك وفرغي شوية بيشاميل ثم حطي الرولي اللي وجدتي حطيهم بجنب بعض



وفرغي عليهم البيشاميل ورشي الفرماج المرحي وغطي بالورق البلاستيكي ثم الالمنيوم ولوحي يطيب تقريبا ساعة ثم نحي الغطاء وحمريه مليح من فوق وقدميه بالصحة والهناء لذيذ لذيذ وما يتشبعش سخون ولا بارد



الوصفة الثالثة



خذي حبات بطاطا قطعيهم دوائر بهاذ الشكل والجوانب ما ترميهمش
اقليهم في الزيت مع الدوائر



وجدي الدجاج مقطع الى شرائح ثم قليه في فلزيت مع شوية بصل ثوم فلفل اسود افاح كمون زنجبيل وشوية هريسة قلي مليح حتى تشوفيه طاب قلي على نار ذليلة ثم نحي من على النار وضيفيلو صوص الطماطم والفرماج المقطع الى طراف صغار وقطع البطاطا اللي قليتي الطراف اللي بقاو من الدوائر



وقطع ليزونشوا كيما في الصورة



وممكن الستغناء عليهم واذا استعملتيهم متستعمليش الملح خلاص لانهم هوما في الاصل مالحين بزاف
ادهني مول ومن الاحسن اللي يتفتح على الجنب بشوية زبدة ورشيه بلاشبلير وحطي البطاطا في الاسفل وحاولي تلصقيها في بعضاها وثم حطي على الجوانب دوائر البطاطا واحدة فوق ختها تتحصلي على شغل طبسي كيما في الصورة



ثم فرغي الحشوة نتاعك ورشي الفرماج المرحي والى الفور



ما يطولش بزاف في الطياب لانو كلش راه طايب



وقدميهاااااا بالصحة حبيبتي
نتنمى نشوف تطبيقاتكم في هاذا رمضان ان شاء الله ما تندموش كي جربوهم
في امان الله حبيباتي







 

رد مع اقتباس
مساحة إعلانية

قديم 2015-06-16, 19:06   رقم المشاركة : 2
معلومات العضو
biba04
عضو مميّز
 
الأوسمة
وسام المركز الثاني المرتبة الخامسة ثاني أفضل تصديرة 
إحصائية العضو










افتراضي

ماشاء الله عليك اسمهان اطباقك تشهي الله يبارك
تسلم هدوك اليدين






رد مع اقتباس
قديم 2015-06-16, 19:06   رقم المشاركة : 3
معلومات العضو
*أم جابر*
عضو مميّز
 
الصورة الرمزية *أم جابر*
 

 

 
إحصائية العضو










افتراضي

ما شاء الله مبدعة كالعادة اسمهان الله يجازيك خير و الله يبارك فيك و ربي يخليك لعايلتك






رد مع اقتباس
قديم 2015-06-16, 19:19   رقم المشاركة : 4
معلومات العضو
ام احمدي
عضو مميّز
 
إحصائية العضو










افتراضي

روووووووووووووووووووووعة حنونة







رد مع اقتباس
قديم 2015-06-16, 19:26   رقم المشاركة : 5
معلومات العضو
ارزاق
عضو مميّز
 
إحصائية العضو










افتراضي

تحف يا اسمهان والله راكي ماشاءالله كل الاطباق روووعة







رد مع اقتباس
قديم 2015-06-16, 19:30   رقم المشاركة : 6
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










افتراضي

ماشاء الله عليك يا الحرة
اطباقك فن ر راقي امممممممممممممممممم
اكيد نجرب منهم اكييييد بحول الله
ولا نجي نفطر نهار خخخخخخخخخخخخ







رد مع اقتباس
قديم 2015-06-16, 19:31   رقم المشاركة : 7
معلومات العضو
minaflower
عضو مميّز
 
الصورة الرمزية minaflower
 

 

 
إحصائية العضو










افتراضي

وصفات 444444
مشكوووورة حنونة اسمهان ربي يحفظك






رد مع اقتباس
قديم 2015-06-16, 19:38   رقم المشاركة : 8
معلومات العضو
رجائي فيك
عضو نشيط
 
الصورة الرمزية رجائي فيك
 

 

 
إحصائية العضو










افتراضي

رائعة كي العادة الله يعطيك الصحة







رد مع اقتباس
قديم 2015-06-16, 19:39   رقم المشاركة : 9
معلومات العضو
um alaa
عضو مميّز
 
إحصائية العضو










افتراضي

دائما متالقة تسلمي يا فنانة







رد مع اقتباس
قديم 2015-06-16, 20:02   رقم المشاركة : 10
معلومات العضو
توكل
عضو نشيط
 
الصورة الرمزية توكل
 

 

 
إحصائية العضو










افتراضي

بارك الله فيك







رد مع اقتباس
قديم 2015-06-16, 20:10   رقم المشاركة : 11
معلومات العضو
oum souhaib
عضو مميّز
 
إحصائية العضو










افتراضي

يعطيك الصحة روعة اختى







رد مع اقتباس
قديم 2015-06-16, 20:15   رقم المشاركة : 12
معلومات العضو
~اسيل ريحانتي~
عضو محترف
 
الصورة الرمزية ~اسيل ريحانتي~
 

 

 
إحصائية العضو










افتراضي

ماشاء الله عليك اسمهان يعطيك الصحة واكيد نطبق منهم في رمضان باذن الله ربي يفتح عليك ويفرحك بوليداتك






رد مع اقتباس
قديم 2015-06-16, 20:29   رقم المشاركة : 13
معلومات العضو
scorpionoir
عضو مميّز
 
إحصائية العضو










افتراضي

اطباق روووووووووووووووعة كالعادة والتطبيق اكيييييييييييييييييييييييد يكون
ان شاء الله تصوموا بصحة وعافية







رد مع اقتباس
قديم 2015-06-16, 20:33   رقم المشاركة : 14
معلومات العضو
lyzzabel
عضو برونزي
 
الصورة الرمزية lyzzabel
 

 

 
إحصائية العضو










افتراضي

ماشااااء الله أطباااق مشههههية حبييبتي اسمهااان ،، تسسسلم ايديييك ،، ربي يمتعك بالصحة و العااافية و رمضااان مباااارك يا العزييييزة







رد مع اقتباس
قديم 2015-06-16, 20:40   رقم المشاركة : 15
معلومات العضو
فايزة44
عضو مميّز
 
الصورة الرمزية فايزة44
 

 

 
إحصائية العضو










افتراضي

رووووووووووووووووووووووووووعة حبيبتي يعطيييييييييييييييك الصحة بوركت







رد مع اقتباس
إضافة رد

الكلمات الدلالية (Tags)
........لن, اطباق, يكوووووووووون, رمضانية

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 04:45

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2019 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc