|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
♦○• "مُشاركتي في تحَدّيات و إبْـدآاع في رِحَآاب رَمَضَآان 彡•○♦[[حياآة نور الدّين]]
 |
|
|
أدوات الموضوع | انواع عرض الموضوع |
2016-06-13, 04:55
|
رقم المشاركة : 1 | ||||
|
♦○• "مُشاركتي في تحَدّيات و إبْـدآاع في رِحَآاب رَمَضَآان 彡•○♦[[حياآة نور الدّين]]
[I]  اولاااا نشكر الاخوات ام كوثر وزينب وندية الروح على المسابقة وعلى اضفاء روح المنافسة بوركتن ورمضان مبارك الطبق الرئيسي ميلفاي السلق والدجاج بصلصة الزيتون  صدر دجاج حبة بصل صغيرة، سنة ثوم حبة بيض 3 ملاعق شابلوغ (خبز مرحي) ملح، فلفل اسود، زنجبيل، كمون، هريسة الي يحب الطعم الحار  ربطة سلق حبة بصل ملح فلفل اسود زيت 1 بيض جبن قطع 2 حبات بطاطا منقية ومقطعة للقلي لمرق الزيتون طرف دجاج او العظام اللي نحخيناها من الصدر حبة بصل صغيرة مرابية ورقة رند ملح فلفل اسود قرفة زيتون نرحي صدر الدجاج مع المكونات المدكورة اعلاه ونتركه على جنب  نفور السلق بعد تنظيفه ونرحيه مع المكونات المدكورة اعلاه ونمرره في الزيت باش ينشف من الماء بعدها نضيف عليه حبة بيض وجبن قطع ونخلط  بعد تحضير مكونات الطبقتين نبدا التشكيل على بركة الله نقسم الدجاج على 3 اقسام متساوية والسلق على قسمين نحط فوق طاولة ورق شفاف نحط الجزء الاول من الدجاج ونفتحه بكف اليد مبلل باش ميلصقش الدجاج ونشكله عل شكل مستطيل ونحط فوقة طبقة من السلق نفتح الجزء الثاني من الدجاج على ورق شفاف نفس القيس نع المستطيل الاول ونقلبه على السلق ونكرر العملية حتى الجزء الاخير من الدجاج ونرتبها بيدي على شكل مستطيل بمساعدة ورق شفاف وندخله فرن على درجة 200 ونخليه يطيب   في نفس الوقت نحط زبدة وحبة بصل صغيرة وقطعة دجاج او العظم اللي نحيناه من الصدر وملح وفلفل اسود وقرفة وورقة رند ونقلي منبعد نمرق ونضيف الزيتون اللي نكونوا بيتناه في الماءونخليه يطيب حتى تخثر المرق بعد ما يوجد كلشي نبداو في التقديم انا قليت البطاطا على شكل ورقة قطعتها بالمول وزينت بها  بعد ما يبرد الميلفاي نقطعوه ونحطوه في صحن التقديم مرافق بصلصة الزيتون[/QUOTE]  نلاحظ هنا الطبقات    [/][/]  التحلية [U]فلان بصوص الفراز [IMG]  [/IMG]هده التحلية بسيطة لكنها لديدة وهااايلة في البنة علبة فلان 50 غ دوق فراز نصف لتر حليب ص ملاعق سكر فنجان صغيييير ماء ملعقة صغيرة مايزينة حبات فرولة كريم شانتيي نخلط الحليب والفلان ونحطوا فوق النار حتى يغلي نفرغوه في فغين ونخلوه يبرد شوية والى الثلاجة  من جهة اخرى نقطع حبات فرولة ونحطهم في كسرونة مع زوج ملاعق سكر وزوج ملاعق ماء ونخلوا الفرولة تطيب مع التحريك  بعد ما تطيب نطفوا عليها النار ونرحوها ثم نفرغوا عليها فنجان ماء به ملعقة مايزينة ونخلط فوق النار حتى نتحصل على صوص تقيلة مثل صوص الشكولا او الكراميل نخليها على جهة تبرد   نطلع الشانتيي كالعادة بالحليب او الماء البارد نقطع حبات الفرولة اللي بقاو على 4 بلا ما نلحق للقاعدة ونعمرهم بالشانتيي  نحضر صحن التقديم نفرغ فيه الفلان ونفرغ عليه صوص الفرولة ونزينوا بحبات الفرولة والشانتيي وكل واحدة ولمستها  وهده الورقة والخلفية لتحليتي  صدقوني بنينة بزااااف بالتوفيق لجميع المتسابقات السّلام عليكم و رحمة الله و بركاته ...~ التّحدي الثّــــاني اليوم جيتكم بالتحدي الثاني المتمثل في مقبلة وسلطة المقبلة سميتها ليمارغوريت marguerite  المقادير مقادير الحشوة كمية من اللحم مرحي حبة كبيرة كورجات او كوسة حبة بصل مرابية حبة طماطم مرابية ملح، فلفل اسود، زيت  نحط في مقلة كل المكونات ونحطها على نار قليلة ونقلي حتى تدبال كل المكونات وطيب ونطفي النار ونخليها تبرد ملاحظة لازم الحشو يبرد باش متتقطعش العجينة   العجينة رطل فرينة 2 ملاعق كبار زبدة طرية ملح مغرف سكر مغرف كبيرة خمارة خبز ملعقة صغيرة خمارة كيميائية نخلط المكونات ونلمها بحليب دافئ ونخليها تخمر  بعد ما تخمر العجينة نحلها بالحلال بسمك 3 ملم ونقطعها على شكل دائرة ونحط ملعقة حشو في الوسط ونطلي الجوانب بالبيض نحمل دائرة العجينة ونغلق بالسبابة والابهام حتى نتحصل على شكل وردة (الصورة ستوضح)   الفرن على 200 درجة وندخلها طيب بعد ما طيب نخرجها ونخليها تبرد ناخد جبن كريمي انا خدمتوا في الدار للاخت ام رامي امممم نحط الجبن في لابوش ونستعمل douille صغيرة ونخرج وردات صغار نزين بها ونرش بالمعدنوس او نستعمل ملون لاعطاء الوان للوردات     السلطة : ماسيدوان بوريقات البطاطا  المقادير خضر وفورة  بطاطا مقطعة مربعات ، جزر مقطع مربعات، لوببا خضرا مقطعة صغيرة)بطاطا مقطعة وريقات ومفورة  بيض مغلي درة او ماييس مايونيز او كريمة الجبن فنيقرات طماطم وخيار وتونة للتزيبن نفور الخضرة نحطها تبرد نضيفلها مايونيز او جبن كريمي ونحطها في بول لتاخد الشكل ونقلبها في صحن نحط البطاطا على شكل ورقة ونزين الاطراف بوردات الجبن او المايونيز ونرش في الوسط بيض مغلي ورابي ونزين بالخبار والطماطم والتونة     [/LEFT] اليوم اخر تحدي ونتمنى اني امتعتكم كما تمعت انا باطباقكم وتحفكم التحدي : العصير والحلويات العصير : سموثي الدلاع بالنوادكوكو والنعناع  اسهل من الوصفة مكانش والمقادير بسيطة برج كبير دلاع 2 مغارف كبار نوادكوكو شط نعناع   في بلاندر ندير الدلاع بعد ما نزعنا البدر تاعه ونضيفوا النوادكوكو ونرحو بعد ما نرحوا نفرغوه في طاس يبرد ونحطوا شط النعناع للنكهة ونخلوه كي نقربوا نقدموه نصفوه من النعناع  البنة تخيلوا استوائية اممممم  الحلوى : تارت جينواز بكريمة الزبدة والشانتيي كانت مناسبة عيد ميلاد عجوزتي مالا حبيت نفاجاها بتارت سهلة وبسيطة للسهرة  المقادير 6 حبات بيض 150 غ سكر 150 غ فرينة + ملعقة كبيرة كاكاو 1 كيس خمارة كيميائية كريمة الزبدة 5 ملاعق كبيرة زبدة او مارغرين انا استعملت لابال 5 ملاعق كبار سكر ناعم ملعقة كبيرة حليب دوق فراولة كريمىة الشانتيي 100 غ شانتيي 100 غ حليب عصير او شاربات طريقة التحضير نضرب البيض مع السكر جيدا حتى يصبح على شكل كريمة نخلط الفرينة والخمارة والكاكاو ونبداو نضيفوا بالعقل على خليط البيض بواسطة صفاية انا قسمت على 3 مرات ونحرك من تحت لفوق بسباتول حضرت مول مدورا قطره 25 سم وفرشت فيه ورق الطهي وقسمت الخليط على 3 سخنت الفرن على 180 درجة مليح ودخلت الثلث الاول طاب ياخد تقريبا من 5/8 دقائق نزعتوا وطيبت الثاني فالثالث من جهة اخرى حضرت كريمة الزبدة والشانتيي كريمة الزبدة : خلطت الزبدة والسكر وضربت مليح بالباتور وزدتلها ملعقة حليب باش تخفاف وعطر الفرولة باش نحي نكهة الزبدة  كريمة الشانتيي: ضربت الشانتيي مع الحليب البارد مليح حتى ولات كريمة خليت الجنواز تبرد فرشت الجزء الاول وسقيتوا بعصير كوكتال ومسقيتوش بزاااف لانه عجوزتي تحبها ناشفة شوية خخخ  خليتها دقائق تتشرب وطليت كريمة الزبدة اللي قسمتها على 2 وحطيت القطر الثاني من الجنواز وكررت نفس العملية الاولى سقيتوا وطليتوا بكريمة الزبدة وحطيت القطر الاخير وسقيتوا او شربتوا وبديت التزيين الخارجي طليت التارت بالشانتيي والاطراف درت فيهم فارميسال شكولا ومن فوق غوزاس كبار بلابوش وفي الوسط حبات مشمش ورشيت شوية كاكاو من فوق     مصورتش كل المراحل لانه بنتي هبلتني هههههه ملاحظة: للجنواز لكل حبة بيض نستعمل 25 غ سكر
آخر تعديل •~ندية الجوري~• 2016-06-21 في 07:24.
|
||||
|
|
2016-06-13, 06:20
|
رقم المشاركة : 3 | |||
|
سلام عليكم |
|||
|
|
|
2016-06-13, 08:03
|
رقم المشاركة : 5 | |||
|
امممممم سخفتيني مع الصباح روائع حياة خصوصا الميلفاي عجبتني بزاف الفكرة |
|||
|
|
|
2016-06-13, 10:09
|
رقم المشاركة : 9 | |||
|
بارك الله فيك حياة بتوفيق |
|||
|
|
|
2016-06-13, 11:35
|
رقم المشاركة : 10 | |||
|
ااااااااااااامممممممممممممم حيوتة والله سخفتيني سيرتو التحلية اااامممممم ربي يوفقك ان شاء الله |
|||
|
|
|
2016-06-13, 11:42
|
رقم المشاركة : 11 | |||
|
يعطيك الصحة حياة كلش يشهي بالتوفيق |
|||
|
|
|
2016-06-13, 11:54
|
رقم المشاركة : 13 | ||||||||||||||
|
|
||||||||||||||
|
|
|
2016-06-13, 12:33
|
رقم المشاركة : 15 | |||
|
يعطيك الصحة حياة فكرة الميلفاي هايلة والتحلية باينة بنينة |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
♦○• "مُشاركتي في تحَدّيات و إبْـدآاع في رِحَآاب رَمَضَآان 彡•○♦[[حياآة نور الدّين]]
السلام عليكم و رحمة الله تعالى و بركاته
العرض العادي
