طريقة عمل الحميص الجزائري

lona-99 · 2013-07-17, 10:24

ممكن مساعدة في التحضير

lona-99 · 2013-07-17, 13:08

اين ردودكم

fatalim · 2013-07-17, 13:22

الحميس
اشوي الفلفل والطماطم والثوم وديريهم في كيس بلاستيكي ومبعد فشريهم كاين اللي يرحو كلش ويزيدو زيت الزيتون وكاين اللي يقطعوهم شوية شوية ومبعد يحمسوهم في مقلاة وفي الاخير يزيدولهم زيت الزيتون

fatima ali · 2013-07-17, 17:16

اولااغسلي الخضار ثم اشوي الفلفل العادي واذا حبيتي تقدري تضيفي الحار والطماطم وياريت ماتكثريش الطماطم وزيدي اشوي معاهم الثوم ومبعد حطيهم في كيس بلاستيكي باش بلخف مايتقشرو وكي تقشريهم قطعي الفلفل اما بالطول او بالعرض واظيفي الطماطم والثوم وشوي خل وزيت مع زيت الزيتون والملح

أسامة عبد الصمد · 2013-07-18, 09:13

بارك الله فيكم.

أم هيثم محمد · 2013-07-18, 09:41

اشوي الفلفل الحلو والحار والطماطم وسنات ثوم من الاحسن في طاجين الطين ينزع القشور بسهولة دون ما تبقي الكحولة تاع الفلفل وهذا بعد ما وضعتيها في كيس بلاستيك ثم قطعيه مربعات صغار حطيهم في مقلة اضيفي الملح والزيت وخليهم يطيبو شوي واذا جاك حار اضيفي في الاخير شوية زيت زيتون قبل التقديم وشهية ذيبة

Lona.Anna · 2013-07-18, 10:46

6 جواوات فلفل حلو وجوا فلفل حار وحبة بذنجان متوسطة و حبتين متوسطتين طماطم و سنات ثوم نشويهم فوق نار ونضعهم في كيس ثم نقشرهم و نقطعهم قطع صغيرة٬ نطيبوههم في مقلة مع شوي زيت وزيت زيتون و هذا طبق في صورة

الجمان · 2014-12-07, 15:10

يعطيكم الصحة

zahra2014 · 2014-12-08, 08:51

اختي اشوي الفلف والطماطم فوق النار ونقيهم وزيدي اشوي حبات ثوم ومن بعد قطعيهم رقاق
تحبي ديريهم في الميكسور تحبي قطعيهم رقاق ومن بعد حطيهم فوق النار يشربو شوية وفي الاخير طفي النار وضيفيلهم الزيت والخل وشووووووية فلفل اسود
كي تقدميه اضيفي الزيتون والطون وشهية طيبة

ام ندى 87 · 2014-12-08, 10:35

انا نشوي كل من الفلفل الاخضر والحار والطماطم ونقطعهم ونخلط مع زيت الزيتون يجي مممممم

om_hadil · 2015-05-19, 08:49

اين باقي التجارب ؟؟؟؟؟

hanan 26 · 2015-05-20, 13:12

نحبو بزاااااااااااااااااااف شكراااااااااااااااااا

sunshine2013 · 2015-05-20, 13:21

هاد الطرق كامل جربتهم بصح ما يخرجش كيما نتاع المطاعم هوما ما يديروش فلفل حلو أي طرشي وقيﻻ و ماكاش التوم

soltanabelkiis · 2015-05-20, 15:56

السلام عليكم كنت حنكتبلك لكن لقيت حراير ماشاء الله عليهم سبقوني وصفتي لا تختلف عليهم.

nadia38 · 2015-05-21, 11:52

نشوى الفلفل ترابي تؤم و نقليه في الزيت تم نضيف الفلفل و نقليه على نل قلوية باش ما يطلقش ألماء تناعه ونحرك دائماً كي يتلقى نزيد له طماطم مريحة و وطيبه حت تنشف الطماطم جربيه و ردي لي الخبر