ممكن تعطوني فكرة على منصب ingénieur d'étude a sonelgaz - الصفحة 2

NETELLER · 2016-06-29, 14:58

اقتباس:

المشاركة الأصلية كتبت بواسطة آسيا 25

أهلا أخي الكريم
و فيك بارك الله شكرا على الدعاء و لك بالمثل أخي.
بالنسبة للمقابلة ما تطولش على الأكثر 20 دقيقة شوف أخي هوما généralement يحبو يشوفو المستوى تاعك من جميع الجوانب بمعنى لو عرفت تتكلم و تقدم نفسك و تجاوب بقناعة رايحين ينقطولك مليح ركز على ميدان تخصصك راهو هو الصح على ماأظن أنت راك إلكترو تقني يعني مثلي رايحين يسألوك عن طبيعة التيار المستخدم في الشبكة(مستمر أو متناوب?) لما تقولو متناوب يقولك لماذا? و عن طريقة حماية الشبكة types de protection يعني أسئلة بسيطة.
ما عليك غير قبل المقابلة تحضر نفسك إطلع على الإنترنت فقط أكتب réseaux électriques و ابحث في محرك البحث غوغل رايح تلقى أهم المعلومات اللي ممكن يسألوك عليها, و طبعا التوكل على الله هو الأساس.
المدير يحضر المقابلة و هو من يتكفل بطرح الأسئلة التقنية كما يحضر إلى جانبه مسؤول من مديرية الموارد البشرية direction des ressources humaines و مختص نفسي لملاحظة تحركاتك وإيماءاتك لذلك أخي إياك أن تذهب بعينيك يمينا و شمالا أثناء الإجابة على الأسئلة إذ راح يظنو أنك تكذب أنظر مباشرة في عيني السائل بكل ثقة و تكلم أما بالنسبة لعدد المترشحين فطبعا سيكون كبير بصح ما يخلعوكش أغلبيتهم جايين pour tenter la chance فياأنا تقدم حوالي 300 مترشح في تخصصي فقط و في امتحان psychotechnique لقيت نفسي مع 2 أخرين فقط و في الأخير تم إختياري أنا و واحد فقط و صدقني أخي و الله العظيم ما معريفة حظرت نفسي مليح فقط و قريت على طريقة إجراء مقابلة عمل و توكلت على ربي سبحانو و دعيت و الحمد لله ربي ما خيبنيش اللي يتعب ينال أخي.
نتمنالك التوفيق أخي و إذا إحتجت شيء راني في الخدمة نجاوبك بواش نعرف كامل بإذن الله.

بارك الله فيك أختي اليوم اجتزت المقابلة كانت سهلة أجبت على 3 اسئلة من أربعة ... في البداية كنت قلق لكن تخطيت القلق بعد ذلك . إن شاء الله يكون فيها خير.

جازاك الله خير والله يعطيك ما تتمناي .

Lotfi19001 · 2016-06-29, 16:02

اقتباس:

المشاركة الأصلية كتبت بواسطة آسيا 25

السلام عليكم
أخي أنا عيطولي بعد 6 أشهر من إجتياز le psychotechnique بصح أنت طولو عليك بزاف واش من ولاية أنت?ممكن نسألك زملائي اللي يعملو في مديرية ولايتك.

ولاية تبسة

ميلود3100 · 2016-06-30, 05:27

السلام عليكم
فقط سؤال هل صحيح هنــاك توظيف في سونلغـاز هــاته الأيام ؟؟؟

آسيا 25 · 2016-06-30, 09:02

اقتباس:

المشاركة الأصلية كتبت بواسطة neteller

بارك الله فيك أختي اليوم اجتزت المقابلة كانت سهلة أجبت على 3 اسئلة من أربعة ... في البداية كنت قلق لكن تخطيت القلق بعد ذلك . إن شاء الله يكون فيها خير.

جازاك الله خير والله يعطيك ما تتمناي .

و فيك بارك الله اخي ربي يجيبها فالصواب ان شاء الله موفق باذن الله

آسيا 25 · 2016-06-30, 09:10

اقتباس:

المشاركة الأصلية كتبت بواسطة lotfi19001

ولاية تبسة

راح نسال زملائي في تبسة عندنا اجتماع معاهم في شهر جويلية ان شاء الله و نردلك الخبر نتمنى فقط انهم ما يكونوش داولك بلاصتك خاطر قريب عامين بزاف انت ادعي ربي في هاد الايام المباركة بالتوفيق اخي و ساعة ساعة ادخل للموضوع هذا باش نرجعلك الجواب اذا كاش ما عرفت

آسيا 25 · 2016-06-30, 09:13

اقتباس:

المشاركة الأصلية كتبت بواسطة ميلود3100

السلام عليكم
فقط سؤال هل صحيح هنــاك توظيف في سونلغـاز هــاته الأيام ؟؟؟

اخي انت في الغرب تابع لsdo ما نقدرش نعرف اذا كاين توظيف عندكم لاني تابعة لفرع الشرق نتمنى انو يفيدك عضو اخر تكون عندو المعلومة.

Lotfi19001 · 2016-06-30, 10:26

اقتباس:

المشاركة الأصلية كتبت بواسطة آسيا 25

راح نسال زملائي في تبسة عندنا اجتماع معاهم في شهر جويلية ان شاء الله و نردلك الخبر نتمنى فقط انهم ما يكونوش داولك بلاصتك خاطر قريب عامين بزاف انت ادعي ربي في هاد الايام المباركة بالتوفيق اخي و ساعة ساعة ادخل للموضوع هذا باش نرجعلك الجواب اذا كاش ما عرفت

شكرا اختي ,بارك الله فيك

Toufikkar · 2016-06-30, 17:06

اسيا 25

لدي سؤال اتمنى الاجابة عليه ، تم الاعلان منذ 6 اشهر على مستوى وكالة ولاية باتنة عن عرض عمل علر مستوى grte قمت بالتسجيل في العرض لكن الى اليوم لم يتم استدعاء اي احد مهندس دراسات، هل ممكن ايكونو فاتو لتحت لتحت او هل اجد لديك معلومات ، ملف الترشح وضعته في ولاية سطيف
في الاخير هل ممكن معلومات على هذا المنصب و ايضا نصيحة بيسك و الله كرهت و انا نسنانا نخمم نروج نجيب البيلتا تاعي و انتضر عرض عمل اخر ، احتاج لنصيحة
سلااااام

amine1232 · 2016-07-01, 02:51

khoya rah ydirok fi 2 service soit division technique électricité ou service division etude kima gatlak oktna je pense rah tkon fi lawla fi distric fi service exploitaion ;;;;;;;;; khona li ysaksi ala recrutement soit sdo wela sde hsab kol welya ou besion nta3ha ana wasi fi sonalgaz ou anem bah yerslok ou allah ysahal

yilmaz · 2016-07-02, 00:00

الاخت آسيا انا من الشرق grtg درنا امتحان العام الي فات في رمضان ومزال ماسمعت والو اذا عندك معلومة

canada_13 · 2016-07-02, 19:54

السلام عليكم و رحمة الله كيف حالك
لقد نم الاتصال بي من قبل شركة سونلغاز لمنصب مهندس دراسات هل من الممكن تزويدي بمعلومات حول الاختبار الشفهي و الكتابي و النفسي ... و كم المدة الفاصلة بين الاختبارات للعلم قالو لي بانه بجب دفع ملف و الانتضار حتى الاتصال بك دفعت الملف منذ 4 اشهر
اذا امكن طبيعة الاسئلة
بارك الله فيكم

آسيا 25 · 2016-07-03, 08:38

اقتباس:

المشاركة الأصلية كتبت بواسطة toufikkar

اسيا 25

لدي سؤال اتمنى الاجابة عليه ، تم الاعلان منذ 6 اشهر على مستوى وكالة ولاية باتنة عن عرض عمل علر مستوى grte قمت بالتسجيل في العرض لكن الى اليوم لم يتم استدعاء اي احد مهندس دراسات، هل ممكن ايكونو فاتو لتحت لتحت او هل اجد لديك معلومات ، ملف الترشح وضعته في ولاية سطيف
في الاخير هل ممكن معلومات على هذا المنصب و ايضا نصيحة بيسك و الله كرهت و انا نسنانا نخمم نروج نجيب البيلتا تاعي و انتضر عرض عمل اخر ، احتاج لنصيحة
سلااااام

السلام عليكم
أخي أنا راني تابعة لشركة التوزيع أما أنت فترشحت في شركة نقل الكهرباء ما نقدرش نعطيك المعلومة فيما يخص التوظيف عندكم لكن نقولك ما تتقلقش لأنو سونلغاز يطولو باش يعيطو للإمتحان و أيضا لما تنجح يطولو اش يعيطولك و مادام هزيت العرض من وكالة التشغيل ما تخافش لازم يعيطولك تفوت الإمتحان و لكن هذا ما يمنعش أنك تزيد تهز عروض أخين لشركة سونلغاز في وكالة التشغيل فوت إمتحان في عدة فروع و منين حكمتلك هداك هو،بالتوفيق أخي

آسيا 25 · 2016-07-03, 08:40

اقتباس:

المشاركة الأصلية كتبت بواسطة canada_13

السلام عليكم و رحمة الله كيف حالك
لقد نم الاتصال بي من قبل شركة سونلغاز لمنصب مهندس دراسات هل من الممكن تزويدي بمعلومات حول الاختبار الشفهي و الكتابي و النفسي ... و كم المدة الفاصلة بين الاختبارات للعلم قالو لي بانه بجب دفع ملف و الانتضار حتى الاتصال بك دفعت الملف منذ 4 اشهر
اذا امكن طبيعة الاسئلة
بارك الله فيكم

أخي إقرأ ردي فوق على الأخ الذي وضع الموضوع لقد شرحت له كيف يتم الإمتحان.

آسيا 25 · 2016-07-03, 08:43

اقتباس:

المشاركة الأصلية كتبت بواسطة yilmaz

الاخت آسيا انا من الشرق grtg درنا امتحان العام الي فات في رمضان ومزال ماسمعت والو اذا عندك معلومة

أهلا أختي للأسف ما نقدرش نفيدك لأني تابعة لفرع التوزيع و أنت ترشحت في فرع نقل الغاز نتمنى يفيدك أحد الأعضاء من شركة النقل.
بالتوفيق.

NETELLER · 2016-07-03, 12:06

السلام الأخت آسيا ممكن تفيدينا بعد القبول في المقابلة الأولى .. هل بالضرورة هناك مقابلة أخرى test psychologique وكيف يكون وماهي الأسئلة ... أو يمكن أن يكون القبول في المقابلة الأولى هو قبول نهائي ؟ للعلم المقابلة الأولى كانت خفيفة 5 دقائق فقط.

جازاك الله على كل ما تقدمينه لنا و للأخوة في المنتدى.